38. यीशुया सोरि विश्वासघात

सोउब मेमोन, यहूदी कि फसह या परब मानेना ला:खो:कि। उकड़ा उवाथोम मोन्ज परब मानेना ला:खोकि नो जुघाय मेमोन सेन्ग पोनोमोसोर होकिया पुरखाकिते मिस्रया दासत्वतय छोड़ाय सि:खो:। लगभग उफे मेमोन या लो:ढो यीशु खुलेकोन प्रचार रो सिकसा तेरना सुरुयो। यीशु आडिया चेलाकिते बतायो नो आडि होकिया सोरि यरुशलेम ते फसहया परबते मानेना लामतेज, ओडो आडि होते तारडोम गोड़ना।

यीशुया चेला मेसे यहूदा यीमिया मुडुलेबु आवखो:। यहूदा प्रेरित किया चन्दा थैला उनना वाला प्रभारी आवखो: काइबेर होकड़ थैलातय केचिया ओजगोड्ना ला:खो। यीशुया चेलाकिया यरुशलेम ते डामना लो:ढो: यहूदा यहूदीकिया बोहते चोलकि। होकड़ धनया बदलेबुन्ग यीशु ते ओबधोना थोन्ग प्रस्ताव उनो:। होकड़ कोनगा ला:खो ना यहूदी आगुवाकि स्वीकार उमाय कारायना ला:खो नो यीशुगा मसीह हेके। होकड़ कोनगना ला:खो नो होकि होकड़ते तार गोड्ना लामतेज मोय।

महाकालोया गामना: अनुसार यहूदी आगुवाकि यीशुते धो:नाथोन्ग 30 चाँदीया केचिया तेरो: मोय उकाड़ होघायगा होइकि जैइसन नो भविष्यद्वक्ता कि गामखो:कि। यहूदा माने गोडकि रो धन डोड्कोन चोलगोड्कि। होकड़ यीशुते ओबधो:नाथोन्ग होकिया सहायता कारायना:थोन्ग मोउका लामना ला:खो।

यरुशलेमते यीशु आडिया चेलाकिया सोरि फसहया परबते मानेयोकि। फसह या भोज भेरे यीशु कोलोन्ग ते डोड्कोन खाँड़ायो। आडि गामो: उजे: होनपे रो योगेपे। उकाड़ इन्जा येरि हेके इन्ज आमपेते तेरतेजडिन्ग उजे: इन्जा याइद बुन्ग कारायपे।” उलेखे यीशु गामो: नो आडि होकिया थोकम गोज् गोड्ना, अर्थात् होकड़ होकिया थोम येरि ते बलि काराय गोड़ै।

ओडो यीशु मोञ दाखरसया डुभनी डोठो रो गामो:, “उजे उडेपे। उकाड़ तोनमे कारारया ञियाम हेके जे इन्ज डुलिन्ग ताकि पोनोमोसोर आमपा पापते क्षमा काराय। सोउब बेरा उजे उड्नाभेरे इन्जा याइद बुन्ग उजे: कारायते जे इन्ज तामा कारायते डिन्ग।”

ला:आ यीशु आडिया चेलाकिते गामो:, “आमपा: मेसे मुडु इन्जते ओबधोगे।” चेलाकि चमके गोड्कि मोय रौ जुन्गना ला:कि मोय नो बेहार उघाय कामु कारायये यीशु गामो:। इन्जते ओब्धोना वाला लेबु होकड़ हेके बेहार तेनो इन्ज कोलोन्गया खाँड़ा: तेरिन्ग।” ला: हो होकड़ हो खाँड़ाते यहूदाते तेरो।

हो कोलोन्ग ते डोड्ना लो:ढो, यहूदा याते डुबो: डियार गोडकि। यहूदा मु:कोन यीशु ते ओबधोनाथोम यहूदी आगुवाकिया सहायता कारायनाथोन्ग चोल गोडकि उकड़ इडिबया नेडा आवखो:।

