24. जोहान यीशु ते बपतिस्मा तेरो:

एलीशिबा ओडो जकारियास या बेटा डोम महा होइ कोन भविष्यद्वक्ता बोने गोडकि होकड़ किनिरते आवना ला:खो रो किनिर ते तेरोम रो फेनगा योयना ला:खो रो ऊँट या बोने लुतुई सुना ला:खो।

जुघाय लेबुकि जोहान कायोम ओन्डोरना थोंग किनिरते डेलकि माय। होकड़ उ गामके उतुनो नो “पश्चाताप कारायपे किनान राइज पासे आइज।”

जेभेरे लेबुकि जोहान या सन्देश ते ओन्डोरकि रो जुघायकि आडकिया पापतय पश्चाताप कारायोकि रो जोहान होकि बपतिस्मा तेरी जोहान ते योना थोंग जुघायगा धर्मी आगुवा कि जो डेलकि माय, मुदा होकि आडकिया पापतय पश्चाताप रो अंगीकार उमाय कारायो।

जोहान धरमीक आगुवाकिते गामो “हे जहरोले बुवान्गकि पश्चाताप कारायकोन व्यहार ते बदलाय गोड़ेपे पोनोमोसोर हो सोउब दारुते डेज गोड़े आकाड़नोबेस लुकु उम लुकुता रो होकड़ ते तिमलोन्ग ते फेकाय गोड़े जे भविष्यद्वक्ता कि गाकखो कि होजे जोहान पूरा कारायो।” योय इन्ज आमअ मुगमते इन्जा सन्देश वाहक ते डान्गोन्ज, जे नो आमा थोन्ग गोओझुन्गते बायो।

थोरेक धार्मिक आगुवाकि जोहान ते जुन्गोकि नो ई आम मसीह हेकेम। जोहान गामो “इन्ज मसीह ना लागिन्ज मुदा होकड़ इन्जा लोहढो डेलताज होकड़ हेबने महान आइज नो इन्ज जुताया फिता खोलयना लेखे उम्बोडिज डिन्ग।

होडोम नेडा ते यीशु बपतिस्मा डोडना थोन्ग जोहान या बोहते डेलकि जे भेरे जोहान होकड़ ते योयोह आडि गामो “योयपे पोनोमोसोर या भेड़ी जे धरती या पाप बेबरोडके डोडते।

जोहान यीशु ते गामो “इन्ज बपतिस्मा तेरना लेखे उमबोडिन्ज मगर उ जरुरत आइज आम इन्जते बपतिस्मा तेरे।” ला:आ यीशु गामो “आमगा इन्जते बपतिस्मा तेरे उघायगा कामु कारायना बेस कामु हेके। ला: जोहान यीशु ते बपतिस्मा तेरो: जबकि यीशु पाप उम काराय सि:खो।

बपतिस्मा तेरना लो:ढो यीशु डा:आ तय मुहकोन बाहरे डेलकि ला: पोनोमोसोर या जातोम पेरवालेखे ओबयोडोन्गकि रो तुता डेल कोन आडिया ते डोको गोडकि। हो भेरे गा पोनोमोसोर किइथुन्ग तय कायोमकि आडि गामो “आम इन्जा बेटा हेकेम।” इन्ज आम ते प्रेम कारायतिन्ज रो इन्ज आमा बुन्ग मुरुक लेरे: आइजडिन्ग।”

पोनोमोसोर जोहान ते गामो लोरेन जातोम तुता डेलकोन जहांयाते वहरेगोडना बेहारतेनो आम बपतिस्मा तेरेम। होकड़गा पोनोमोसोर या बेटा डोम हेके। पोनोमोसोर मोन्जगा आइज ला: जे भेरे जोहान यीशु ते बपतिस्मा तेरो लाआ पोनोमोसोर या कायोमते ओनडोरो बेटा डोन्ग पोनोमोसोर ते योयोह जे नो यीशु हेके ओडो होकड़ लोरेन जातोम ते योयोह।