33. मोन्ज किसान या कहानी

मुसनिन्ग यीशु झील या सितिलते आवाखो। आडि दोडो लेबुकिते सिकसा तेरना ला:खो होजे ओन्डोरनाथोन्ग लेबुकि डेलकि मोय नो यीशुया बोहते होकिबुनग कायोमनाथोन्ग ठाड़ो ऊम आओखो। होवा थोन्ग डा:आते तोमोन डोन्गाते डेबगोडकि। होते आडि डोको कोन सिकसा तेरो।

यीशु होकिते कहानी ओबडोरी, “मोन्ज किसान बिजोम बिडना थोन्ग बहरे मु:कि। जे भेरे बिजामते ति:बुन बिडना ला:खो:ला थोरेक बिजोम गो:झुन्ग सितिलते गुरकि। रो कोनथेड कि डेलकोन रामो:कि।

“होडोम बिजोम सोरेन्ग ठाँड़ोते गुरकि आतेनो थोरेक लो:खा: आवखो। सोरेन्गते गुरना बिजोम मुरुक जल्दि पोडकि मुदा होकड़ा जेइर लो:खाया भिहतारते चोना उम पालो:। जेबेरे बेड़ो मु:कि रो गरमी होइकि ला: हो बुदाकि कोसोर कोन गोजगोडकि मोय।”

“ला:जो होड़ोम बिजोम झुंड़ते गुरकि हो बुदाकि महाँना ला:कि मोय मुदा महा बुदाकि होकिते दाबाय गोठोकि होवाथोन्ग जुरा: आवना उसलोते गुरगुर बिजोमयातय बिजोम होइना उम पालो:।”

“होडोम बिजोम बेस उसलोते गुरकि। होबिजोमकि महाकि मोय रो जेतना बिजोम बिडडोम सि:खो होकियातय 30, 60, ओडो 100 गुना अनाज होइकि। जहाँयगा पोनोमोसोर या कुन्डबते चोना लामते होकि हो कायोमते धेयान तेर गुडुकि जे इन्ज गामतेजडिन्ग।

उ कहानी चेलाकि ते उलझनते उनगोठो। होवाथोन्ग यीशु बेसबो बातायो नो हो बिजोम पोनोमोसोर या वचनते। गो:झुन्ग मोन्ज उघाय गो:झुन्ग हेके जे पोनोमोसोर या वचनते ओन्डोरते, मुदा होकड़ते उम समझेता। ला:आ डुबो: होकड़ा बो:तय वचन चोराय गोडते। अरथात डुबो: वचनते समझेनातय डिसा:अ उनते।”

“हो सोरेन्ग उसलो उघाय लेबु हेके जे पोनोमोसोर या वचन ओन्डोर कोन लेरेडा: सोन स्वीकार कारायते मुदा जब मुसकिल नेडा डेलता, ला:आ होडोमकि होकड़ते सतायतेमोय ला:आ होकड़ पोनोमोसोर या तय डिसा:अ होइ गोड्ता। मुदा पोनोमोसोर या तोबलुन्गते भरोसा कारायना मेलाय गोड्ते।

“हो जुरा:वाला उसलो उघाय लेबु हेके जे पोनोमोसोर या कायोम ओन्डोरते मुदा होकड़ जुघाय कायोम किया बारे चिन्ता कारायना सुरु गोड्ते रो होकड़ जुघाय बा:अ कामुनाथोन्ग प्रयास कारायते, ओडो जुघाय जिनिस किते कुइनाथोन्ग प्रयास कारायते। थोरेक नेडाया लो:ढो पोनोमोसोर ते पेरेम कारायना थोन्ग सक्षम उम होइता। होवाथोन्ग जे पोनोमोसोर या वचन तय सिखेसि:ता होकड़ बुन्ग पोनोमोसोर प्रसन्न कारायनाथोन्ग सक्षम उम होइता। होकड़ गोहोमया डाइरडोम लेखे आइज जेनो बिजोम उत्पन्न उम कारायना पालते।

“मुदा बेस उसलो:या हो लेबु हेके जे पोनोमोसोर या वचन ते होकड़ा तोब्‍लुन्गते विश्वास कारायते ओडो लुकु ओलते।”