34. यीशु होडोम कहानी किया सिकसा तैरते

यीशु पोनोमोसोर या राइजया बारे ओडो जो जुघाय कहानी ओब्‍डोरो:। उदाहरण तौर से आडि गामो पोनोमोसोर या राइज मोन्ज राई या जन्गलेखे आइज होजे जहाँय आडिया गोजलोते बिड गोठो। आमपे कोन्गेपेनो राईया बिजोमतय कोनोन आइज।”

“मुदा राईया बिजोम जे भेरे महाँगोड्‍ता ला:अ बागोइचा या सोउब दारुतय सोउब तय महाँ होइगोड्‍ता, हेबने महाँ नो कोनथेड्‍कि डेल कोन होकड़ा डाइर किते लेरुताकि।”

यीशु ओडो मोन्ज होडोम कहानी बातायो, “पोनोमोसोर या राइज रोजोड् लेखे आइज होजे डोड्‍कोन मोन्ज कोनसिलडु: गोहोम आटाया गुलुहिनते मेसा गोड्‍ते ला:अ होकड़ सोउब गुलुहिनते मेसाडोम गोड्‍ता।”

“कि:थुङ राइज हो खजाना लेखे आइज आजे: नो जहाँय कोन गोजलो:अ ते ओकुबगोठो गोठो होडोम लेबुते हो खजाना कुईगोड्‍कि ओडो होकड़ होजे कुइनाथोम जुघायगा इच्छा कारायो होवाथोन्ग होकड़ होजे ओडो तिल गोठो होकड़ लेरे: बुन हेबने भोरे गोड्‍सिखो: नो आडि चोल कोन आडिया सोउब जिनिस ते ओब्सोंगठो ताकि हो गोजलो:ते सोनगना पाले आतेनो हो खजाना आवखो:।”

“कि:थुङ राइज जुघाय किमती मोन्ज शुद्ध मोति या लेखे जो आइज। जे भेरे जहाँय मोतिकिया कारबार कारायनावाला होकड़ते कुइ गोड्तेला: होजे सो:थोन्ग आडिया सोउन जिनिस ते ओबसोन्ग गोड्ते।

होते थोरेक लेबुकि आवकि कि जे सोचायना ला:खो:किनो पोनोमोसोर उवाथोम होकिते स्वीकार कारायना होकि बेस कामु कारायतेजकि। उ लेबुकि उघाय लेबुते तुच्छ मानेना ला:खो:कि नो हो बेस कामुते उमाय कारायना ला:खो: होवाथोम यीशु होकिते कहानी बतायो। “बोरिया लेबु आवखो:कियार बोरियागा मन्दिर ते सेनेलना चोलकिकियार। हो मेसे मुडु काड़ मालगुजारी सुकुजनावाला आवखो: रो मुडुकाड़ धरमी आगुवा आओखो:”

“हो धरमिक आगुवा उलेखे सेनेलयो, ‘हे पोनोमोसोर आमा: धन्यवाद होइ गुडु नो इन्ज होडोम लेबुकिया लेखे जेसन नो डाकू, अन्याय लेबु फेर कारायनावाला लेबु, व्यभिचारी रो उबो:ते आवनावाला मालगुजारी सुकुजना वाला लेखे पापीया लेखे उम्बोडिजडिनग।”

“उदाहरणया थोम इन्ज सोउब सप्ताह दुइबेर उपवास काराय तिन्ज ओडो इन्जते कुइनावाला सोउब जिनिसया दसवाँ हिस्सा आमते तेरतिन्ज।”

“मुदा मालगुजारी सुकुन्जावाला हो धरमी आगुवातय जुघाय डिसा:ते तोमोन आवखो: होकड़ कि:थुङ राइजति मोड् जो उम बेबरुठो। उकड़ा वजाय आडि आडिया मु:ठि बुन्ग आडिया छातिते गिलकोन सेनेलयो नो, ‘हे पोनोमोसोर कृपा काराय कोन इन्जा तोब्‍लुङ दया काराय इन्ज पापी हेकिन्ज।”

ओडो यीशु गामो, “इन्ज आमपेते सो:तोगा गामतेडिन्ज पोनोमोसोर हो मालगुजारी सुकुन्जावाला या सेनेलते ओन्डोर रो होकड़ते धरमी घोषित कारायो। मुदा होकड़ हो धरमी आगुवा या सेनेलते उम बाछो उम कारायो। पोनोमोसोर सोउब बड़वारीकिया बोकोबते तुता काराये ओडो हो सोउब किते आदर तेरे बेहारनो आडिते नम्र कारायते।”