43. कलीसिया री शुरूआत

यीशु रे स्वर्गा बे बापिस नाहणे बाद, चेले यरूशलेमा में शहरा में ही रुकी जेडा कि यीशुये त्या वे करणे वे बोलू थी। तखले विश्वासी लोका लगातार सब्हे प्रार्थना करणे री तणी कठे हुंदा थी।

हर साला, फसह री जाचा रे बाद रे पाजा दिहाड़े बाद, यहूदी लोका पिन्तेकुस्त ना री एक दिहाड़ मनाऊदे लागे थी। पिन्तेकुस्त री धयाडी यहूदी लोका गिहू काटणे री खुशी मनाऊदे लागेदे थी। सारे संसारा में यहूदी लोका पिन्तेकुस्त री धयाड मनाउणे री तणी यरूशलेमा आऊये थी। एसा साला, पिन्तेकुस्त मणाउणे रा वक्त यीशु रे स्वर्गा नाहणे का लगभग एकी हप्ते बाद आउआ थी।

पिन्तेकुस्ता री धयाडी सारे विशवासी लोका सब्हे कठे थी, तेवा जासु घरे त्या थी तखे तेवरी जोरा री बागरी री छेडे होईजासु सगे पूरअ घर भरू। तेवा त्या रे सामने एक आगी साही झलअ प्रगट होई जोह सभी मणशा पेंदे बेठी। त्या सब्हे पवित्र आत्मा संघे भरी होर त्याये होरी भाषा संघे परमेश्वरा री स्तुति करी। यह सह भाषा थी जासु वे बोलणे री तणी त्या पवित्र आत्मा तेयार करी थी।

जेवा यरूशलेमा रहणे आल़े लोके सह हाला शुणू, तेवा तेता भालणे री तणी सारे लोका एकी बारी आए की यह केह हुंदा लागा। त्याये विश्वासी लोका बे परमेश्वरा रे करीदे बड़े बड़े काम री घोषणा करदे शुणी। त्या हैरान होई थी किबेकी त्या त्यारे कामा आपणी भाषा में सुणदे लागे थी।

याह में एखे लोके बोलू, कि त्या चेले नशे में थी। पर पतरस खड़अ होऊ होर त्या का बोलू, "मेरी गला शुणा ! या लोका नशे में नाई साहा! एत्के बजाए, जोह तमे हेरा याहा त्या साहा जोह योएल भविष्यद्वक्ता बोलू थी कि हुणा परमेश्वरे बोलू , 'अन्ता रे दिहाड़े में, माह आपणा आत्मा सभी लोका पेंदे भेजणा उंडेलना। ”

हे इस्राएली लोको, यीशु एक एडअ मनश थी, जासु यह रिहाऊणे री तणी माए अनोखे काम करी थी। तेऊये परमेश्वरा री सामर्था का बहु अद्भुत काम करी थी। तमें यह जाणदा साहा, किबेकी तमे या सभे काम हेरी दे साहा। पर तमे सह क्रूसा पेंदे चडाई करे मारी पाऊ!

यीशु मुअं थी पर परमेश्वरे सह मरी करे जिउन्दअ करू। परमेश्वरे सह गल पूरी करी जोह एकी भविष्यद्वक्ता लिखी थी: 'तूह आपणे पवित्र मनशा कब्रा में सड़णे नाई दीणा।' हामे गवाह साहा कि परमेश्वरे यीशु भीआ का मरी करे जिउंन्दअ करू।

परमेश्वरे पिता सह एवा आपणी दाई तरफा बशेली करे तेऊ बे आदर दीना। होर यीशुये हमारी तणी पवित्र आत्मा भेजूदा जेड़ा की तेऊ बाईदा करू थी महा भेजण। यह सभे काम पवित्र आत्मा करदा लागा दा जोह तमे हेरू होर शूणु।

तमे सह यीशु क्रूसा पेंदे चढ़ाई करे मारी पाऊ। पर तमे यह जाणा की परमेश्वरे यीशु बे सभी चीजा पेंदे प्रभु होर मसीह दुई ठराई दे आसा!

पतररसा री गल्ला शुणन आल़े लोका तेऊरी गला महीतर तणी हिली थी तेबा तेऊ पतरस होर चेले का पुछु, हे भाईयो, हामे कह करू लोडी ?"

पतरसे त्या वे उतर दिना, "तमा में का हर एक आपणे पापा री तणी पचताए कि, परमेश्वर थारे पापा तमा माफ करे, होर यीशु मसीहा रे ना का बपतिस्मा लआ। तेबा तेऊ तमा बे पवित्र आत्मा दीणी |"

पतरसा री गलअ शूणी करे लगभग 3,000 लोके यीशु पेंदे विशवास करू होर त्या यीशु रे चेले बणी। त्याहे बपतिस्मा लउ होर यरूशलेमा शहरा री कलीसिया रा हिस्सा बणी।

जेबा चेले त्याबे शिक्षा दिनी, तेबा बुशाह करन आल़े लोके लागातार शिक्षा शूणी। त्या एकी बारी कठे होई करे सगती करदे लागे दे थी। त्याहे मिली करे परमेश्वरा री स्तुति करी होर जोह त्या सेटा जोह थी, त्याहे सह एकी दूजे बे बाडू। नगर रअ हर एक मन्श त्याबे रामबडा बिचार डाहंडा थी। हर धयाडी, बहु का बहु लोका विशवास करदे लागे।