31. यीशु रा पाणी में हांडणा

पांज हजार लोका बे रोटी खलाऊणे बाद, यीशु आपणे चेले बे बोलू, किस्ती में बैशा होर महा का पहिले झीला री दूजी तरफा बे नाहा, तेबरे तणी हाऊ याहा लोका अखा का बिदा करू। तेबा चेले ठुरी। लोका रे छुडा बिदा करी करे,यीशु प्रार्थना करने बे एकी पहाडा बे नाठअ। यीशु तखे केलअ थी, होर तेऊ राची खासी देरी तणी प्रार्थना करी।

तेऊ वक्ते, चेले जेबा आपणी किस्ती नाह्न्दे लागे थी, तेबरे आधी राच होई मुकी थी पर एबरे किस्ती झिला रे बीचा में पूजी थी, चेले बडी मुशिकला सगे किस्ती चलाऊनदे लागे दे थी किबेकी बागर उलटे फेरा बे चली दी थी।

प्रार्थना करने बाद यीशु आपणे चेले सेटा बे नाठअ। यीशु पाणी में हांडी करे किस्ती सेटा पूजअ।

तेबा यीशु पाणी में हाडदअ हेरू। तेबा त्याहे जाणु की यह राक्स आसा। होर त्या बहु ज्यादा डरी, यीशु पता चलू की चेले डरी, तेबा यीशु चेले बे हाका पाई, “डरा नाँई हाऊ आसा!"

तेबा पतरसे यीशु का बोलू, "हे प्रभु अगर तूह साहा तेबा महा भी आज्ञा दे की ताह सेटा बे पाणी में हांडी करे ईछु।" यीशु पतरसा का बोलू, "ईछअ!"

तेबा पतरस किस्ती का उतरु होर यीशु सेटा नाहणे री तणी पाणी पेंदे हांडद लागअ। पर थोड़ी दूर नाही करे, पतरसे आपणी आछी यीशु का फेरी।

तेबा पतरस बागर होर पाणी री छाली हेरी करे डरु होर पाणी में डूबद लागअ। होर जोरे -जोरे बोलू, " हे प्रभु, महा बचा!" यीशु तेबरी हाथ आपण हाथ जेह काहडी करे सह ढाकु। तेबा यीशु पतरसा बे बोलू, " हे कम बुशाह आल़ेआ ! ताए महा पेंदे बुशाह किबे नाँई करू ?"

तेबा यीशु होर पतरस किस्ती में चढ़ी, होर तेबरी बागरी रा हुणा बंद होऊ। होर पाणी री छाली शांत होई। चेले हैरान होई, त्याहे उटे पड़ी करे यीशु री स्तुति करी, होर यीशु का बोलू तूह सची परमेश्वरा रअ शोहरू आसा।"