10. दस विपती
ज़ैबै मूसा होर हारून फिरौना हागै नौठै। तिन्है बोलू, “इस्राइला रा परमेश्वर ऐण्ढा बोला सा, ‘मेरै लोका बै ज़ाणै दै।” पर फिरौनै तिन्हरी नैंई शुणी होर इस्राइली लोका ज़ाणै नैंई धिनै। फिरौनै तिन्हां न होर भी मुश्किल कोम कराणा शुरू केरू।
फिरौन राज़ै रा मन होर भी कठोर हुआ होर तेइयै इस्राएली लोका ज़ाणै नी धिनै। तैबै परमेश्वरै मिस्र देशा पैंधै दस भयानक विपति भेज़ी। इन्हां विपति रै ज़रिऐ परमेश्वर ऐ रिहाणा चाहा ती कि सौ फिरौन होर मिस्र देशै रै देऊआ न ज़ादा शक्तिशाली सा।
परमेश्वरै नील नौई लोहू न बदली, पर फिरौनै ऐबै भी इस्राएली लोका जाणै नैंई धिनै।
परमेश्वरै पूरै मिस्र देशा मेंढक भेजै। फिरोनै मेंढक दूर केरनै री तकर मूसा सैंघै अर्ज़ केरी। पर सैभ मेंढक खत्म होंणै न बाद, फिरौनै आपणा मन कठोर केरू होर इस्राएली लोका मिस्रा न जाणै नैंई धिनै।
तैबै परमेश्वरै खाँणु आल़ी मौछ़ी री विपति भेजी। तेथा न बाद रिंगला री विपति भेजी। फिरौनै मूसा होर हारून शाधै होर तिन्हां सैंघै बोलू कि अगर ते तेसा विपति बै रोकलै ता इस्राएली लोका मिस्रा बै छौड़िया जाई सका सी। ज़ैबै मूसै प्रार्थना केरी ता परमेश्वरै रिंगल़ हटाऐ। पर फिरौनै आपणा मन फिरी कठोर केरू होर ते लोका आज़ाद होईया जाणै नैंई धिनै।
ऐथा न बाद, परमेश्वरै मिस्री लोकै रै सैभ पालतू पशु बीमार होईया मौरनै धिनै। पर फिरौना रा मन कठोर हुआ ती होर तेइयै इस्राएली लोका जाणै नैंई धिनै।
तैबै परमेश्वरै मूसा बै बोलू, फिरौना रै सामनै बागरी न भौस शेटा। ज़ैबै तेइयै ऐण्ढा केरू ता मिस्रा रै लोका रै शरीरा दुःखणै निकतै, पर इस्राएली लोका बै किछ. नैंई हुआ। परमेश्वरै फिरौना रा मन कठोर केरू, होर फिरौनै इस्राएली लोका आज़ाद होइया जाणै नैंई धिनै।
एथा न बाद परमेश्वरै शौऊरू शेटे होर मिस्र लोकै री बोहू सारी फसल नाश केरी होर जो कोई भी बाहरै निकता सौ मकाऊ। फिरौनै मूसा होर हारून शाधै होर बोलू, “मैं पाप केरू सा। तुसै लोका जाई सका सी।” तैबै मूसै प्रार्थना केरी होर सर्गा न शौऊरु औल़ना बन्द हुऐ।
पर फिरौनै दबारा पाप केरू होर आपणा मन कठोर केरू। तेइयै इसराएली लोका आज़ाद होईया जाणै नैंई धिनै।
तैबै परमेश्वरै मिस्रा पैंधै टिटलै रै छुण्ड भेज़ै। इन्हैं टिटलै सारा नाज़ खाऊ जो शौऊरैऐ नाश नैंई केरै ती।
फिरी परमेश्वरै गड़ीप निहारा केरू जो त्राई रोजा तकर रौहु। ऐ ऐतरा निहारा ती कि मिस्री लोका घौरा न बाहरै नैंई निकली सकै। पर ज़ौखै इस्राएली लोका रौहा ती तौखै प्याशा ती।
इन्हां नौऊ विपति न बाद भी, फ़िरौनै इस्राएली लोका आज़ाद होईया जाणै नैंई धिने। किबैकि फिरौनै नैंई शुणु ती तैबै परमेश्वरै एक आखरी विपति भेजणै री तरकीब बणाई। एसा फ़िरौना रा मन बदलना।
निर्गमन अद्याय 5-10 एक बाईबीलै री कहाणी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।