भोजन या लो:ढो यीशु रो चेलाकि जैतुन बिरुते चोलगोडकि मोय। यीशु गामो: आमपे सोउबगा मुसाइडिब इन्जते मेलाय गोड़ेपे उकड़ लिखा आइज इन्ज गुपाकाड़ ते तारिन्ग रो भेड़िकि छितरायडोम गोड्ना मोय।”

पतरस गामो:, “भलेगा बाकि सोउब आमते मेलाय गोड्कि इन्ज उमिन्ज मेलायये!” ला:आ यीशु पतरस ते गामो:, “डुबो: आमपे सोउबते डोडना लामते मुदा हे पतरस इन्ज आमा:थोम सेनेल सि:डिन्ग नो आम विश्वास कारायनाते आबु‍ चुकेनाम। ला: जो मुसा इडिब, सिनकोय सुलना: सेन्ग आम उफेबेर इन्कारयेम नो आम इन्जते उम कोनगतेम।”

पतरस यीशु ते गामो: “भले जो इन्ज गोज्‍जो गोड्नानज इन्ज कहियो जो आमते इन्कार उमिन्ज काराय, “बाकि सोउब चेलाकि उघायगा गामोकि।

ला:आ यीशु आडिया चेलाकिया गतसमनी ञिमि ठाँढ़ोते चोलकि। यीशु आडिया चेलाकिते‍ सेनेलना थोम गामो: ताकि डुबो: होकिया परिछा उम काराय। ला: यीशु आडिगा प्रार्थना कारायना थोन्ग चोल गोड्कि।

यीशु उफे बेर सेनेलेयो, “हे इन्जा आबा, यदि सम्भव होइताला: उ दु:ख या डुभनी इन्जते उड्नाथोम आबु तेरे ला:आ जो यदि लेबुकिया पाप क्षमाया थोन्ग होडोम गो:झुन्ग उम्बोडिज ला: आमा: गा इच्छा पुरा होइ गुडु:।” यीशु जुघायगा व्याकुल आओखो: ओडो होकड़ा यियम उरुमडा: टपकेना लेखे आवखो: होकड़ ते पाड़ोम तेरना थोम पोनोमोसोर मोन्ज ओनघरते डानगो।

सोउब बेर प्रार्थनाया लो:ढो यीशु चेलाकिया बो:ते एन्गकोन डेलकि मुदा होकि गिता: गोड्सिखो: मोय। उफे बेरा जोउ यीशु डेलकि रो गामो:, “बेरुड गोड्नापे इन्जा ओब्‍धो:नावाला उते आइज।”

यहूदी आगुवा, पालटनकि ओडो महाँ भीड़या सोरि यहूदा डेलकि। होकि तलवाइर रो लाठि आलखो: मोय। यहूदा यीशुया बो:ते डेलकोन गामो:, “हे गुरु, नमस्कार,” ओडो होकड़ते चुमायो। होकड़ धो:डोम ना लेबुते यहूदी आगुवाकिया बो:ते प्रगट कारायना थोन्ग उघाय कारायो। ला:आ यीशु गामो:, “हे यहूदा, इ आम मोन्ज चुमाबुनग इन्ते ओबधो:तेजडेम?”

जे भेरा पालटनकि यीशुते धो:ना ला:खो मोय पतरस आडिया तलवाइरओच्छो रो महाँकालोया मोन्ज सेवक या लुतुरते डेज गोठो:। यीशु गामो: तलवाइर डिबसागे इन्ज इन्जा आबाते इन्जा बनचायनाथोम कोनघेर किया मोन्ज सेनाय थोम सेनलना पालतिन्ज मुदा इन्जते इन्जा आबाया कायोमते मानेना आइज ला: यीशु हो लेबुया लूतुरते बेस काराय गोठो।” ला: सोउब चोलाकि यार गोठोकि।