44. पतरस होर यूहन्ना भिखारी ठीक करदा साहा

एकसा दिहाड़ी, पतरस होर यूहन्ना मंदिरा वे नाठे। तेबा एखे लोके एक लेगडअ बिखारी आणु, होए त्याए सह मंदिरा बागे बशयागु की ईहण होर नाहण आल़े लोका का भीख मागी सके। जेबा तेऊ पतरस होर यहुना मंदिरा बे नाह्न्दे हेरी, तेबा सह त्या का भीख मागदअ लागअ।

पतरसे तेऊ लेगडे बिखारी फेरा वे हेरू होर बोलू, "माह सेटा ताह वे दीणे वे ढबे नाँई आंदे। पर जोह माह सेटा आसा, सह हाउ ताह वे दिंदा साहा। यीशु रे ना का, उठ होर हाड फिर !"

एक दम परमेश्वरे सह लेगडअ बिखारी ठीक करू। सह ओरी –पोरी हांडदअ फिरदअ,पटीकदअ होर परमेश्वरा री स्तुति करदअ शुरू लागअ। मंदिरा रे बराडे लोका तेऊ हेरी करे हैरान होई थी।

लोका री एक भीड़ तेऊ मनशा हेरी आई जोह ठीक होऊ थी। पतरसे बोलू , "तमे एउ मणशा हेरी करे हेरान नाँई होए? हामे यह आपणी शक्ति संघे ठीक नाँई करूदअ साहा, पर सह यीशु साहा जासू यह मणश आपणी शक्ति सगे ठीक करू, किबेकी हामे यीशु पेंदे विश्वास करा। "

त्या तमे ही साहा जासुये तेऊ रोमी राज्यपाल पिलातुसा का बोलू थी यीशु वे मारी पाआ। तमें सह मारी पाऊ जोह सभी वे जीवन दिंदा साहा। पर परमेश्वरे सह मर्री करे जिउदअ करू। तमी नाँई समझू कि तमें कीजी करदे लागेदे थी, पर जेबा तमे त्या कामा करदे लागेदे थी, तेबा जोह भविष्यद्वक्ताए बोलू थी सह पूरा होए।होर सह मरण। परमेश्वरे यह एउ सावे हुणे दिना। तेवा एवा, पश्चाताप करा होर परमेश्वरा फेरा वे फिरा, ताकि सह थारे पापा धोई करे साफ़ करे।

जेवा मंदिरा रे यहूदी गुरु पतरस होर यूहन्ना शुणी, तेवा त्या बहु डरी। तेउकी त्याये त्या ढाकी करे जेला में पाई। पर जोह पतरसा री गला शूणदे लागे थी तेता पेंदे बहु लोके विश्वास करू। होर तेता में लगभग पाजा हजार मर्दे विश्वास करू।

दूजी धयाड़ी एडा होऊ की त्या यहूदी गुरु पतरस होर यूहन्ना वे महायाजक होर होरी धार्मिक गुरु रे सामने आणी। त्याये सह मनश भी आणू जोह लेगडअ थी। त्याये पतरस होर यूहन्ना का पूछु, " एउ लेगडे मणशा ठीक करने री सामर्थ होर अधिकार तमा बे कुणे दीना ?"

पतरसे जवाब दीना, "यह मणश जोह तमा ज़ेह खडअ साहा तेऊ यीशु मसीहां री सामर्थ रे सगे ठीक होऊ दअ साहा। तमें यीशु क्रूसा पेंदे चड़ाऊ थी, पर परमेश्वरे सह भीआ का जिउदअ करू! तमे सह नाँई मनु, पर यीशु मसीहा छाडी करे उदार पाऊणे रा दूजा ना नाँई आंदा जासु का हामा उदार भेटी सके!"

त्या धार्मिक गुरु पतरस होर यूहन्ना री गला शूणी करे हैरान होई। त्या हेरू की या आम मणश जो अनपढ़ थी। पर तेउकी त्या याद आऊआ की याहा मणश यीशु सगे रहंदा थी। तेबा त्याहे पतरसा होर युहना का बोलू, “अगर तमे लोका बे यीशु रे बारे में कोई समाचार शूणाऊ, तेबा हामा तमा बे बडी सजा दीणी। ” तेबा त्याए पतरस होर यहुना डराई धमकाई करे छाडी।