25. डुबोअ यीशु या पोरिछा कारायते

यीशु या बपतिस्मा होइना या तुरन्त लो:ढो लोरेन जातोम होकड़ते किनिरते डोठो यीशु होते 40 दिनो रो 40 इडिब आओखो हो नेडाते आडि उपवास कारायो रो डुबोअ यीशु या बोहते पाप करवाना थोन्ग डोलकोन पोरिछा कारायो।

सुरुते डुबोअ यीसु ते गमोअ अगर आम पोनोमोसोर या बेटा बेटा डोम हेकेम ला: उ सोरेंग ते गमे कोलोंग बोने गोडना रो आम ञोअना पालेम।

मुदा यीसु डुबोओ ते गमो पोनोमोसोर या वाचन ते उलेखे आईज। बोरोल आवना थोंङ लेबु किते कोलोंग ऐकला जोवरात उबोडिज मुदा हो सोउब या जोवरात आईज जे नो पोनोमोसोर होकिते गमते।

तब डुबोअ यीसु ते मंनदिर या उनगुल ते डोड गोठो। होकड गामो अगर आम पोनोमोसोर या बेटा डोम हेकेम ला:उताय तुताते डेगे गोडना इनाथोंङ नो लि:खा आईज। पोनोमोसोर आडिया कोनघेर ते बेबरोडना थोंङ गामे नो आमा काटा ते सोरेंग उम ठोअना।

मुदा यीसु हो सोउब किते उम कारायो।आजे नो डुबोअ कारायना गामसीखो। उकडा ओइजीते आडिगामो पोनोमोसोर आडितेडा गामते आम प्रभु पोनोमोसोर या पोरिछा आबु करायेम।

ओडी डुबोह होकडते धरती या सोउब राइज ओवयोसो होकड़ आडिते ओवयोयो नो होकि जुघाय गा पड़ोमदार आइजकि रो किसड़ो होकड़ यीशुते गामो “इन्ज आमते उ सोउब ते लेरिन्ज आगार आम ठैहुनाय कोन इन्जा उपासना कारायेम।”

यीशु गामो “हे डुबोह इन्जा बोहतय यारे! पोनोमोसोर या वचन बुन्ग आडि सोउब ते आदेश तेरते केवल पोनोमोसोर या आराधना कारयपे। पोनोमोसोर या लेखे आडितेगा आदर कारायपे।”

यीशु डुबोया पोरिछातय हार उम मानेयो होवाथोन्ग डुबोह होकड़ा बोहतय चोल गोडकि रो कोनघेर कि डेल कोन यीशु सेवा सुसार कारायोकि।