10. धोल बिपइत

पोनोमोसोर मूसा ओडो हारुनते चेतायो नो फिरौन कठोर होइ गोडना। जे भेरे फिरौन या बोहते चोलकोन गामोकियार “इसराइलया पोनोमोसोर गामते एलाह लेबुकिते चोना तेरे ला: फिरौन होकिया उम उनडोर ओडो इसराइलीकि चोना थोम स्वतंत्र होइना होउजिते होकड़ होकिते ओडो जो कठिन परिश्रम कारायनाथोम मजबूर कारायो।

फिरौन हो लेबुकिते चोनातेरना थोम घरीघरी माना काराय गोठो, मुदा पोनोमोसोर मिस्र ते दस भयंकर बिपाइत डान्गो। हो बिपाइते बेराते पोनोमोसोर फिरौनते ओबयोयो हो: फिरौन ओडो मिसरया देवता कितय जुघाय पाड़ोमदार आवखो।

पोनोमोसोर नील ओमपाय डा:आते इनयाम बायगोठो, मुदा फिरोन जो इसराइली किते चोनान्ग उम तेरो।

पोनोमोसोर सोउब मिसर राइजते पोकलो: डानगो। फिरौन हो पोकलो:किते डिबसानाथोम मूसाते अनुरोध कारायो ला: जो सोउब पोकलो: गोज गोडना लो:ढो, फिरौन आडिया मोनते कठोर काराय गोठो रो इसराइलीकिते मिसरतय चोना उम तेरो।

ला: पोनोमोसोर कुटकीकिया बिपाइत डान्गो। होकड़ा लो:ढो डाँस किया बिपाइत डान्गो। फिरौन मूसा रो हारुन ते रेमायो: रो होकिते गामो यदि आमते उ बिपाइतते रोकाय गोड़ेपेला इसराइली कि मिसरते मेलाय कोन चोना पालते मोय। ला: मूसा सेनेलेयो रो पनोमोसोर मिसरतय डाँस किते डिबसा: गोठो। मुदा फिरौन आडिया मोनते कठोर काराय गोठो रो लेबुकिते स्वतंत्र होइके चोना उम तेरो।

उकड़ा मुगामते पोनोमोसोर मिस्री किते सोउब जानवर कि बीमार होइ कोन गोजनाते तेरो। ला: फिरौनया मोन कठोर होइ गोडकि होकड़ इसराइलीकिते चोना उम तेरो।

ला: पोनोमोसोर मूसाते फिरौन या मुगामते कोयोहिन्ते खारोमते फेकायना गामो। ला: होकड़ उघाय कारायोला: मूसाया लेबुकिते छेवलाया दु:ख तेरनावाला घाव होइकि ला:जो इसराइलीकियाते इजो उम होइकि। पोनोमोसोर फिरौन इसराइलौ किते स्वतंत्र होइ कोन चोना उम तेरो।

उकड़ा लो:ढो पोनोमोसोर आड़िल ओबगुर कोन जुघाय खेतीकिते नष्ट काराय गोठो जेगा बाहरे होकड़ते तारगोठो। फिरौन मूसा ओडो हारुन ते रेमाखोरो होकियारते गामो, “इन्ज पाप कारायसि डिन्ग। आमते चोना पालतेपे।” ला:आ मूसा सेनेलेयो रो तुबलुन्ग तय आड़ेल गुरना रुके गोठकि।

ला: फिरौन ओडो पाप काराय कोन मोनडोमते कठोर काराय इसराइलीकिते स्वतंत्र होइ कोन चोना उम तेरो।

ला: पोनोमोसोर मिसर ते फेनगा किते डेना तेरो। हो फेनगाकि सोउब फसल किते योयों मायोकि आजे नो आड़ेलकि थोमसि: खो: मोय।

ओडो पोनोमोसोर येलोन्ग कारायो रो जे उफे नेडा जोउ आवखो। उकड़ जुघायगा आवखो जे मिस्री लेबुकि हो:तय मु:ना उमाय पालो:। ला: आते इसराइलीकि आवखोकि होते पातर आवखो।

उ थोमसिन्ग बिपाइतया लो:ढो जो फिरौन इसराइलीकिते स्वतंत्र होइ कोन चोना उम तेरो। मुदा फिरौन उम ओन्डोरोसि:खो होवाथोम पोनोमोसोर मोन्ज आखरी बिपाइत डान्गना थोम योजना बायो। उकड़ फिरौनय मोनते बादलाय गोड़े।