9. पोनोमोसोर मूसाते हेमाते

यूसुफ या गोजना लो:ढो सोउब गोतियाकि मिस्रते आवगोडकि। होकि ओडो होकिया कुल मिस्रते आवकोन जुघाय कुड़ु जनमाय योकि रो होकि इसराइली गामडोमकि मोय।

जुघाय मेमोन या लो:ढो इसराइली कि जुघाय होइ गोडकि मोय। ओडो मिस्र लेबुकि आम उ कायोमया थोम आभारी उमाय आवखो होकिया मदाइत कारायना थोम यूसुफ जुघायगा कामु कारायो होकि। हो इसराइल कि हो इसराइली किते बोतोंग गोडकि मोय उवाथोम नो होकि जुघाय आवखो मोय। हो नेडा ते मिस्रया सासन कारायना वाला फिरौन इसराइली कि:ते मिस्रीकिया धांगर बाय गोठो।

मिस्रीकि इसराइली किते महा महा भीत रो जुघाय नगर बायनाथोम जोर तेरो मोय। हो जुघाय कामु इसराइलीकिते थोकुवाय गोठो रो होकि जुघाय दुखी आवना ला:खो कि ला: पोनोमोसोर होकिते आशीष तेरो रो होकिया कुड़ुकि होइगा चोलकि मोय।

फिरौन योयोनो इसराइली किया जुघाय कुड़ु होइगा चोलताज मोय होवाथोम आडिया लेबुकिते हुकुम तेरो इसराइली बेटा कुड़ुकिते नील ओमपायते फेकाय कोन तार गोडेपे।

हो नेडाते इसराइली कोनसिलडु मोन्ज बेटा कुड़ुते जनमायो। रो आडिया लेबुडोम हो कुड़ुते उकुबकोन उनोकियार।

जे भेरा हो कुड़ु आयो आबा डोम कियार हो कुड़ुते उम कियार उकुबना पालो कियार होवाथोम मोन्ज टुकनु बाय कोन नील ओमपाया झुँड़ते उन गोठोकियार। होकड़ा सोरि इ होइना महा बहिन डोमते ई होइना योनाकोगना थोम उन गोठो कियार।

फिरौन या बेटी डोम हो टुकनते योयो हो कुड़ुते योकोन आडिया बेटा बायना थोम डोठो रो मोन्ज इसराइली कोनसिलडु:ते नुनु उबुडनाथोम उनो रो उमकोनगना पालोह नो होकड़गा आयोडोम हेके। ला: हो कुड़ु हेबने महा गोडकि नो अब होकड़ते आयोडोमा नुनुया जरुरत ओम्बोड़ि ला: नुनु उडना मेलाय गोठो आयोडोम फिरौन या बेटाडोमते तेर गोठो। होकड़ा ञिमि मूसा आवखो।

मुसनिन्ग, मूसा महा होइ कोन योयोनो मोञ मिस्री इसराइली ते गिलतेज मूसा आडिया इसराइली सन्गोडोमते बनचायना लामो।

ला: मूसा सोचाययोनो बेर जुघार योये होकड़ हो मिस्री ते तार कोन तिलगोठो जे मूसा कारायसि:खो होजे जहाँय योसिखो मोय।

फिरौन कोन्ग गोठो नो मूसा ई कारायसि:। होकड़ते तारना लामो रो मूसा किनिरते यारगोठो। फिरौनया पालटनकि होकड़ते उमाय कुयो।

मिसर तय डिस्सा किनिरते मूसा गुपाकाड बोने कोन भेड़ीकिया योना कोमना कारायना ला:खो। होकड़ होते मोञ कोनसेलडु:ते बिहा कारायो। होकड़ा दुइ झन बेडडोम होइकि कियार।

मूसा आडिया ससुर डोमा: भेड़ीकिते योना गोन्गना ला:खो। मुसनिग मोञ बुदाते योयो नो होकड़ सालगे ताज मुदा उम गेबताज होजे योनाथोम बुदा बोहते‍ चोलकि। ला: होकड़ होकड़ा बोहते पासे चोलकि रो पोनोमोसोर गमो “हे मूसा आमा: जूताते आबरेये पवित्र ठाँड़ो हेके।”

पोनोमोसोर गामो “इन्ज इन्जा लेबुकिया कोसुते योसिडिन्ग। इन्ज आमते फिरौन या बोहते डानगीन्ज ला: आम इसराइली किते मिसरतय ओज ओलनाथोम होकिते इन्ज कनान राइज तेरिन्ज इन्ज अब्राहम, इसहाक, रो याकूब बुन्ग प्रतिज्ञा कारायसि:खोज।”

मूसा जुमो: “अगर लेबुकि जुन्गनालामेकि नो आमते बेर डान्गसि: ला: इन्ज ई गामिन्ज?” पोनोमोसोर गामो:, “इन्ज जे हेकिन्ज होकड़गा हेकिन्ज। होकिति गामे इन्ज जे हेकिन्ज इन्जते आमपा बोहते डान्गसि: होकिते उ जो गामे इन्ज आमपा पुरखाकिया अब्राहम, इसहाक, ओडो याकूबया पोनोमोसोर यहोवा हेकिन्ज।’ इन्ज उ यियन्ज सोउब भेरेया थोम होइन।”

मूसा बोतोंग कोन फिरौनया चोना उम लामना ला:खो उवाथोम नो होकड़ सोचाय नो होकड़ बेस कायोमना उम सोजते। मुदा पोनोमोसोर मूसाते गामो, ‘आमा: भाई हारुनते आडिया साहेता कारायना थोम डानगो।