29. निर्दयी धांगर या कहानी

मुसनिग पतरस यीशुते नुनगो, “हे यीशु इनज भाई ते केतना बेर क्षमा काराया चाहि? जे भेरे इन्जा बिरुद्ध पाप कारायेते? ई थाम बेर जउ? यीशु गामो: थाम बेर एकला उमबो मुदा थाम बेर या थाम एकड़ी बेर, यीशु या उघाय गामना मतलब सोउब बेराया थोम क्षमा काराया ला: यीशु उ कहानी बातायो।

यीशु गामो, “पोनोमोसोर या राइज मोन्ज कोलेन या लेखे आइज जे आडिया धांगर या लेखा डोडना ला:खो। ; होकड़ा मोन्ज धांगर 2,00,000 मेमोन जोउ भुतिया मोञ महा कर्जदारआओखो।”

मुदा हो धांगर आडिया पांइचा तेरना उम पालना ला:खो होवाथोन्ग कोलेन गामो होकड़ा पांइचा चुकायना थोन्ग लेबुते रो परिवारडोम ते धांगर लेखे ओबसोन गोडेपे।

“हो धांगर कोलेन या बोहते ठेहुनाय गोठोरो गामो कृपा काराय कोन धीरज धोगे इन्ज इन्जा पांइचा या सोउब चीज पुरा काराय गोडिइन्ज। कोलेन धांगर या लोबलुगते कारायो होवाथोन्ग होकड़ा सोउब पांइचा ते क्षमा काराय कोन चोना तेरोह।”

“जे भेरे धांगर कोलेनया बोहतय बाहरे डेलकि ला: होकड़ते मोन्ज धांगर कुइकि जेनो ईफोन महिनाया भुति या पांइचा आवखो। हो धांगर आडिया सानगो धांगर ते धोह कोन गामो इन्जा आमा: तोबलुनगते जे पांइचा आइज होजे चुकता काराय।”

“हो सानगो धांगर ठेहुनाय कोन गामो: ‘कृपा काराय कोन धीरज धोगे रो इन्ज सोउब पांइचा चुकता काराय गोडिइन्ज। मुदा हो धांगर सान्गो धांगर ते धोकोन जेलते डालाय गोठो जे भेरा जोउ हो पांइचा चुकता उम कारायते।”

“जेगा होइसि खो होडोम धांगर कि योकोन जुघाय परेसान होइकि मोय। होकि कोलेन या बोहते चोलको सोउब बताय गोठोकि।”

“कोलेन हो धांगर ते रेमा: कोन गामो, “हे दुष्ट धांगर इन्ज आमा: पांइचा ते जे होघायगा उम काराय ना आओखो। कोलेन खिसाय कोन हो धांगर ते जेल ते डोलवाय गोठो जे भेरे जोउ आडिया पांइचा चुकता उम कारायते।"

ला: यीशु गामो इन्जा किईथुन्गते आवनावाला आबा आमपे सोउब तय उघायगा काराये यदि आमपे अपने भाई ते ह्रदय क्षमा उमपे कारायते।