36. रुप बदलेना

मुसनिन्ग यीशु आडिया उफे चेलाकिते, पतरस, याकूब, ओडो जोहान ते आडिया सोरि ते डोड डो:ठो (जोहान यिमिया चेला हो लेबु न लागे बेहार नो यीशुते बपतिस्मा तेरसी:खो) होकि सेनेल ना:थोन्ग मोन्ज बिरुया उँनगुलते चोलकि मोय।

ला: यीशु सेनलना ला:खो: भेरे होकड़ा रुमान्ग बेड़ोया लेखे पतार गोडकि आडिया लुतुई तुनबो: लेखे ओसेल गोड्कि जेइसन ना धरतीते जहाँय कारायते मोय होकड़ा तय गो जुघाय ओसेल।

ला: मूसा ओडो एलिय्याह भविष्यद्वक्ता ओबयो डोमकि कियार उ लेबुकि उ धरती ते उ नेडा जोउ सैकड़ो मोमोन सेन्ग आवना ला:खो: मोय होकि यीशु बुन्ग आडिया गोजना: बारे कायोम गामो:कि , उवाथोम नो होकड़ जल्दीगा यरुशलेम ते गोज गोड्ना

जे भेरा मूसा ओडो एलिय्याह यीशु बुन्ग कायोम ना ला:खो: कियार भेरे पतरस यीशुते गामो: , “आनियाथोम उते आवना बेस हेके। आनिन्ग उफे मन्डप बायतेनिन्ग मोन्ज आमाथोन्ग, मोन्ज मूसाय थोन्ग ओडो मोन्ज एलिय्याह या थोन्ग मुदा पतरस उम कोनगना ला:खो: नो ई गामतेज।

जे भेरा पतरस कायोमना ला:खो मोन्ज ओसेल तिरिब तुताते डेलकोन होकिया तोब्‍लुन्ग ते भोरि गोड्कि। ओडो तिरिबतय मोन्ज आवाज डेना ओन्डोरोकि होकड़ गामो:, “उकड़ इन्जा बेटा हेके इन्ज उकाड़ते पेरेम कारायतिन्ज। इन्ज होकड़बुन्ग लेर: तन्ज। होकड़ा ओन्डोरेपे।” हो उफे चेलाकि बोतोंगबुन्ग उसलोते गिता: गोड्कि मोय।

ला:आ यीशु होकिते जिफो रो गामो:, “आ:पे बोतोंगना। बेरुड् गोड्नापे।” होकि सोउब रोछोब यो:यो मोय ला: मुडु होकिया सोरि आवखो: होकड़ यीशु आवखो:।

यीशु ओडो हो उफे चेलाकि हो बिरुताय तुता डेलकि मोय हो भेरे यीशु होकिते गामो:, “तमा जे उते होइकि हिकड़ा बाखाइन बेरबेन्गजो आ:पे काराय। इन्जा झटगा गोग गोड्ना आइज ओडो आडिया बोरोल गोड्ना आइज। होकड़ा लो:ढो आमपे लेबुकिते बातायना पालेपे।”