37. यीशुये लाजर मुएदे मेका जिउंदअ करू

एकसा धयाडी लाजर ना रअ एक मणश थी। तेऊरी दुई भीणा थी एकी रा ना मरियम होर दूजी रा ना मारथा थी, या चीणे यीशु रे खास दोस्त थी। एकसा धयाडी यीशु बे यह समाचार खोजू की लाजर बहु बीमार आसा। यह समाचार सुणी करे यीशुये बोलू , "यह बीमारी मऊता री नाँई आंधी; पर परमेश्वरा री महिमा री तणी आसा। ” यीशु आपणे दोस्त, मार्था होर तेऊरी भीण होर लाजरे सगा प्रेम डाहन्दा थी। " तेउकी जेबा यीशु यह शूणु की की लाजर बीमार आसा, की जखे सह थी तखे दुई धयाडी होर रुकू।

दुई धयाडी बाद, यीशु बोलू आपणे चेले का बोलू, “ ईछा हामा यहूदिया प्रदेशा बे नाहणा। चेले तेऊबे बोलू, “ हे गुरु कुछ वक्त पहिले लोका ताह मारणा चाह्न्धा थी!" यीशु बोलू, "मेरे दोस्त लाजर सूतअ दअ आसा, महा तेऊ जगाऊंदे नाहणा। "

यीशु रे चेले उतर दीना, "हे प्रभु, अगर लाजर सूतअ दअ आसा तेवा सह ठीक हुणअ।" तेवा यीशु त्यावे स्पष्ट खोजू की, " लाजर मुअ। होर हाऊ थारी बजा का खुश आसा की हाऊ तखे नाँई थी, तमे महा पेंदे बुशाह करा। "

जेबा यीशु लाजरा रे ग्राए पूजअ, तेबा लाजरा कबरा में डाही चार धयाडी होई थी। मार्था यीशु का मिलदी बागे आई होर बोल, " हे प्रभु अगर तूह अखे हुन्दअ तेबा मेरअ भाई नाँई मरण थी। पर हाऊ बुशाह करा की जोह कुछ तूह परमेश्वरा का मागलअ सह परमेश्वरा ताह बे दीणा। "

यीशु त्या का बोलू, "जिंदगी दीण आलअ होर मुएदे में का जिउंद करन आलअ सीधी हाऊ आसा। जो कोई महा पेंदे बुशाह करल, अगर सह मरलअ भी तेबा भीका सह जिऊदअ हुणअ। जोह महा पेंदे बुशाह करा सह कधी नाँई मरण।कह तूह एता पेंदे विशवास करा?"मार्था बोलू, "हे प्रभु हाऊ विशवास करा की तूह परमेश्वरा रअ शोहरू मसीह साहा।"

तेबा मरियम तखे पूजी जखे यीशु थी। सह यीशु रे चरणा में पड़ी होर बोल्दी लागी, “ हे प्रभु अगर तूह अखे हुन्दअ तेबा मेरअ भाई नाँई मरदअ।" यीशु तेसा का पुछु, "तमे लाजर कई आटू दअ साहा?" त्याहे यीशु का बोलू , "चालअ होर हेर। " तेबा यीशु लेरदअ लागअ।

सह कब्र एक शाफड कोती करे बडाई थी जासके दुआरा सेटा एक पाथर डाहुदअ थी। जेबा यीशु कब्रा सेटा पूजअ तेबा तेऊ बोलू, "एउ पथरा काहडा। " तेबा मार्था यीशु बे बोलू, " हे प्रभु तेऊ मरी चार धयाडी होई मुकी। तेऊक एबा बास ईणी। "

यीशु बोलू, "कह माई तमा बे नाँई बोलू थी अगर तमे महा पेंदे बुशाह करले तेबा तमा परमेश्वरा सामर्थ हेरना?" तेबा त्याहे सह पाथर चकु।

तेवा यीशु उझे स्वर्गा फेरा बे हेरू होर बोलू, "हे पिता, हाऊ तेरा धन्यवाद करा। हाऊ जाणा की तूह मेरी सदा शूणा, हाऊ जाणा भी की तूह मेरी सदा शूणा, पर जोह अखे ओरी फोरी लोका खडी दे आसा, याहा री बजा का माए यह बोलू, की याहा लोका बुशाह करे की ताए हाऊ भेजूदअ आसा।"तेबा यीशु जोरे आका पाई, " हे लाजर कब्रा का बागे निखलअ!"

तेबा लाजर कफना सगे कब्रा का बागे निकदअ ! यीशु त्यहा का बोलू, एउरे कफना खोला होर एउ नाहणे देआ। ” तेबा जोह यहूदी लोका मरियमा सेटा आए दे थी, होर जेबा त्याहे यीशु रा यह चमत्कार हेरू, तेबा त्या में बहु सारे लोके यीशु पेंदे विशवास करू।

पर यहूदी रे धार्मिक गुरु यीशु का जलदे लागे, तेबा त्या आपु में कठे होई करे यीशु होर लाजर केहडे साबे मारी पाऊणे एतके बारे में सोचते लागे।