17. दाऊद या सोरी पोनोमोसोर या कारार

शाऊल इसराइली किया पोहिला राजा आवखोह होकाड झेलोब सुन्दर आओखो इघाय लेबुकि लामना ला:खोकि होघाय। इसराइल ते सासान या थोङ नेडा सेन्ग शाऊल मोञ बेस राजा आवखो। लो:ढो होकड़ अनेस बोने कोन पोनोमोसोर या कायोम ते उम मानेयो, होवाथोङ पोनोमोसोर होडोम मोञ लेबुते चुनायो नो होकड़ा ठंड़ोते कोलेङ बोनेना।

पोनोमोसोर मोञ दाऊद ञीमिया जवान इसराइली लेबुते चुनाय कोन कोलेङ होइनाथोङ तेयार कारायना सुरु करायो। दाऊद बैतलहम नगर या मोञ गुपाकड़ आवकी। जुघाय नेडा बेर दाऊद किड़ोअ: ओडो झाँकोर उबार ते गा तार गोडसिखओ होवा थोङ दाऊद या बुङ योनाकोङना करायना नेडा ते होकड़ा आबा डोम भेड़ी मेरोङ ते होकी हमला कराय सिखौअकी, दाऊद मोञ नमर ओडो धरमी लेबु आवगी, होकाड़ पोनोपोसोरेया तोभलुङ ते भरोसा करोयो ओडो होकड़ा कायोमते मानेयो।

जे बेरा दाऊद जवान आवकी हो बेरा होकड़ झेलोब चाकर गोलियोयत या बिरुध बुन लाड़ेकी। गोलियत मोञ बेस सैनिक आवकी। होकड़ मुरुख ओडो बेरियर लगभग उफे मीटर झेलोब आवकी। मुदा पोनोमोसोर गोलियत के तारना थोम दाऊद या मदाइत करायो ऊकडा लो:ढो दाऊद इसराइली किया बोइरी कि बुङ लड़ेकोन जीतकी, दाऊद महा सैनिक बोने गोडकी रो इसराइली सेना किया जो आगुवाई करायो, लेबुकि होकड़ा गुनगान कारायोकि।

लेबुकि दाऊद ते जुघायगा पेरेम करायोकि रो शाऊल जालेना ला:खो होवाथोङ शाऊल होकड़ते तारना लामना ला:खो तो दाऊद बनचेना थोङ किनिरतिइज यार गोठो। मुसनिंङ शाऊल रो सैनिक डोमकि दाऊदते लामना ला:खो भेरे शाऊल मोञ माड़ाते‍ चोलकि रो माड़ातेगा दाऊद लुकेसि:खो शाऊल योना उम पालोअ दाऊद शाऊल या बोअते चोल कोन लूतुई डोमतय मोञ खाँड़ा डेछो शाऊल हो माड़ातय मुअकिहला: दाऊद गुलकारायो रो डेजडेज लुतुई ते ओबयोयोअ ऊ लेखे शाऊल कोनना पलोअ नो दाऊद कोलेङ बोनेना थोङ होकड़ ते तारना ऊम लामोअ।

थोरेक दिनोया लो:ढो शाऊल लाड़ोइते गोज गोडकि रो दाऊद इसराइय या कोलेङ बोने गोटकि होकड़ बेस कोलेङ आऔखो रो लुबकि होकड़ ते बाइजना ला:खोकि पोनोमोसोर दाऊस ते आशीषतेरो तो शाऊल कारायो दाऊद जुघायगा लाड़ोइ जिते कोन इसराइली किया बोइरि किते हारवाय गोठो दाऊद यरुशालेम ते जिते कोन होजे आडिया राइज या राजधनी बायोअ होते आव की रो सासन करायो कोलेङ 40 मेमोन जोऊ कोलेङ आवकी रो हो नेडा ते इसराइली कि पड़ोमदार रो किसड़ो बोने गोडकि मोय।

दाऊद मोञ मन्दिर बायना लामना ला:खो ताकि इसराइली कि होते आराधना काराय मोय तो बलिदान जो ओअडेबना पालेमोय लगभग 400 मेमोन जोऊ लेबुकि मूसाया बायबाय मिलापवाला तम्बु ते पोनोमोसोर या आराधना रो बलिदन ओडेबना ला:खो माय।

