35. दयालु आबा या कहानी

मुसनिग यीशु जुघाय लेबुकिते सिकसा तेरना ला:खो: जे आडिया ओन्डोर ना थोम ठुरे सि:खो: मोय। होकि मालगुजारी सुकुजनावाला ओडो ओडोलेबुकिया जो आओखो:कि होकि मूसाया नियमते मानेना थोन्ग कोसिस उमाय काराय सि:खो:।

थोरेक धरमीक आगुवा कि यो:यो:कि नो यीशु हो लेबुकि बुन्ग मुडु सानगोया लेखे कायोम ना ला:खो: होवा:चाहडो होकि एक दुसरे बुनग गामना ला:खो: मोय नो होकड़ बेस उम काराय तेज। यीशु होकिया कायोमनाते ओन्डोरो रो होकिते उ कहानी गामो:।

“मोञ लेबु आओखो: होकड़ा बोरिया बेटा आवखो:। कोनोन बेटा आबाडोमते गामो: ‘हे आबा, इन्जते तमा इन्जा हिस्सा चाहि, ला:आ आबा बोरिया बेटाडोम कियाराथोन्ग आडिया सम्पतिते ताज गोठो।”

“मुरुक जल्दी कोनोन बेटा आडिया सोउब जिनिस ठुराय कोन डिस्सा राइज चोल गोड्‍कि रो पापी जीवन बितायना बुन्ग सोउब सम्पतिते ओ:बोन्ग गोठो:।”

“उकड़ा लो:ढो आते कोनोन बेटा आवखो: हो राइजते जुघाय अकाल होइकि, होकड़ा बोहते भोजन सोनगथोन्ग धन उम आवखो:। होवाथोन्ग होकड़ते जे काम कुइकि होकड़ते बुनुई गुपाना आवखो:। होकड़ हेबने दु:खो रो बेतोड आवखो नो होकड़ बुनुईकि भोजन यो:ना लामना ला:खो:। ”

“आखरी ते हो कोनोन बेटा आडितेगा गामो:, ‘इन्ज ई कारायतेजडिनग? इन्जा आबाया बोहते धांगर कियाथोन्ग यों:नाथोन्ग सोउब जिनिस आइज ला:जो इन्ज बेतोड बुनग गोजताजडिन्ग इन्ज इन्जा आबाया बोहते चोनान्ज रो इन्ज इन्जा आबाया मोञ धांगर बोनेनाथोन्ग सेनेल इन्ज।।”

“ला:आ हो कोनोन बेटा एन्ग कोन आडिया आबाया रोछोब चोना सुरु काराय गोठो ला:जो आडि डिस्सागा आवखो: होकड़ आबाडोम होकड़ते योयो: रो होकड़ा तोबलुगते तरस योंखो:। होकड़ बातकेकोन बेटाडोमा: बोहते चोलकि रो काडु:कोन चुमायो।”

“हो बेटाडोम गामो:, “हे आबा इन्ज पोनोमोसोर रो आमा: बिरुद्धते पाप काराय सि:डिन्ज। इन्ज आमा: बेटनोम गामडोम ना लेखे जो उम्बड़िज डिन्ज।”

“मुदा आबाडोम आडिया मोन्ज धांगरते गामो:, ‘झट धाँयपे रो मोन्ज बेस लुतुई ओलेपे रो ओबसुयेपे। होकड़ा अंगरी डोमते अनगठी रो काटाडोमते जूता ओबसुयेपे रो सोउब से बेस बोछरुते तारेपे ताकि आनिन्ग यों: उडकोन लेरे:नानिंग कारण नो इन्जा बेटा गोजगोडसि:खो: अब बोरोल आइज! होकड़ सिड गोडसि:खो: अब अनिंग होकड़ते कुई गोड्‍सिनिंग।”

“होवाथोन्ग लेबुकि लेरे:न सुरु गोठो: मोय। थोरेक नेडाया लो:ढो महाँ बेटा गोजलोते कामुकोन ओ:ह डेलकि। होकड़ आलोंग ना रो कु:जना आवाज ओन्डोर कोन चकित होई गोड्‍गि नो उघाय ई हो:इताज।”

“जे भेरे महाँ बेटा डोम कोनगो नो होकि उवाथोम लेरे: ना ला:खो: मोय नो आडिया भाईडोम ओ: डेल गोड्सि ला: आडि जुघायगा खिसाय गोड्कि रो ओ:ते डियारना उम ला:मो:। होकड़ा आबाडोम बाहरे चोलकोन मानायना ला:किनो आम जो एलाह सोरि डेलकोन लेरे:ना, मुदा आडि माना काराय गोठो।”

“हो महाँ बेटा आबाडोमते गामो:, ‘हो सोउब मेमोन इन्ज आमाथोन्ग निष्ठा पूर्वक कामु कारायसि:डिन्ज कहियो जो आमा: कायोम ते उमिन्ग टलायसि: ला:आ जो आम इन्जते मोञ कोनोन मेरोम उम तेरोब ताकि अइन्ज इन्जा सान्गोकिया सोरि योगिन्ज उडिन्ज। मुदा उ बेटनोम पापी कामु काराय कोन सम्पति ते ओ:बोन्ग गोठो रो तमा डेलसिला: आम लेरे: ना थोम बेस बोछरुते डेज गोठोब!”

“आबा डोम गामो:, ‘हे इन्जा बेटान्ज आम हमेस इन्जा सोरि आइजडेम, जहाँगा इन्जा हेके सोउब हेके ला:आ आमिया थोम लेरे:ना जरुरी हेके आमा: भाई गोजगोड्सिखो: आबबोरोल आइज। होकड़ सिड्गोडसि: खो: अब अनिंग होकड़ ते कुईगोड्सिनंग!”