32. यीशु दुष्टात्मा का ग्रस्त मन्शा होर एक बीमार वेटड़ी ठीक करी

एकसा धयाडी यीशु होर तेऊ रे चेले आपणी किश्ती में गिरासेनी रे नगरा बे नाठे, जखे गिरसेनी लोका रहंधा थी।

जेबा यीशु किस्ती में का उतरु तेबा तेऊ वक्ते एक मणश जासु में बहु सारी दुष्टात्मा थी कब्रिस्ताना का निखली करे सह मणश यीशु का मिलु।

सह मनश एतरअ शक्ति आलअ थी कि कोहे भी तेऊ वशा में करी नाँई सकदअ थी। कईये बारी लोके तेऊ रे हाथ होर जाँघा शागली संघे बांधी, पर सह त्या शागली चोडी पाउंदा थी।

सह मनश कब्रिस्तान में रहंधा थी। होर राच धयाड क्रिगा लाऊदा थी। सह झिकड़े नाँई बांदअ थी होर आपणे आपु बे पाथरे सगे बानधअ रहंधा थी।

सह मनश ठुरी करे यीशु सेटा वे आऊओ होर सह यीशु सेटा उटअ पडू।तेवा यीशुये तेऊ मनशा रे मितरा री दुष्टात्मा का बोलू सह, " हे दुष्टात्माओ एउ मन्शा का बागे निखला !"

त्या दुष्टात्मा जोरे संघे बोल्दी लागी, “ हे यीशु, परम प्रधान परमेश्वरा रे शोहरू, ताह हामा सगे केह काम आसा ? हामा पेंदे कृपा करी करे हामा सजा नाँई दे!" तेवा यीशुये दुष्टात्मा का पूछु , "तेरा ना कैह आसा?" दुष्टात्मा बोलू, “माहरा ना सेना आसा, किबेकी हामे खासी आस।"

त्या बहु दुष्टात्मा यीशु का प्रार्थना करी, "कृपा करी करे हामा एउ नगरा का बागे नाँई भेजे!" तखी नेडा रे पहाडा में सूअरा रअ एक छुढ चरदअ लागदअ थी। तेवा त्याये दुष्टात्मा यीशु का प्रार्थना करी , "कृपा करी करे हामा या सूअरा में भेज !" पर हामा बे सजा नाँई दे यीशुये दुष्टात्मा का बोलू, "ठीक साहा, तमे याहा सूरा में नाशा!"

तेउकी त्या दुष्टात्मा तेऊ मणशा का निखली करे त्या सुअरा में नाठी। त्या सूअर ठुरी करे एकी ढगा का छलागा दीनी होर पाणी में डूबी करे मुंये। तेऊ छुडा में लगभग 2,000 सूअर थी।

जेबा तखे त्या सूअरा री हेरभाल करणे आल़े लोके यह सभी हेरू तेबा त्या ग्रा होर नगरा बे ठुरी। जोह किछ तखे यीशु करू थी सह सभे त्याए ग्राए होर नगरे खोजू। होर जोह कुछ तखे होऊ थी लोका तेता हेरे आए। तखे ईछी करे लोके सह मणश हेरू, जासु में पहिले बहु सारी दुष्टात्मा थी, सह मणश शांत,रामडे झीकड़े बानिदे, होर एक राम्बडे मनशा साही व्यवहार करदअ बैठदअ हेरू।

त्या लोका बहु डरीदे थी,त्याये यीशु बे बोलू मारे ईलाके का बापिस नाहा। जेबा यीशु किस्ती में बेठअ। होर जासु मणशा में पहिले दुष्टात्मा थी सह मणश यीशु का प्रार्थना करदअ लागअ कि महा भी आपु संघे ईहणे दे।

पर यीशुये तेऊ मणशा का बोलू , "नाँई। हाऊ चाहन्दा कि तुह घरे नाही करे सभी लोका वे खोजे कि परमेश्वरे तेरी तणी केथरा बड़ा काम करुदा साहा। त्या लोका वे खोज कि कैडे परमेश्वरे ताह पेंदे दया करी।"

तेउकी सह मणश ठुरु होर तेऊ सभी लोका बे खोजू की यीशुये मेरी तणी केतरे बड़े -बड़े काम करी। होर जूणी भी तेऊ मणश री कहाणी शूणी त्या सभे हैराण हेरी।

जेबा यीशु झीला री दूजी फेरा वे बापिस आऊओ। तेबा तखे पूजणे का बाद, एक बड़ी भीड़ तेऊ ज़ेह पीछे कठे होई होर यीशु दबाउदे लागे। त्या में एक वेटड़ी थी जासु बारहा साला का लोहू बहणे री बीमारी थी।सह बेटड़ी बहु सारे बईदा सेटा नाठी, होर तेसा आपणा सारा धन बईदा सेटा खर्च करू दा थी की तेसकी बीमारी ठीक होए, पर तेसकी बीमारी होर भी ज्यादा बडी थी।

तेसा बेटड़ी शुणुदा थी कि यीशुये बहु सारे बीमार लोका ठीक करीदे साहा, होर तेसे सोचु, " अगर हाऊ यीशु रे झिकदे ही छुये, तेवा भी हाऊ ठीक हुणी !" तेवा सह बेटड़ी यीशु रे पीछा का आई होर तेसे यीशु रे झिकड़े छुई। तेऊ वक्ते तेसका लोहू बहणा रुकू।

यीशु एक दम पता लागा की महा का सामर्थ निकदी। तेवा यीशु पीछे मुड़ी करे पुछु, "हाऊ कुणी छूऊ?" चेले उतर दिना, "अखे एतरे सारे लोका आसा जोह ताह पेंदे पड़दे लागे दे साहा। होर तूह बोला की हाऊ कुणी छुहु?"

जेबा सह बेटडी डरे सगे कामदे आपणे घुटणे सगे यीशु बैठी। होर तेसा यीशु बे सच खोजू की तेरे झिकडे माए छुई, होर तेसे यीशु बे यह भी खोजू की ताह छूणे का मेरी बीमारी ठीक होई। यीशुये तेसा का बोलू, " बेटी, तेरे बुशाहे तुह ठीक करी दी साहा। खुशी संघे नाह।"