27. दयालु सामरी या कहानी

मुसनिग यहूदि किया मूसा या नियम ते कोनगना वाला धरमगुरु यीशु या बोहते डेलकि। होकाड़ सोउब ते उ ओबयोना लामना ला:खो नो यीशु बेस सिछा उम तेरना ला:खो। होवाथोन्ग होकाड़ ते गामो: हे गुरु अनन्त जीवन कुइना थोन्ग इनज इ काराइनज?” यीशु गामो पोनोमोसोर मूसा या नियम ते इलिखा आइज?”

हो लेबु गामी , “गामते नो आपन पोनोमोसोर ते आपन सोउब मोन, प्राण, सामर्थ, ओडो बुद्धि बुनग पेरेम काराय। ओडो आपन पड़ोसी ते आपन सामन पेरेम काराय। यीशु गामो आम मुरुक बेस आइजडेम अगर आम उघाय कारायेम ला अनन्त जीवन ते कुयेम।”

मुदा हो मूसा या नियम या धरमगुरु ओबयोना लामनो ला:खो नो होकड़ा बोरोलना या तरिका बेस आइज होवाथोन्ग होकड़ यीशु ते जुनगो “बेस आइज इनजा पड़ोसी बेर हेके।”

यीशु हो मूसा या नियम ते मानेनावाला ते मोञ कहानी गामकोन गामो। “मोनज यहूदी लेबु आवखो जे मोन्ज सड़कते होइ कोन यरुशलेम तय यरीहो ते चोना ला:खो।”

“मुदा थोरेक डाकूकि होकड़ ते योयोकि रो होकाड़ ते हामला काराय गोठोकि होकि होकड़ा सोउब जिनिब ते डोडगोठोकि रो होकड़ ते गोजना जोउ गिलोकि रो यारगोठोकि।”

“होकड़ा तुरथेगा मोन्ज यहूदी कोलेन हो सड़क ते होइ कोन‍ चोलकि। हो कोलेन हो लेबुते सड़क हिनते आवना योयो जे भेरे होकड़ ते योयो ला: होकड़ सड़क या होडोम तिज होइ कोन मुगाम बढ़ेगोडकि। होकड़ हो लेबुते एकदाम गा अनदेखा काराय गोठो।

“उकड़ा थोरेक नेडा बितेना लो:ढो मोन्ग लेवी हो सड़क ते डेलकि (लेवी यहूदी किया मोन्ज गोत्र आवखो होकि मन्दिर ते कालो किया मदाइत काराय सि:खोकि) हो लेवी जो सड़क या होडोंग रोछब होइ कोन मुँहगोडकि होकड़ जो हो लेबुते अनदेखा काराय गोठो।”

“होडोम मोन्ज लेबु डेलकि होकड़ सामरिया या मोन्ज लेब आवखो (सामरी ओडो यहूदी एक दुसरे ते नफरत कारायना ला:खो मोय) हो सामरी सड़क ते हो लेबुते योयो। होकड़ योयो नो होकड़ यहूदी ते हेके ला: जो होकड़ होकड़ा लेबुलुनग ते जुघाय गा तरस योखौ रो होकड़ बोहते चोलाकि रो होकड़ा घावत किते पट्टि तोलोह।”

ओडो हो सामरी हो लेबुते आडिया गाधाते डालाय रो होकड़ते हो सड़क ते होइ कोन होडोम पोहदाते डोहगोठो। होते होकड़ा योनाकोनग ना जारी उनो:।”

होडोम नेडाते हो सामरी ते आडिया यात्रा ते चोना जरुरी आवखो होकड़। हो पोहदाया प्रभारी लेबुते थोरेक धन तेर कोन होकड़ गामो उ लेबुया योना कोनगना कारायेम। अगर उ धन या ताय ओडो जो खरचा होइताला: इनज डेनाआनज रो तेर गोडिइज।”

ओडो यीशु हो मूसा या नियम ते माने नो जुनगो आम “ई सोंचाय तेजडेम? उफे मेसे बेहार हो लेबुया पड़ोसी होइकि बेहारते नो लुसुकोन गिलसि खो मोय होकड़ गामो होकड़गा बेहारनो होकड़ा प्रति कृपालु होइकि।” यीशु होकड़ ते गामो “आम धाँय रो उघाय गा काराये।”