30. पांज हजार लोका बे रोटी खलाई

यीशु आपणे चेले अलग -अलग ग्राआ बे भेजी की त्या लोका बे शिक्षा दे। जेबा त्या चेले बापिस आऊये तेबा त्याए यीशु बे खोजू की हामे ग्राए कह – कह करू।" जखे यीशु थी, यीशु तया चेले झीला री दूजी तरफा एक सुनसान जागा में थोड़ी देरी आराम करने बे बोलू। तेबा त्या एकी किस्ती में बैठे, झीला री दूजी तरफा बे नाठे।

पर तखे बहु लोके यीशु होर तेऊरे चेले किस्ती में नाह्न्दे हेरी। होर त्या लोका तयाका पहिले झीला री दूजी तरफा बे नाहण री तणी झीला रे किनारे-किनारे होई करे ठुरी। जेबा यीशु होर तेऊरे चेले झीला रे दूजी तरफा पूजे, तेबा तखे लोका रअ एक बडअ छुड पहिले का त्या निहालदअ लागे दे थी।

तेऊ छूडा में लगभग 5,000 मर्द थी पर त्या में बेटड़ी होर वच्चे री गिनती नाँई हुन्दी थी। यीशु त्या लोका पेंदे बडी दया करी। किबेकी त्या लोका भटकी ज़ेही भेडा जेहे थी, जासु सम्भालण आलअ कोहे नाँई थी। तेबा यीशु तया बे शिक्षा दीनी, होर यीशु त्यामें का सभे बीमार लोका ठीक करी।

जेबा धयाड बीतती लागी तेबा चेले यीशु बे बोलू, "एबा बहु देर होई, होर अखे होरी पोरी कोहे भी ग्राआ नाँई आन्दअ। याहा लोका अखा का नाहणे दे, की तया आपु बे खाणे बे लई करे आणी सके।"

पर यीशु चेले बे बोलू, "तमे आपे याहा लोका बे खाणे रा इंतजाम करा !"चले उतर दीना, "हामा एडा केई साबे करना?हामा सेटा सिर्फ पाज रोटी होर दुई माछी आसा।"

यीशु आपणे चेले बे बोलू याह लोका बे बोला की 50 – 50 लोका री गेहड बणाई करे जमीना में बशयागा।

तेबा यीशु पांज रोटी होर दुई माछी आणी करे स्वर्गा फेरा बे हेरू, होर तेऊ खाणे बे परमेश्वरा रा धनयवाद करू।

तेउकी यीशुये रोटी होर माछी रे टुकडे करी। होर चेले बे बोलू याहा टुकड़े सभी लोका में बाडा। चेले त्या टुकड़े सभी लोका बे बाडी, पर तेबा भी त्या टुकड़े खत्म नाँई होई ! तयाहे सभी लोके पेट भरी करे खाणा खाऊ।

सभी लोका रे खाणे रे बाद चेले बची दे टूकडे कठे करी, होर तेता में बची दे टूकडे रे बारहा टोकरे भरी जोह बची दी थी तेतकी बारहा टोकरी भरी! यह सारा खाणा त्या दुई पाज रोटी होर दुई माछी रा थी।