35. दयालु बापु री कहाणी

एकसा दिहाड़ी, यीशु बहू सारे चुंगी लऊण आल़े होर होरी पापी लोका बे शिक्षा दीनदअ लागअ थी जोह यीशु री शिक्षा शूणने बे तखे कठे होई थी।

तखे एखा धार्मिक गुरु भी बेठेदे थी, त्या हेरू कि यीशु पापी लोका सगे एकी दोस्ता साही गल्ला करदअ लागअ आसा। तेवा त्या आपु में गला करदे लागे, यह गलत लाऊ दा करना, यीशु त्या री याह गला जाणी करे की तयाहे कह बोलणा लाऊदा, तेबा यीशु त्याबे यह कहाणी खोजी।

एक मनश थी जासके दुई शोहरू थी। होच्छे शोहरू आपणे बापू का बोलू, 'हे बापूआ, माहबे ऐवरी आपणा हिस्सा लोडी!' तेउकी बापू आपणे दुही शोहरू मंजे आपणी सम्पत्ति रा बँटवारा करू।

धख धयाडे बाद, होछअ शोहरू आपणा सभे साहा बेचीं करे दूरा देशा वे नाठअ, होर तेऊ पापी जीन्दगी जिउणे री तणी आपणा सारा धन खत्म करू।

एता बाद, जासू देशा में होच्छअ शोहरू थी तेऊ देशे एक तगड़ा आकाल पडू, होर सह होछअ शोहरू कंगाल होऊ तेऊ जेह रोटी खाणे बे ढबे नाँई रही थी। तखे तेऊ सीधी सूरा चारने रा काम भेटा।सह एथरअ दुखी होर भोछअ थी सह सुरा रे खाणे सगा आपण पेट भरण चाह्न्दा थी।

जेबा तेऊ होछे शोहरू समझ आई तेबा सह आपणे मने सोचतअ लागअ, मेरे बापू रे घरे केतरे मजदूर काम करा होर त्या बे खाणे बे रज रोटी भेटा, होर हाऊ अखे भोछे मरदअ लागअ आसा। एबा महा आपणे बापू रे घरा बे बापिस नाहणा होर तेऊ बे बोलणा की बापूआ माए तेरे बिरोधा में होर परमेश्वरा रे बिरोधा में पाप करूदा आसा। एबा हाऊ तेरअ शोहरू लाईक नाँई रहू, महा एबा नोकर बणाई करे डाह।'"

तेउकी सह होच्छअ शोहरू वापस आपणे घरा बे आओ। सह एबरे घरा का दूर ही थी की तेऊरे बापूए सह हेरू होर तेऊ पेंदे दया करी।बापू ठुरी करे आपणे शोहरू सेटा बे नाठअ होर गले लाई करे तेऊ सगे प्रेम करू।" " तेऊ शोहरू ये बोलू, “हे बापूआ, माई परमेश्वरा रे होर तेरे बिरोधा में पाप करूदा साहा। हाउ तेरे शोहरू बोलणे रे लायक भी नाई साहा।” " " पर बापूये आपणे एकी सेवका का बोलू, “छेकअ नाशी करे सभी का राम्बडे झिकड़े आणा होर मेरे शोहरू वे बाहणे बे देआ! तेऊ री गुठी में मुदडी होर जागा बे बूट बाहनी देया। तेउकी सभी का राम्बडअ बाकरअ काटा की हामे तेता खाई करे खुशी मनाई सके, किबेकी मेरअ शोहरू मुअ थी, पर एबा यह जिउंद होऊ !” "

तेवा लोके ख़ुशी मनाणी शुरु करी। थोड़े वक्ता बाद, बड़अ शोहरू खेचा का काम करी करे घरा वे आउअ। तेउये गाणे होर नाचणे रा हाला शुणी करे हैरान होऊ कि अखे यह कैह हुंदा लागादा साहा।

जेवा बड़े शोहरू पता लागा कि मेरअ घरा बे बापिस आओ,होर याहा एऊरे ईहणे री खुशी मनाऊदे लागे दे आसा, तेवा तेऊ बहू रोष आउआ होर सह घरा मितरे नाई आऊओ। तेऊ रे बापू बागे इच्छी करे तेऊबे बोलू तूह भी खुशी मनाऊदअ हामा सगे ईच्छ, पर सह मुड़ी करे नाठअ की माह नाँई ईहणा।

तेऊ बड़े शोहरू आपणे बापू का बोलू, “बापू, माए एथरी साला इमानदारी सगे काम करू! होर कधी भी तेरी गल्ला मनणे बे मना नाँई करू, पर ताई माहवे एक होच्छी बाकरी रह छेलू भी नाँई दीनअ कि हाऊ आपणे दोस्ता संघे पार्टी करी सके। पर तेरे एउ होछे शोहरूये तेरा सारा धन बुरे कामा बे उडाऊ। होर एवा जेवा यह घरा बे बापिस आऊओ तेबा ताए खुशी मनाऊणे री तणी बडअ छेलू काटू!'

बापूये उतर दिना, “हे मेरे शोहरुआ, तूह सदा माई संघे साहा, होर जोह किछ मेरा साहा सह सब्हे सा तेरा साहा। पर हामा वे ख़ुशी मनाउणी ठीक साहा किवेकि तेरअ होछअ भाऊ मुअ थी, पर एवा सह जीउदअ साहा। सह गोजु थी, पर एवा हामा सह भेटदअ साहा!'