45. स्तिफनुस होर फिलिप्पुस

पहिले मसीही गुरु में रे मंझा में स्तिफनुस ना रअ एक मनश थी। सबे लोका तेऊरा आदर करा थी। पवित्र आत्मा तेऊ वे बहु सामर्थ होर बुधि दीनी थी। जेबा तेऊ यीशु पेंदे विशवास करणे रे बारे में त्यावे शिक्षा दीनी,तेवा तेऊ री शिक्षा का बहु लोके यीशु पेंदे विशवास करू।

एकसा दिहाड़ी, स्तिफनुस यीशु रे बारे में शिक्षा दिंदअ लागअ थी, होर एखा एडे यहूदी आये जासुये यीशु पेंदे विशवास नाई करू, त्याहे तेऊ संघे वाद-विवाद करणा शुरू करू। त्या बखे रोष आउआ ,तेवा त्या धार्मिक गुरु सेटा नाठे होर तेऊ रे बारे में झूठ बोलू। त्याये बोलू, "हामे स्तिफनुस को मूसा होर परमेश्वरा रे बारे में बुरी गल्ला बोलदे शुणी दे साहा!" तेवा धार्मिक अगुवे स्तिफनुस ढाकु होर सह महायाजक होर यहूदिये ते होरी गुरु जेहा वे आणु। होरा भी झूठे गवाह आऊये होर त्याये स्तिफनुसा री बारे में झूठ बोलू।

महायाजके स्तिफनुस का पूछु, "कैह या लोका तेरे बारे सची बोलदे लागेदे साहा?" स्तिफनुसे महायाजका वे जवाबा दीणे री तणी बहु गला बोलणी शुरू करी। तेउये बोलू कि अब्राहमा रे बकते होर यीशु रे बकते तणी परमेश्वरे इस्राएला रे लोका री तणी बहु अनोखे काम करीदे साहा। पर लोके सदा परमेश्वरा री आज्ञा नाई मनी थी। स्तिफनुसे बोलू, "तमे लोका परमेश्वरा रे खिलाफ हठीले होर झगदे करणे आल़े लोका साहा। तमे सदा पवित्र आत्मा नाई मनी, जेड़ा कि हमारे बजुर्गे सदा पवित्र आत्मा नाँई मनी थी होर सदा त्या रे भविष्यद्वक्ता मारी पाई थी। पर जोह त्याये करूदा थी तेतकी तुलना में तमे होर भी बुरा करू थी ! तमें मसीहां मारी पाऊ !"

जेबा त्याहे धार्मिक गुरु यह शूणू कि तेबा त्यहा एथरा रोष आऊआ, कि त्याहे आपणे कनेट बंद करी होर जोरे सगे बोलू। त्याहे स्तिफनुस घशिटी करे नगरा का बागे नीऊ, होर तेऊ मारने री तणी तेऊ बे पाथरे बाही।

जेबा स्तिफनुस मरी चालु थी, तेबा तेऊ बोलू, " हे यीशु, मेरी आत्मा ग्रहण कर!" तेबा सह पडू होर भीका बोलू, "है प्रभु यह पाप याहा पेंदे नाँई आणे।”तेता बाद सह मुअ।

तेसा दिहाड़ी, यरूशलेमा में यीशु मसीह मनण आल़े आल़े बहु सारे लोका सताणे शुरू करी , तेवा विश्वासी लोका होरी जगहा वे ठुरी। पर एता बाद त्या जही भी नाठे त्याए तखे यीशु रा प्रचार करू।

फिलिप्पुस ना रअ एक मणश यीशु पेंदे विशवास करा थी। जैडा कि होरा विशवासी लोका ठुरी तेडअ सह भी यरूशलेमा का ठुरु। सह सामरिया रे नगरा में नाठअ। त्खे तेउये लोका में यीशु रे बारे में प्रचार करू। बहु लोके तेऊ पेंदे दुशाह करू होर उदार पाउ। एकसा दिहाड़ी, फिलिप्पुसा सेटा परमेश्वरा री तरफा का एक स्वर्गदूत आउअ होर सह एक सुनसान जागहा बे नाहणे री तणी एकी सड़का में हांडणे वे बोलू। फिलिप्पुस तखे नाठअ जेवा सह तेसा सडका हाडदअ लागदअ थी, तेवा तेउये एक मनश आपणे रथा में नाह्दअ हेरू। यह मनश कूश देशा रअ एक महत्वपूर्ण अधिकारी थी। पवित्र आत्मा फिलिप्पुसा का बोलू कि नाशी करे तेऊ मनशे संघे संघे हांड।

तेवा फिलिप्पुस रथा सेटा नाठअ। तेउये तेऊ कुश देशा रे अधिकारी बे परमेश्वरा रअ वचन जोह यशायाह भविष्यवक्ता लिखू दअ थी, पढ़ी करे शूणाऊ शुणू, “त्याहे सह काटणे बे भेडा साही नीऊ,होर जेड़े एक भेडा रअ शोहरू ऊणा काटते बक्त चुप रहंदा, तेडा तेऊ किछे नाँई बोलू। तयाहे तेऊ सगे बुरा व्यवहार करू होर तेऊरा आदर नाँई करू। होर तेऊरे प्राण लई। ”

फिलिप्पुसे तेऊ कूश देशा रे अधिकारी से का पुछु, "जोह तुह पढदअ लागदअ साहा कैह तुह तेऊ समझदा भी ?" तेऊ कूशी अधिकारी जवाब दिना, " नाई। जेबरे तणी माह कुण एत्के बारे में नाई समझाये, तेबरे तणी हाउ एता नाइ समझी सकदअ। कृपा करी करे माह सेटा बेश। यशायाह यह आपणे बारे में लिखु थी कि होरी रे बारे में ?"

फिलिप्पुस रथा में बैठअ। तेवा तयूये तेऊ कूशी अधिकारी वे वचन समझाऊ,जोह यशायाह यीशु री बारे में लिखुदा थी। फिलिप्पुसे सह परमेश्वरा रे वचन होर भी खोज। एउ साबे तेऊ कुशी आधिकारी बे यीशु रे बारे में शुभ समाचार शूणाऊ, होर तेऊ अधिकारी यीशु पेंदे विशवास करू।

फिलिप्पुस होर सह कूशी हांडदे हांडदे नई सेटा पूजे। तेऊ कूशी अधिकारी बोलू , "हेर !अखे पाणी साहा! कैह हाउ लइ सका?" फिलिपुसे बोलू, “अगर तूह आपणे मना में विशवास करा, तेबा तूह लई सका तेऊ बोलू हाऊ विशवास करा की यीशु परमेश्वरा रअ शोहरू आसा तेबा तेऊ आपणे सपाही बे रथा रोकणे बे बोलू।

तेबा त्या पाणी सेटा नाठे, होर फिलिप्युसे तेऊ कुशी अधिकारी बे बपतिस्मा दीना जेबा त्या पाणी में का बापिस आए, तेबा पवित्र आत्मा रे सामर्था का फिलिप्युस दूजी जागहा पूजअ। फिलिप्युसे तखले लोका बे खोजणा जारी डाहु।

सह कूशी आपणे घरा री यात्रा में ज़ेह नाठअ। सह खुश थी कि सह एवा यीशु जाणदा थी।