30. यीशु या मोलोय हजार लेबु किते ओभ्योना

यीशु आडिया चेला किते प्रचार कारायना रो सिकसा तेरना थोन्ग होडोम होडोमे खोड़िते डानगो जे भेरे होकि एनगकि मोय आते यीशु आवखो रो होकि बतायोकि होकि ई काराय सि:खोकि। ला: यीशु होकिते झील या होडोम रोछोब सोरि सुनसान ठाँड़ोते थोरेक नेडा लेरुनाथोन्ग रेमाखोह होकि मोन्ज डोंगाते डेब गोडकि मोय रो झील या होडोमतिज चोलगोडकि मोय।

मुदा होते जुघायगा उघाय लेबु आवखौकि बेहार किनो यौशु ते रो चेलाकिते डोंगाते चोना योसिगो मोय। होलेबुकि होकिया सेन्ग झील या लितिल सितिल‍ चोलकि मोय। जे भेरा यीशु रो चेलाकि होते डामकि मोय ला: मोन्ज महा समुह होते सेनग डामकोन होते आवखो मोय।

हो समुह ते कोनसिलडु: रो कुड़ुकिते मेलाय कोन 5,00 तय जुघाय लेबुकि आवखो मोय। यीशु हो लेबुकिया तोबलुन्गते तरस योखो। यीशु या थोन्ग होकि गुपकाड़ या भेड़ीकि लेखे आओखो मोय। होवाथोन्ग होकड़ होकि ते सिकसा तेर कोन कोसुतय बेस कारायो।

आखरी नेडा ते चेलाकि यीशु ते गामोमोय, “तमा देरी होइगोडसि रो पासेते साहार उमबोडिज। उकिते विदा काराये ताकि होकि यों:ना थोन्ग जहाँ डोड गुडुकि।”

मुदा यीशु चेला किते गामो, “आमपेगा उकिते यों:ना थोन्ग जहास तेरेपे!” होकि गामोकि एलेह उघाय इघाय कारायना पालतेले? एलाह बोहते मोलोय कोलोन्ग रो उबार कोनोन काडोन्ग एकला आइज।”

यीशु आडिया चेलाकिते गामो आमपे महा समुह या लेबकिते घाँस हिन्गते पचास पचास काराय कोन डोबकोन गामेपे।

ला: यीशु मोलोय कोलोन रो उबार काडोंगते डोडकोन किइथुन्ग रोछोब योयो रो हो कोलोंग या थोन्ग पोनोमोसोर ते धन्यवाद तेरो।

ओडो यीशु कोलोन्ग रो काडोन्गते खाँड़ायो आडि लेबुकिते तेरना थोन्ग आडिया चेलाकिते तेर गोठो। चेलाकि हो कोलोंग ओडो काडोन्ग ते ताअज कानोकि रो होकड़ उम बोन्गकि होकि सोउबगा यों:कोन बेसुगोडकि मोय।

होकड़ा लोहढो चेलाकि हो काडोंग ओडो कोलोंग ते ठुराययोकि आजेनो उमाय योहसिखो रो बारह टुकनुकिते भोरेना लेखे आओखो हो सोउब भोजन पाँच कोलोंग ओडो उबार काडोंगतय डेलसिखो।