37. यीशु या मध्याम बुन्ग गोज गोज लाजर ते बोबरोलना

लाजर ञिमिया मुडु लेबु आवखो: होकड़ा दुइझन बहिन आवखो: होकियारा ञिमि मरियम ओडो मर्था हेके। होकि सोउब यीशुया जुघाय बेस सान्गो आओखो: मोय। मुसनिंग जहाँय यीशुते बातायो नो लाजर जुघायगा बीमार आइज। ला:आ यीशु ओन्डोर कोन गामो: , “उ बीमारी लाजरया गोजना सोरि गा उम बोन्गना मुदा उकाड़ लेबुकिते पोनोमोसोर या आदर कारायना थोम प्रेरित काराय।”

यीशु आडिया सान्गोकिते पेरेम कारायना ला:खो, मुदा आते आडि आवखो:होते उबार नेडा ओडो आवगोड्‍कि। हो उबार नेडा या लो:ढो होकड़ आडिया चेलाकिते गामो: “आयपे एन्ग कोन यहूदीयाते चोलतानिन्ग।”चेलाकि गामोकि हे गुरु तामा थोरेक नेडा सेन्ग होता: लेबुकि आमपे तार गोड्ना लामना ला:खोकि!” आनिया सान्गो लाजर लेमेड गोड्सि होकड़ते इन्जते बेबरोड्ना आइज।”

यीशु या चेलाकि गामोमोय, “हे प्रभु, अगर लाजर लेमडेता:ज ला: को होकड़ बेस होइ गोड्ना।” हो भेरे यीशु होकि ते स्पष्ट गामोगोठो लाजर गोड्सि। इन्ज लेरे: तान्ज नो इन्ज होते उमिन्ज आवखो: ताकि आमपे इन्जा तोबलुन्ग ते। विश्वास कारायपे।”

जे भेरा यीशु लाजर या पोहदा डामकि ला:आ लाजर या गोजना इंफोन नेडा होइ चुके सि:खो। मार्था यीशु बुन्ग मिलेना बाहरे डेलकोन गामो:, “हे प्रभु यदि आम उते आवनाम हा:नुंग ला: इन्जा भाई उम गोजना। मुदा इन्ज विश्वास कारायतेन्ज नो जे गा आम पोनोमोसोर तय बोरेम होजे आमते तेरते।”

यीशु गामो: पुनरुत्थान ओडो जीवन इन्ज हेकिन्ज। जहाँयगा इन्ज तोबलुन्गते विश्वास कारायते होकड़ यदि गोज्‍जो गोड्‍ता ला:आ जो बोरोलना। जहाँयकोन जो इन्जते विश्वास कारायते उम गोज्‍ना। इ आम उ सोउबते विश्वास कारायतेम? मार्था गामो:, “हे प्रभु, इन्ज विश्वास कारायतन्ज नो आम पोनोमोसोर या बेटा मसीह हेकेम।”

ला: मरियम डेलकि। होकड़ यीशु या काटाबोहते गुरकोन गामो:, ‘हे प्रभु, यदि आम उते होइनाम ला: इन्जा भाई उम गोज्‍ना।” यीशु होकड़ते जुन्‍गो आम लाजरते आते उनसि:डेम? होकि होकड़ते बतायोकि, “कबुरते। ला: आय रो योडोड़े।” ला:आ यीशु यीयामना ला:कि।

हो कबुर मोन्ज माड़ा आवखो: होकड़ा दुरा ते मोन्ज सोरेनबुन्‍ग डाल गोड्‍सि:खो: मोय ला: यीशु कबुरते डेलकि रो होकिते गामो:, “सोरेनते सिबतेलयपे ला: मार्था गामो:, “होकड़ते गोज्‍गाडसि जे: इफोन नेडा होइगोड्सि।” होकड़ा तय घाँड़ी डेलताज होई।”

यीशु गामो:, “ई इन्ज आमते उमिन्ज गामसि खो:नो यदि आम इन्ज तुबलुन्गते विश्वास कारायेतेम ला: पोनोमोसर या सामर्थते योयेम, ‘ला:आ होकि सोरेन्ते सिबतिल गोठोकि।

हो‌ भेरे येसु तोभलुङ तिईज यो कोन गमो हे आबा: ईञाआ ओनडोर ना थोंङ। धनयाबद करयतेजडिज नो आम इञअ: सोउब भेरे गा अओनडोरतेम मुदा ईज उते तोमोन सीखोअकी हो सोउबकिया मदाईत करायना थोंङ गामो ला:आ उकि विसवास कारायना पालेमय नो आम ईजते डंगसिडेम रो यीसु आवज करायकोन गामो “हे लाजर मुअ: कोन बाहरे आय!”

ला:आ लाजर बाहरे मु:ह डेलकि होकड़ तमाजो लुतुईबुन्ग तोलतोल आओखो: यीशु होकड़ते गामो: , “उ कफनतय मु:नाथोम होकड़ा मदइत कारायते रो होकड़ते स्वतंत्र कारायपे उ चमत्कारया चालते जुघाय यहूदीकि यीशु याते विश्वास कारायोकि।

मुदा यहूदीकिया धरम आगुवाकि यीशुया तोबलुन्गते खिसायना ला:कि मोय रो होकि योजना बयना:थोम मोन्ज बोहते जुमेकिमोय नो इघाय यीशु ते रो लाजरते तार गोड़ेनिन्ग।