मुदा होते नातान ञीमी या मोञ भविष्यद्वकता आवखो पोनोमोसोर नातान ते ऊ गामना थोङ डांगोअ आम जुघायगा लाड़ोई लाड़ेसिडेम होवाथोङ मन्दिर बायना ऊम पालेम आमा: बेटनोम बाये ला:जो इञ आमते जुघयगा आशीष तेरेञ। आमा: मोञ वंश लोऊब दिनुया थोङ कोलेङ होई कीम सासन काराय सोउब भेरेया थोङ सासन कारायनावाला दाऊद या वंशज मसीह आवखो, मसीह पोनोमोसोर या चुनाल लेबु आवखो जेनो धरती आ लेबु कि या पाप तय बनचाय।

जे बेरा दाऊद नातान या सन्देश ते ओन्डरो यो रो धन्यवाद काराय कोन पोनोमोसोर या स्तुति काराया। पोनोमोसोर होकड़ा प्रतिष्ठा ते बढ़ायना ला:खो रो जुघाय आशीष तेरना ला:खो ला: दाऊद उम कोङना ला:खो पोनोमोसोर ऊ कायोम ते ई भेरे उजे कारायो हो नेडाते आनिङ कोङतेनिङ नो इसराइली किते झेलोब नेडा जोऊ लगभग 1000 मेमोन जोऊ मसीह या डेना: बोअसुना होइना।

दाऊद जुघाय मेमोन जोऊ न्यायपूर्बक आडिया लेबुकिते सासन कारायो होकड़ माहा निष्ठा या सोरि पोनोमोसोर या कायोम ते मानेयो रो पोनोमोसोर आशीष तेरो। जाउ भी आडिया जीवन या आखरी ते माहा पाप कारायो।

मुसनिङ दाऊद आडिया महालतय बहरे मोञ सुन्दर कोनसिलडुते आवना ला:खो जे यो:यो: होकड़ उम कोनगानला:कौ लेकिन मालुम काराय डोठो नो होकड़ ञिमि बतसेबा हेके।

आडिया मोड बुन्ग उमयोना मेलाय कोन दाऊद होकड़ अलना थोङ जहाँय ते डान्गो होकड़। होकड़ सोरि गिता:कि रो आडिया हो: डाङ्ग गोठी। थोरेक दिनोया लोहढो बतसेबा गाम डाङ्गो नो इञ गर्भवती आइजडिङ्ग।

बतसेबा या बुढ़ाडोम ऊरिय्याह ञिमि या मोञ लेबु आवखो। होकड़ दाऊद या बेस सैनिक मेसे मुडु आवखो। होभेरे लड़ाई या थोम बाहरे चोलसिखो दाऊद ऊरिय्याह ते लड़ाईतय रेमा: डाङ्गो रो सौड़ाय डोम बुङ्ग आवना थोम गामो। लेकिन होडोम सैनिक कि लाड़ाई आवना चालते हो: डेना थोम माना काराय गोठो। दाऊद आडिगा ऊरिय्याह ते डाङ्ग गोठो रो सेनापति गामोनो होकड़ ते उघाय ठाँड़ोते उनेम ताकि होकड़ तारडोमना रो ऊरिय्याह लाड़ाई ते तारडीम गोडकि।

ऊरिय्याह लाड़ाइ ते गोजगोडना लो:ढो दाऊद बतशेबा ते बिहा कारायो: रो दाऊद या बेटा ते जनमायो जे दाऊद कारायो होकड़ा थोम पोनोमोसोर खिसाय गोडकि रो नातान भविष्यद्वक्ता ते बताय ना थोम डाङ्गो नो होकड़ा पाप जुघाय आइज। दाऊद पापतय पश्चताप कारायो रो पोनोमोसोर क्षमा कारायो। आखरी दिनो जोउ दाऊद पोनोमोसोर या कुन्डाब कुन्डाब ते चोलकि रो होकड़ा कायोम ते मानेयो।

ल: दाऊद या कुड़ुडोम गोज गोडकि। ऊ लेखे पोनोमोसोर दाऊद ते साजाइ तेरो ओडो जो दाऊद या गोजना गोउ आडियागा परिवारा थोरिक लेबुकि आडिया सोरि लड़ेकिमोय लाड़ोई या चालते दाऊद या पड़ोम कमती होइकी। पोनोमोसोर काँड़िञ हेके रो हो कि सोउबते कारायो जेनो दाऊद बुन्ग कारायना थोम कारार काराय सिखो: नो होकड़ हो काराय भाले दाऊद पोनोमोसोर या कायोम उम मानेयो। लो:ढो दाऊद रो बतशेबा ताय ओडो मोन्ज कुड़ु होइकी , होकड़ा ञिमि सुलेमान उनोकि।