20. बंधुवाई ओडो एगना

इसराइली राइज ओडो यहूदा या राइज बोरियागा पाप कारायो किया। होकि हो कारारते उमाय मानेयो जेनो पोनोमोसोर सीनै बिरुते तोलसिखो। पोनोमोसोर होकि पश्चाताप कराय कि आडिया आराधना काराय कोन भविष्यद्वक्ता किते चेतायना थोम डानगो लेकिन होकिया कायोमते उमाय मानेयो।

ला:आ पोनोमोसोर आडकिया बोइरि कि बुनग होकि ते तार कोन साजाई तेरो। अश्शुर मोञ होडोम राइज आओखो जेनो जुघायगा पाड़ोमदार होइ गोडसिखो होकि होडोम राइज किया थोम जो निर्दयी आवखोकि। होकि डेलकोन इसराइल राइज ते नष्ट काराय गोठोकि। अश्शुरीकि इसराइल राइज ते डेलकोन जुघाय किते तार गोठिकि , जेगा होकि चाहेयोकि होजे लुसुयोकि रो राइज या आधा रोछोब ओगेब गोठोकि।

अश्शुरिकि सोउब आगुवा, किसड़ोकि रो उघाय लेबुकिते जे नो किमती जिनिस किते बायतेमोय ठुरायोकि रो होकिते अश्शुर राइज डोड गोठोकि। इसराइल ते थोरेक गरिब लेबुकि बनचेकिमोय।

ओडोअ अश्शुरिकि हो राइज ते आवना थोङ विदेशीकिते ओलकोन डेलकिमय हो विदेशीकी हो पोदा किते बयोकि रो इसराइली की होते बनचेसिखोमय होकि बुन बिहा करायोकि उ लेबु किया वंशज समरी गमडोमकी

यहुदा राईज या लेबु की योयोकी नो ईघय पोनोमोसोर तोभलुंङ ते आसारा उमकरायना रो आडिया कायोम उम मानेना चालते इसराईली राईज या लेबु की सजाई कुइसिखो ला:जो होकी कानानी किया देवता किते उपासना कारायोकी। पोनोमोसोर होकी ते चेताय ना‍ थोंङ भविष्यद्वक्ता किते डांगना ला;खो होकी ओनडोरना उमय लमो।

लगभग 100 मेमोन या लोढो अशशुरी की इसराइल राईज ते नाश करय गोठो की। पोनोमोसोर बेबिलोन या कोलेंङ। नाबुकदानेसार याहुदा राईज ते हमला करायना थोंङ डांगगोठो बेबीलोन पडोमदार राइज आवखि। यहूदा या कोलेङ नबूकदनेस्सर कोलेन धांगर बानेकि जुघाय सम्पत्ति तेरना थोम राजी कारायो।

थोरेक मेमोन या लोहढो यहूदा या कोलेन बेबीलोन या बिरुध ते बलवा करायो हो भेरे बेबीलोनिकि एनगकोन यहूदा राइज ते हमला करायगोठोकि। होकि यरुशलेम नगर ते कब्जा कराय गोठोकि मन्दिर नष्ट काराय गोठोकि रो नगर ओडो मन्दिर या सम्पत्ति ते लुसुयोकिरो डोडगोठौकि।

बलवा करायना चालते यहूदा या कोलेन ते साजाई तेरना थोम नबुकदनेस्सर कोलेन या सैनिक कि कोलेन या बेटा होकड़ा मुगमते तार गोठोकि रो होकड़ ते आंधरा काराय गोठिकि रो कोलेन ते डोडकोन जेलते उनगोठो ताकि होते होकड़ गोज गोडना।

नबूदनेस्सर ओडो होकि या सैनिक यहूदा राइज या सोउब लेबुकि ते डोडगोठोकि लेकिन गरिब लेबुकिते मेलाययोकि ताकि खोति या कामु काराय मोय उ नेडाति बंधुवाइ गमडोमसि आतायनो पोनोमोसोर या लेबुकिते कारार कराल राइजतय मुहनथोम जोर तेरडोम सिखो।

भलेगा पोनोमोसोर आडिया लेबुकिते बंधुवाई ते डोडकोन सजई तेरो ला: जो होकि ते रो अडिया करार ते उम इरिफो। पोनोमोसोर आडिया लेबु किते योना कोगना जारि उनोरो आडिया भविष्यद्वक्ता कि बुग कायोम कानकि। आडि कारार कारायोनो 70 मेमोन ते आडीगा कारार राइज ते एगना कि।

लगभग 70 मेमोन या लोहढो फारस या कोलेन कुस्रु बेबीलोन ते हारुवाय गोठो होवाथोम बेबीलोन या राइज या ओवजीते फारस या राइज जुघाय राइज ते सासन करायो। इसराइली कि अब यहूदी गामडोम न ला:खोकि हो मेसे जुघाय कि बेबीलोन ते आडिकिया सोउब जीवन बिताय‍ चुके सिखोमय केवल थोरेक बूढ़ा यहूदी कितेगा यहूदा राइज या याइद आवखो।

फारसी लेबुकि जुघाय गा पायड़ोदार आवखोकि ला:जो आडकिया जिताल लेबुकिया तोबलुगते दया आवखो फारसी लेबिकि या कोलेन बोनेनया थोरेक दिनोते कुस्रु कोलेन आदेस ओबडोरोनो जहाँय यहूदी यहूदा एनगाना लामते कि ला:आ होकड़ फारस मुहकोन यहूदा चोना पालते ओडो मन्दिर ते बयाना थोम जो धन तेरो: ला:आ बंधुवाई या 70 मेमोन या लोहढो यहूदी किया मोञ कोनोन समूह यहूदा तय यरुशलेम ते एनग डेलकि मोय।

होकि यरुशलेम एनगकोन मन्दिर ते रो नगर या सोउबतिजा भितकिते बायोकि। फारसी कि तमाजोउ होकि ते सासन कारायना ला:खोकि ला:जो होकि कारार काराल राइज ते आवना ला:खोकि रो मन्दिर ते आराधना कारायना ला:खोकि।