33. एकी किसना री कहाणी

एकसा धयाडी यीशु, झीला रे किनारे बहु लोका बे शिक्षा दीनदअ लागअ थी। यीशु री गला शूणने री तणी एथरे लोका आए की त्याबे खडने बे जागहा नाँई रही। तेबा यीशु किस्ती में बेठअ होर लोका बे शिक्षा दीनदअ लागअ।

यीशु त्याबे एक कहाणी शूणाई, "एक किसान बेजे बऊन्दअ बागे नीकदअ। बेजे बऊदे वक्ते थोडा बेजा बाता रे किनारे पडू चेलू ईछी करे सह चुगू। "

थोडा बेजा शाफडा आली जमीना में पडू, जखे माटा कम थी। सह बेजा छेकअ लागा, पर थोडा माटा हुणे री बजा का तेऊ बेजे री जड़ा डूगी नाँई नाठी थी। जेबा धयाडअ निकदअ होर धूपा लागा तेबा तेऊ बेजे रे पिभु शुके।

थोडा बेजा झाखडे पडू। सह बेजा लागा, पर कान्डे सह दबाऊ। होर जेह बढ़णे नांही दीना, तेबा जोह बेजा झाखडे लागा दा बेजा किछे फला नाँई देई सका।

जोह बेजा रामडी जमीना में पडू। सह बेजा लागा होर बड़े होई करे तेता में फसल होई, कई 30 गुणा कई 60 गुणा होर कई अखे तणी की शह गुणा फसल होई। तेबा यीशु लोका बे बोलू, “जोह कुछ हाऊ तमा बे बोला तमे तेता समझने री कोशिश करा!

एसा कहाणी शूणी करे चेले उलझना में पडी। तेबा यीशु तेया समझाई की, "सह बेजा परमेश्वरा रा वचन साहा।बाता पडू दा बेजा तेऊ मणशा साही साहा जोह परमेश्वरा रअ वचन तअ शूणा, पर तेऊ समझदअ नाँई। तेबा सह वचन शूणा, तेबा शैतान तेऊरे मना का वचना चोरी पाउदा। "

शाफडा आली जमीना में पडू दा बेजा तेऊ मणशा साही साहा जोह परमेश्वरा रअ वचन शूणी करे तेता खुशी सगे मना। पर जेबा तेऊरी जिंदगी में दुखा रा वक्त ईहन्दा, तेबा सह तेऊ वक्ते परमेश्वरा पेंदे बुशाह नाँई कर दअ।

झाखडे पडू दा बेजा तेऊ मणशा साही साहा जोह परमेश्वरा रा वचन शूणा, पर सह संसारा री चिंता में होर परेशानी में फसी रहंदा, जेड़ा की ढबे रा लालच, धोखा. चीजा रा लोभ। याहा सारी गला तेऊरे मितरा का वचना दबाऊन्दा, होर एसा बजा का एउ साबा रे लोका आत्मिक फला पाऊणे का रहंदा।

पर शोभली जमीना में पडू दा बेजा सह मणश साहा, जोह परमेश्वरा रे वचना शूणा, होर तेऊ पेंदे बुशाह करा, होर फल पैदा करा।