31. यीशु या डा:आते सानगोडना

5,000 लेबुकित ओबयोना लो:ढो, यीशु आडिया चेलाकिते डोनगाते चोना थोन्ग गामोह। आडि होकिते झील या होडोम रोछोब चोनाथोन्ग गामो रो आडि थोरेक नेडा याथोम होतेगा आओगोडकि। ओडो चेलाकि चोलगोडकि मोय रो यीशु भीड़ते आडकिया हो: चोनाथोन्ग विदा कारायो। उकड़ा लो:ढो यीशु सेनेल कारायना थोन्ग मोञ बिरुते चोलकि होते आडि एकलागा आओखोरो सोउब इजिब सेनेलयो।

हो नेडा ते चेलाकि आडि किया डोंगाते चलायकोन डोडनाला:खोकि मुदा कोयो होकिया बिपरित जुघायगा डेना ला:खो। जुघाय इडिब होइकिला: जो होकि झीलया मोहझितेगा डामकि मोय।

हो भेरे यीशु सेनेलना ओबबोंग यो रो आडिया चेलाकिया बोहते चोनासुरूयो आडि डोंगा रोछोब चोना थोन्ग डा:आते सानगोडना ला:आकि।

ला:आ चेलाकि आडिते योयोकि। होकि जुघाय बोतोंग कोन सोचायडोठोकिनो होकड़ जहाँय डुबोह हेके। यीशु कोनगोठो नो होकि बोतोंग गोडसिमोय होवाथोन्ग आवाज तेर कोन गामो, “आहपे बोतोंग ना इन्जगा हेकिन्ज।”

ला:आ पतरस यीशुते गामी, “हे यीशु अगर आमगा हेकिम ला:आ इन्जते आमाह बोहते डा:आते डेनथोन्ग गोम।” यीशु पतरसते गामो, “आय!”

ला:आ पतरस डोंगातय आरेह कोन यीशुया बोहते चोनाथोन्ग डा:आते सानगोडना ला:कि। मुदा थोरेक डिस्सा चोल कोन यीशुया तय मोड होडोम तिइज कारायो रो हवाते योना ओडो जुघाय लहराते महसुस कारायो।

ला: पतरस बोतोंग कोन डुबेना ला:आकि। होकड़ गुल कारायो “हे प्रभु इजाते बनचाय।” यीशु हो भेरेगा तिइह झेबलोबकोन धोहगोठो रो आडि पतरस गामो, “आमा: आसरा कारायना थोरे आइज आमते बेसबो आवना थोन्ग इनजा तोबलुनगते आसरा कारायना आवखो:।

जे बेरा यीशु रो पतरस डोंगा ते डेबगोडकियार झटगा कोयो रोके गोडकि। डा:आ जो सान्त होइकि चेलाकि चकित होइकोन यीशुया मुगमते ठुहेनाय गोठोकि। होकि होकड़ा आराधना काराय कोन होकड़ते गामो “सोहतोगा आम पोनोमोसोर या बेटा डोम हेके।”