23. यीशु या जनम

यूसुफ ञिमिया मोनज धरमी लेबुया सोरि मरियम या मंगनी होइगोडसिखो:। जे भेरे यीशु ओनडोरोहनो मरियम लाजते डेलकोनआइज आडि कोनगना ला:खो नो होकड़ इन्जा कुड़ु ना लागे लेकिन होकड़ मरियम ते बदनाम कारायना उमलाहना ला:खो, होवा थोम आडिया तोबलुन ते कृपा काराय कोन‍ कोरोब कोरोब मेलाय ना थोम‍ सोंचायो। उवासेग नो उघाय काराय मोन्ज कनघेर डेलकोन अडिबुन कयोमकि।

हो कोनघेर गामो हे यूसुफ मरियम ते आमा: बुढ़ियानोमा हेके गाम कोन ओलना आबुबोतोगना होकड़ा लाजते कुडु आइज होकड़ा पबितर आत्मा तिइताय आइज मोंञ बेटा जनमाय होकड़ा ञींमि यीसु उनेम होकड़ा अरथ यहोवा बचायते उवाथोंङ नो आडि होकिया पापताय बनचाय।

ला: यूसुफ मरियम ते बिहा करायो रो आडिया हो:ओ ते ओलके डेलकि रो कुडु ते जनम तेरना खोताय होकड़ होकड़ा सोरि उमगिताकी।

जेखन मरियम या जनम तेरना या नेडा पासे आवकि ला आडी ओडो यूसुफ बेतलेहेम चोना थोंङ मोंय डिसा गोझुङ सानगोडा कि कियार ते होते चोना आवखो उवाथोंङ नो रोमी अधिकरी सोउबा ते कोलना लामना ला:खो कि। होकि चहेना लखोकिनो सोउबगा होते चोल गुडुकि आतेनो आडिकिया पुरखा कि आवखो कि। कोलेंग दाउद या जनम बेतलेहेम ते होइसिखो रो मरियम रो यूसुफ बारियागा पुरखा आवखो।

मरियम ओडोअ यूसुफ बेतलेहेम चोलकि कियार मुदा होते पासु किते उनतेकि हो ठाड़ोते मेलायकोन ओडो ठाड़ो उमा आवखो। होतेगा मरियम कुडूते जनम तेरो आडि हो कुडूते चारनि ते गीइता खो: उवाथोङ नो होकड़ा थोङ होते इजो गितानाथोङ उम आवखो। होते होकड़ा ञमि यीसु उनोमय।

हो इडिब पासे तेगा गोइलो हिनते भेड़िगुपना वाला कि भेड़ि गुपानालाखोकि आचनक गा मोञ कोनघेर होकि ते ओबोयोडोमकि, रो होकी बोतोंग गोडकि मय आअ: पे बोतोंगना अमपाथोङ इनजा बोअते सुभ संदेस आइज बेतलेहेम ते मसिही परभु या जनम होइसी।

चोलकोन होकुडू ते लमेपे, ओडो आमपे होकाड़ ते लुतुइ ते डालडोम रो चारनि गिता: कुयेपे। अचानक गा तोभलुंग ते कोनघेर कि भोरेगोडसिमय होकि पोनोमोसोरया स्तुति करयना ला खोमय होकि गामो कि सोउब महिमा किथुङते आवना वाला पोनोमोसोर ते कुइगुडू। धरति ते हो लेबु किते सांति कुइगुडू बेरा किनो आडी चिंता करायते।

तब कोनघेर कि चोलगोडकिमय। भेड़ी गुपाना ला:खो कि। होकि जो भेड़ी किते मेलयकोन कुडुते योना डेलकिमय तुरथेगा होकि हो ठाड़ो ते डामकिमय आतेनो यीसु आवखो रो होकि चरनि ते गिताअ: कुयोकि जेसन नो हो कोनघेर होकि ते गामसिखो। होकि मुरुख लेरे ना लाखोकि रो होकि ए़़ङगोडकिमय आते नो होकिया भेड़ि आवखो कि जे गा ओंडोरयोकि रो योयोकि होकड़ा थोंङ पोनोमोसोर या स्तुति करायना ला:खोकि।

पुरब तेगा डिसाते मोंञ थोड़ेक लेबु कि आवकि मय। होकि तेरगन किया बारे पाड़े सिखोमय रो मुरुक विद्ववान जो आवखोकि। होकि मोञ होडोम गा तेरगन ते तोभलुंग ते योयोकि रो होकि गमोकिनो उकड़ा अर्थ हेके नो यहुदिया या तोनमे कोलेंग जनमेसि होवथोंङ होकि आडकिया राइज तय डेलकोन हो कुडूते योनाथोंङ सोचायो कि। जुघेय डिसा सागोडकोन बेतलेहेम डेलकिमय रो हो हो:ते रो आते यीसु आवखो रो आयो आबा डोमते कुयो कि।

जे भेरे हो लेबुकि यीशु ते आयोडोमा सोरि योयोकि ठेहुनाय को यीशु या आराधना कारायोकि। होकि यीशु ते दामी उपहार तेरोमय रो होतय एनग गोडकि माय।