21. पोनोमोसोर मसीह या कारार कारायते

जब पोनोमोसोर धरती ते बायसिखो आडि कोनगना ला:खो नो हो नेडा ते मसीह ते डानगना होइना। आडि आदम ओडो हव्वा बुनग उघाय कारायना कारार कारायो। आडि गामोनो हव्वा तय मोञ वंश जनम डोड़े होकड़ बुवानग या बोकोबते थोमे। जे बवानग हव्वा ते धोखा तेर सिखो होकड़ डुबोह आवखो। पोनोमोसोर या अरथ आवखो मसीह डुबोह ते पुरापुरी हाराय गोड़े।

पोनोमोसोर अब्राहम या सोरी कारार काराय सिखो नो अब्राहम या माध्यम बुंग धरती या सोउब जाइत आशीष कुयेमोय। लो:ढो पोनोमोसोर मसीह ते डानग कोन उ कारार ते पुरा काराये। मसीह धरती या सोउब जाइतया लेबुकियते होकि या पाप तय छोड़ाये।

पोनोमोसोर मूस बुनग कारार काराय सिखो:नो भविष्य ते मूसा या लेखेगा मोञ भविष्यद्वक्ता ते डानगे। हो भविष्यद्वक्ता मसीह आवना। उ लेखे पोनोमोसोर आडिगा कारार कारायो नो मसीह ते डानगे।

पोनोमोसोर कोलेन दाऊद बुनग कारार सी:खो नो होकड़ा वंश मसीह होइना। होकड़ कोलेन होइना रो पोनोमोसोर या लेबुकिते सासन काराये।

पोनोमोसोर यिर्मयाह भविष्यद्वक्ता कि बुनग मायोम कोन गामो मोञ नेडा तोनमे वाचा तोलिञ। तोनमे वाचा इसराइली किया सोरि सीनै ते तोलतोल बाइर वाचालेखे उम आवना जे भेरे लेबुकिया सोरि तोलेला आडि आडितेगा ओबयोये सोउबगा होकड़ ते बेस मानेयेमोय रो आडिया नियम ते मानेना इच्छा उनेमोय। पोनोमोसोर गामो नो उ नियम यीरिते लिखानालेखे होइना। होकि आडिया लेबु होइनाकि रो पोनोमोसोर होकिया पाप ते क्षमा काराये। होकड़ मसीह होइना जे होकिया सोरि हो तोनमे वाचाते तोले।

पोनोमोसोर या भविष्यद्वक्ता कि गामोकि नो मसीह मोञ भविष्यद्वक्ता होइना। मोञ भविष्यद्वक्ता होकड़ होइता जे नो पोनोमोसोर या कायोम ते ओनडोर कोन लेबुकिते बतायते बेहारते पोनोमोसोर डानगना थोम कारार काराय सि:खो होकड़ लोरेनग भविष्यद्वक्ता होइना। ला:आ पोनोमोसोर या सन्देश ते बेसबो ओनडोर कोन बेस बो:गा सोउब ते बाताये।

इसराइली कालोकि लेबुकुया थोम बलि ओडेबना उमाय मेलायो। उ बलिदान लेबुकिया पाप या थोम हो दण्डतय छोड़ाय डोमना थोम आवखो:। कालोकि लेबुकिया थोम सेनेल योकि लेकिन मसीह लोरेनग महाकालो होइना जे पोनोमोसोर ते तेरना थोम लोरेनग बलि बोने कोन आडितेगा ओडेबगोड़े ला:आ धरती ते ओडो: होडोम बलि उम आवना।

लेबुकिया झुंड़ किते कोलेन ओडो प्रधान कि सासन कारायना ला:खोकि रो मेसोन मेसोन होकि गलती जो कारायना ला:खोकि। कोलेन दाऊद रो इसरालीकिते सासन कारायो लेकिन दाऊद कोलेन या वंशज सोउब धरती ते सासन काराय रो सोउब दिनोगा सासन काराय ओडोजो आडि न्यायपूर्ण रीति से सासन काराय कोन बेस निर्णय ते तेरे।

पोनोमोसोर या भविष्यद्वक्ता कि मसीह या बारे जुघायगा कायोमकिते गामो कि उदाहरण या ताउर बुनग मलाकी गामो मसीह डेना: सेन्ग मोञ होडोम भविष्यद्वक्ता डेना। हो भविष्यद्वक्ता जुघायगा महत्वपूर्ण होइना उकड़ा आलावा यशायाह भविष्यद्वक्ता लिखायो नो मसीह मोञ कुँवारी तय जनम डोड़े ओडो मीका भविष्यद्वक्ता गामो मसीह बैतलहम नगर ते जोरमेना।

यशायाह भविष्यद्वक्ता गामो मसीह गलील छेतर ते आवनो। जे लेबुकि दु:खोते आइजकि होकिते शान्ति तेरे। आडि कैदीकिते जो स्वतंत्र काराय मसीह कोसु लेबुकिते, आंधरा, लंगड़ा, बोहिरा सोउब तेगा बेस काराये।

यशायाह भविष्यद्वक्ता उजो गामोनो लेबुकि मसीह ते बेस उमाय काराय रो होकड़ते स्वीकार कारायना थोम जो माना काराय गोड़ेकि। होडोम भविष्यद्वक्ता गामो नो मसीह या मोञ सानगो होकड़ा बिरुध ते बेरुडना। जकर्याह भविष्यद्वक्ता गामो होकड़ा मोञ सानगो होघाय कारायना थोम 30 केचिया डोड़े। ओडो जो भविष्यद्वक्ता गामो की नो लेबु की मसीह ते तार गोडेकि रो होकी होकड़ा लुतुइया थोम तास एबोना कि।

भविष्यद्वक्ता कि उ जो बातायोकि नो मसीह ते इघाय तारेकि। यशायाह भविष्यवाणी काराययो नो लेबुकि मसीह याते बिहथुगये मोय होकड़ा मजाक काराय मोय, रो गिलेमोय। होकि होकड़ते हुड़ाय गोड़ेकि रो कोसुबुनग गोज गोडना, ईजो आनेस कामु उम काराय सि:खो लाआजो।

भविष्यद्वक्ता कि उ जो बातायो कि नो मसीह पाप उम काराये। होकड़ लोरेनग होइना ला: होकड़ उवाथोम गोजना नो होडोम लेबुकिया पाप याथोम साजाई तेरे। आडिया गोजना से लेबुकि पोनोमोसोर या सोरि मेल कारायना पालेकि। होवा थोमगा पोनोमोसोर चाहेतनो मसीह गोज गुडु:।

भविष्यद्वक्ता कि उ जो बातायो कि नो पोनोमोसोर मसीह ते गोजगोजतय बोबरोल गोड़े। उ सोउब बातायते नो पोनोमोसोर तोनमे वाचा तोलकोन आडिया बिरुध योजना आवखो, ताकि हो सोउबकिते बनचायना पाले बेहारकिनो आडिया बिरुध पाप काराय सि:मोय।

पोनोमोसोर भविष्यद्वक्ता किया माध्यम बुनग मसीह या बारे जुघाय कायोम किते प्रगट कारायो, लेकिन मसीह हो भविष्यद्वक्ता मेसे बेराह सोरिजो बोरोल भेरे उम डेलकि। उ भविष्यवाणी कि तेरना 4000 तय जुघाय मेमोन या लोहढो बेस नेडा भेरे पोनोमोसोर मसीह ते उ धरती त डनगे।