36. यीशु रा रूप बदलणा

एकसा धयाडी यीशु आपणे चीई चेले पतरस ,याकूब, होर यहुना, आपु सगे नीई। होर त्या प्रार्थना करदे एकी उचटी जोता बे नीई।

जेबा यीशु प्रार्थना करदअ लागअ थी तेबा तेऊ रा चेहरा सुरजा जेहअ चमकदअ लागअ। तेउरे झिकडे परयाशे जेहे शेते होई ,त्या एथरे शेते होई की धरती पेंदे कोहे भी मणश आपणे झिकडे कोहे नाँई चमकाई सकदअ।

तेबा मूसा होर एलिय्हाह भविष्यवाणी करन आल़े प्रगट होई। या मणश एसा पृथ्वी मे शहा साला पहिले रहंधा थी। त्याहे यीशु री मऊता रे वारे में गला लगे दे थी, जोह यरूशलेम शहरा में हुणे आली थी।

जेबा मूसा होर एलीय्हाह यीशु सगे गला करदे लागे दे थी, तेबा पतरसे यीशु बे बोलू, “हमारा अखे रहणा ठीक साहा। हामा चीण मंडप बड़ाऊणे, एक ताहबे होर एक मूसा बे , होर एक एलीय्हाह बे। " पर पतरस नाँई जाणद थी की सह कीजी बोलदअ लागअ आसा।

जेबा पतरस बोलदअ लागअ थी, की तेबा एक चमका आलअ बादल त्या पेंदे आओ। तेउकी त्याहे बादला में का एक छेडअ शूणी। की यह मेरअ प्यार शोहरु साहा जासूका हाऊ बहु खुश आसा। तमे सभे एउ री शूणा। " त्या चीणे चेले डरी होर नेहटे जमीना में पड़ी।

तेबा यीशु त्या छूई होर बोलू डरा, "नाँई। खड़े उठा। " जेबा त्याहे चहु तरफा हेरू, तेबा त्याहे तखे यीशु रे सिबाए कोहे नाँई हेरू।

यीशु होर त्या चीहे चेले तेसा जोता का बापिस उन्दे इंदे लागे दे थी। तेबा यीशुये त्या बे बोलू, " जेबरे तणी मणशा रअ शोहरू की हाऊ मुए का जिउंद नाँई होए तेबरे तणी जोह तमे हेरू तेता कासी जेह नाँई खोजे।"