28. किसड़ो जवान सासक

मुसनिग मोन्ज किसड़ो जवान सासक यीशु या बोहते डेलकोन जुनगो “हे सोउब से बेस गुरु, अनन्त जीवन होइना थोन्ग इन्जते ई काराय ना चाही?” यीशु होकड़ ते गामो: आम इन्ज ते सोउब तय बेस इनागामतेम? केवल मुडुगा सोउब तय बेस आइज रो होकड़ पोनोमोसोर हेके। यदि आम अनन्त जीवन कुइना लामतेमला पोनोमोसोर या नियम ते पालन काराय।”

होकड़ जुनगो “इनजते आता आतो हुकुमते मानेना आइज? यीशु गामो , “लेबुते आबु तारेम। व्यभिचार कारायेम। आबु ठाकयेम। आयो आबा या आदर कारायेम, ओडो आपन पड़ोसी ते आपन समान लेखेगा, पेरेम कारायेम।”

मुदा हो जवान लेबु गामो, “इनग उ सोउबते कुड़ुँबोहतयगा मानेकोन डेलताजडिन्ज इनजते सोउब भेरे या थोन्ग बोरोल आवना थोन्ग इ कारायना चाहि।” यीशु होकड़ते योयो रो पेरेम कारायो।

यीशु गामो, “अगर आम सिद्ध होइना लामतेनडेमला: आमा: सोउब चिज ते ओबसोन्ग गोड़े रो हो धन ते गरीबकिते ताआज गोड़े, ओडो आमते किइथुन्ग राइज ते धन कुइना रो इन्जा कुनडाबते होइडोडना।”

जे यीशु गामो होजे ओनडोरकोन जवान लेबु नराज गोडकि उवाथोन्ग नो होकड़ मुरुख किसड़ो आवखो रो आडिया सोउब सम्पति ते तेरना उम लामना ला:खो। होकड़ कुनडाब कोन यीशु या बोहतय चोलकानकि।

ला: यीशु आडिया चेलाकिते गामो, “पोनोमोसोर या राइज किसड़ोकिते चोना जुघायगा कठिन आइज हो मोन्ज किसड़ो लेबुते पोनोमोसोर या राइज ते डियारना ओवजीतय जहाँ ऊँट या रोमोन ते चुहची या फोनटाते मुँह गोडना सहज आइज।”

जे यीशु गामो ओनडोर कोन चेलाकि चकित होइ गोडकि मोय होकि गामोके, “यदि उघायगा आइज ला:आ पोनोमोसोर बोहारते बनचाये।”

यीशु चेला किते योकोन गामो, “लेबुकिते आडिकियागा उद्धार कारायना सम्भव उमबोडीग। मुदा पोनोमोसोर या थोन्ग जहाँगा कारायना आसम्भव उमबोडिइज।

पतरस यीशु ते गामो: , “एले एलाह सोउब जिनिस मेलायकोन आमा: कुनडाबते होइडोडसिले ला: एला: प्रतिफल ई आइज।”

यीशु गामो, “सोउब गा बेहारनो इन्जा कराण हो:, भाई, बाहिन, आयो आबा, कुँड़ु सम्पति ते मेलायसि होकड़ 100 गुना जुघायगा कुये रो अनन्त जीवन तेजो कुये। मुदा जुघायकि जेनो सेन्गा आइजकि कुनडाब नाकि रो जघायगा कुनडाबते आइजकि होकि मुगाम नाकि।”