34. यीशु बहु सारी कहाणी सुणाई

यीशुये परमेश्वरा रे राज्य रे बारे में होरा बहू कहाणी शुणाई। यीशु बोलू, "परमेश्वरा रा राज्य एकी राई रे बेजे रे साही साहा जासु कासीये आपणे खेचे बऊ। तमे जाणा कि राई रा बेजा सभी बजे का होछअ हुंदा साहा।"

पर जेबरे राई रअ दाणअ बडअ होऊ तेबा सह सभी सागा पाचा का बडअ हुंदा,एछअ बडअ हुंदा की चेलू भी तेत्की शाणी पेंदे आराम करा।

यीशुये एक होर कहानी खोजी, "परमेश्वरा रा राज्य खमीरा बराबर साहा जोह जासु बेटड़ी आणी करे चीई किलो पीठे में मिलाऊ होर मिलाऊनदे मिलाऊनदे सह सारा पीठा खमीर बणु।"

परमेश्वरा रा राज्य तेऊ खजाने रे साही साहा जोह कासुये खेचे गजयाऊदअ साहा। कासु होरी मन्शा सह खजाना भेटा होर तेऊ पाउणे री बहू इच्छा करी। तेवा तेउये सह भीआ का दबाई डाहू। सह मणश एथरअ ज्यादा खुश होऊ की तेऊ आपणा सब्हे सा बेचीं पाऊ कि सह तेऊ खेचा लई सके।

परमेश्वरा रा राज्य एक बहु कीमती शुद्ध मोती रे साही साहा। जेवा कासु व्यापारी सह कीमती मोती भेटअ, तेबा सह तेता लउणे बे सभे साहा आपणा सब्हे सा बेचीं पाउदा साह।

तखे एखा लोका थी जोह सोचा थी कि परमेश्वरा हामे तेवा ग्रहण करने किबेकि हामे भले कामा करदे लागेदे साहा। त्या एडे लोका तुच्छ माना थी जोह त्या जेहे भले कामा नाई करदे थी। तेवा यीशुये त्या वे यह कहाणी खोजी "दुई मणश थी होर दुहे मणश प्रार्थना करदे मंदिरा बे नाठे। त्या में एक चुंगी लउणे आल़ थी, होर दूजअ एक धार्मिक गुरु थी।"

तेऊ धार्मिक गुरु एउ साबे प्रार्थना करी, 'हे परमेश्वर, तेरा धन्यवाद हो कि हाऊ एउ दूजे मणशा जेहअ चुगी लऊण आलअ डाकू, होर व्यभिचार करन आलअ पापी मणश नाँई आंदअ।'

हाऊ हर हप्ते दुई बारी व्रत डाहदा, होर आपणी कमाई रा दशमास भी ताह बे दिंदा।

पर तेऊ चुंगी लउणे आल़े मणशे तेऊ धार्मिक गुरु का बहू दूर खडे होई करे तेऊ आपणी हीक टोकी -टोकी प्रार्थना करी, “हे परमेश्वर महा पापी पेंदे दया कर किबेकी हाऊ एक पापी मणश आसा

तेउकी यीशुये बोलू, "हाऊ तमा का सच बोलादा साहा, परमेश्वरे तेऊ धर्मी गुरु री नाँई पर तेऊ चुंगी लउणे आले री प्रार्थना शुणी होर सह धर्मी मनु। पर तेऊ चुंगी लऊण आल़े री प्रार्थना धार्मिक गुरु ज़ेही नाँई थी। किबेकी जोह आपणे आपा बे बडअ समझलअ, सह होछअ करनअ, होर जोह आपणे आपा बे होछअ समझलअ सह बडअ करनअ।"