47. फिलिप्पी ते पौलुस ओड़ो सीलास

जे भेरे शाऊल रोमि राईज या सोब रोक्षोप चोलिकि भेरे आडिया रोमि ञीमि ’’पौलुस’’या उपयोग करायना शुरु गोठो। मुसनिंग पौलुस ओडो होकड़ संगो सिलास फिलिप्प नगर ते यीशु या बारे शुभ संदेश ओबडोंरना चोलकि मय। होकि ओपै सितिल ते मोईंग ठंाढो बोते चोलकिमय अबोतेनो लेबुकि सेनेलना थोंग जुमेसिखो मय होते लुदिया ञीमि या मोईंग कोनसेलडुबुंग भेटोकरायोकियार जे फेर करायानावाला औखो। होकड़ पोनोमोसोर ते प्रेम करायानालाखो रो आडिया आराधना करायानालाखो।

पेनोमोसोर लुदिया ते यीशु या संदेश ते आसरा करायाना थोंग सक्षम करायो। पौलुस ओडो सिलास होकड़ते रो होकड़ परिवार बपतिस्मा तेरो कियार। होकड़ पौलुस ओडो सिलास ते आडिया ओः ते औना थोंग गामो, होआथोंग होकियार औ गोठकि कियार।

पौलुस ओडो सिलास हो ठाढो ते मिलेना लाखो कियार आते नो यहूदी कि सेनेलना लाखो मय। रोजगा होते चोना भेरे मोईंग धांगरिन बेटी जे अनिषि जातोम बुंग चलायडोमन लाखो जे होकड़ते पीछाकरायना लाकि। हो अनिषि जातोम या चलते होकड़ लेबुकिते होईन वाला कायोम किते बातैकोन आडिया गोमके डोमाथोम जुघय संम्पित कामुना लाखो मय।

होकियार चोना नेडा ते हो धांगरिन बेटी जिबरेना लाखो,’’ उ लेबुकि परमप्रधान पोनोमोसोर या सेवा करायानावाला सेवक होकै। उकी आमपेते उद्धार कुईना गोक्षुगा बताएते मय!’’ होकड़ सोब नेडा होघयगा करयना लखो होवथोंग पौलुस रागोम गोडकि।

लेढ़ो, मुसनिग हो धांगरिन बेटी जिबरेन शुरु करायो,ला पौलुस होकड़तिंय योकोन होकड़ भीभतर आवना वाला आनेष जातोम ते गामो यीशु या ञीमि बुंग उतय मुः गोडना। होभेरेगा हो आनिष जातोम होकड़ ते मेलाय गोठो।

हो धांगरिन बेटी या गोमके डोमकि जुघय रोगोम गोठकि मोय होकि कोंग गोठोकि नो ऐनम आनेष जातोम या हो धांगरिन बेटी लोढ़ो होईना वाला कायोम किते उम बतऐन पालते होवथोंग अब लेबुकि होकड़ा गोमके ते केचिया उमय तेरे नो लोढ़ो होकिया सोरी ई होईन होजे बतायों

होवथोंग हो धांगरिन बेटी या गोमकेडोम पौलुस ओडो सिलास रोमि सहेबकिय बोते डोडगोठो मय। होकि पौलुस ओडो सिलास ते गिंलो मोंय ओडो होकियार ते जेहेल हिंन ते डीबयार गोठोमय।

होकि पौलुस ओडो सीलास ते जेहेलया उघय ठाडो ते उनो मय आबोतेनो जुघय पाचकोन कि आवना लाखो मय। होकि होकियारा काटा ते दारु या खांडा ते कंटि बुंग ठोकय गोठो मय।ला जो पौलुस ओडो सीलास ईडीब ते पोनोमोसोर या स्तुति या आलोंग आलोंगाना लाखोकियार।

अचकागा, मोईंग महाडु भुईडोल होकि! जेहेलया सोब दुरा रूःडोम गोठकि रो सोब जेहेल ते आवना वाला किया सिकड़ी जो खुलेकोन गुरगोठकि।

ल दरोगा बेरोड गोटकि। होकड़ योंयों नो जेहेल या दुरा रुःडोम गोडसी होकड सोचयाना जेहेल ते आवना वाला सोबकि यार गोटोकि। होकड बोतोंग गाटकिनो होकिया यारगोडनासे रोमि सहेेबकि ईंते तरगोडेकि होवथोंग आडि तारगोडना थोंग समपेड़गोडकि,लेकिन पौलुस होकड़ते यांेकोन जिबरेकि,’’ आले! अम अमा नुकसान आबु कराय। येले सोबग उते आईंज ले।’’

हो दारोगा थारथरायगा पौलुस ओडो सिलस या बोते डेलकोन जुंःग,’’ उद्धार कुईनाथोंग ईंग ई कराईंग ?’’ पौलुस गामो प्रभुस यीशु या ते आसरा कारायम ला आम ओडो आमा ओःगा उद्धार कुऐपे। ल दारोगा पौलुस ओडो सिलासते आडिया ओ डोडकोन घाव ते गुईंडाखो। पौलुस होकड़ ओःगा सोब लेबु ते यीशु सा शुभ संदेश ओःबडोरो।

दारोगा ओडो हो ओःगा सोब यीशु या ते आसरा करायायोंकि होवाथोंगा पौलुस ओडो सिलाय होकिते बपतिस्मा तेरोे कियार ला दारोगा पौलुस ओडो सिलास ते पेः ओबञोनोखो रो होकि मोईग सोरी लेरे कि मय।

होडोम नेडा ते जेहेल या साहेब कि पौलुस ओडो सिलास ते जेहेल तय ओईज गोठो मय ओडो फिलिप्पी तय चोना थोंग गामो मय। पौलुस ओडो सिलास लुदिया ओडो होडोम संगोकि बुंग मलेकोन फिलिप्पी तय मूगोटकिकियार।यीशु या बारे शुभ संदेश फैलायोकियार रो कलीसिया बढ़ेगा चोलकि।

पौलुस ओडो होडोम मसीही साहेब कि जुघय नगर ते बुलिकोन होकि लेबु किते यीशु या बारे शुभ संदेश ओबडोरोकि। होकि कलीसिया या विश्वासी किते उत्सराहित करायना रो शिक्षा तेराना थोंग जुघयगा चिट्टी लिखायोकि। होमेसो थोरेक बाइबल या पोथी बोने गोडकि।