48. यीशुगा कारार काराय मसीह हेके

जे भेरे पोनोमोसोर धरतीते बायो भेरे सोउब ग बेस आवखो:। इजी पाप उम आवखो:। आदम ओडो हव्वा बोरियागा पेरेम कारायना ला:ढो:कियार ओडो होकियार पोनोमोसोर तेजो पेरेम कारायना ला:खो:कियार। ईजो कोसु रो गोनोज उम आवखो: पोनोमोसोर उघायगा धरती लामना ला:खो:।

डुबो: बुवान्गयाते होइकोन हव्वा बुन्ग कायोम कि उवाथोम नो होकड़, होकडते धोखा तेरना लामना ला:खो: ला: हव्वा रो आदम पोनोमोसोर या बिरुद्ध पाप कारायो कियार होवाथोमगा धरती ते आवनावाला सोउब लेबुकि गोजना मोय।

आदम रो हव्वा पाप काराय सि:खो:कियार होवाथोम ओडो जो अनेस होइकि। होकियार पोनोमोसोर या बोइरि होइगोडकियार। होवाथोम सोउबगा पाप कारायसि: मोय। सोउबगा जोरमेना बो:तायगा पोनोमोसोरया बोइरि होइगोडसि मोय। पोनोमोसोर ओडो लेबुकिया मो:झिते शान्ति उम आवखो:। ला: पोनोमोसोर शान्ति ओलना लामते।

पोनोमोसोर प्रतिज्ञा कारायो नो हव्वाया मोन्ज वंश डुबो:या बोकोबते थोमे। ओडो होकड़ उ जो गामो: डुबो: होकड़ तालवाते आकेडे। होडोम कायोम बुन्ग, डुबो: मसीहते तार गोड़े मुदा पोनोमोसोर होकड़ते बोबरोल गोड़े उकड़ा लो:ढो: मसीह डुबो:या पाड़ोमते सोउब भेरेय थोम ओबनोन्ग गोड़े। जुघाय मेमोनया लो:ढो: पोनोमोसोर ओबयोगोठो नो होकड़ मसीह यीशु हेके।

पोनोमोसोर हो बाइड़तय आडिया परिवारते बनचायो आजे: नो आडि ओलनावाला आवखो:। नूहते मोन्ज डोन्गा बायनाथोम गामो: नो होकड़ उलेखे पोनोमोसर होलेबुकिते बनचायो: जे होकड़ते विश्वास कारायते मोय। उलेखे सोउब गा:ह पोनोमोसोर माध्यम बुन्ग तारडोमना लेखे आवखो:कि उवाथोम नो होकि पाप कारायसिखो: मोय। ला: पोनोमोसोर हो सोउबते बनचायना थोम यीशुते डान्गो: जे नो होकड़ाते विश्वास काराय मोय।

सैकड़ो मेमोन जोउ, कालोकि पोनोमोसोर या थोम बलिदान ओडेब ना ला:खो:कि उकड़ दर्शायते नो लेबुकि पाप कारायसि: मोय रो होकि पोनोमोसोर या माध्यम बुन्ग होकिते साजाई कुइना आवखो:। ला:अ होबलिदान होकिया पापते क्षमा उम कारायना पालते। यीशु सोउबयातय महाँ कालो हेके। होकड़ होगा काराये जे नो आता कालो जो उम कारायना पालते। होकड़ मोन्जगा बलिदान होई कोन आडितेगा तेर गोठो: जे नो सोउबकिया पापते मेटायना पालते। होकड़ स्वीकार कारायो नो पोनोमोसोर ते सोउब किया पापयाथोम होकड़ ते साजाई कुइगुड़ु: होवाथोम यीशु सिद्‌ध महाँ कालो: हेके।

पोनोमोसर अब्राहम ते गामो:, “इन्ज आमा: माध्यम बुन्ग धरतीया सोउब कुलते आशीष तेरिन्ग।” यीशु उ अब्राहम या कुलया गा आवखो:। पोनोमोसोर अब्राहम या माध्यम बुन्ग सोउब कुलते आशीष तेरते उवाथोम नो बेहार यीशु या तोबलुन्गते विश्वास कारायते पोनोमोसोर हो सोउब ते पापतय बनचायते जे भेरे होकि यीशुया ते विश्वास काराते कि ला: पोनोमोसोर होकिते अब्राहमया कुल बायते।

पोनोमोसोर अब्राहम ते गामो: नो आमा: निज बेटाते होकड़ाथोम बलिदान काराय गोड़े। ला: पोनोमोसोर इसहाक या बदलीते बलिदान तेरना थोम भेड़ि कुड़ुँते तेरो। अनिन्ग सोउबगा आनिया पापया चलते तारडोम ना लेखे आवखो: निन्ग! ला: पोनोमोसोर आनिया ठाँड़ोते बलिदान होइना थोम यीशुते बलिदानया थोम तेरगोठो। उवाथोम गा यीशु ते आनिया पोनोमोसोर या भेड़िया कुड़ुँ गामते निन्ग।

जे भेर पोनोमोसोर मिसरते आखरी बिपाइत डान्गो: ला: आडि सोउब इसराइली परिवारते गामो: नो होकि मोन्ज भेड़िया कुड़ुँते बलिदान कारायकि। भेड़ि कुड़ुँया ते इजो दोष उम होइना चाहि। होकिते आडकिया दुरा चौखटते ओडो सोउब रोछोब ञियामते लगायना आवखो:। जे भेरे पोनोमोसोर हो ञियामते योयोला: होकड़ हो:तय मुगम चोलगोडकि रो होकिया पहिलौठा बेटाते उम तेरो:। जेभेरे उघाय होईकि ला: उजे पोनोमोसोर उकाड़ते फसहया परब गामो:।

यीशु फसहया परबते मोन्ज भेड़े कुड़ुँ लेखे आइज। होकड़ कहोयो जो पाप उम काराय सि:खो: होवाथोम होकड़ाते ईजो आनेस उम्बोडिज। होकड़ फसहया परब भेरेगा गोजकि जे भेरे जहाँयगा यीशुयाते विश्वास कारायते ला: यीशुया ञियाम होलेबु या गिनिन्ग ते चुकता काराय गोडते उकड़ उघायगा हेके नो पोनोमोसोर हो लेबुया बो:तय मुगम चोलगोडकि। उवाथोम नो होकड़ होकि ते साजाई उम तेरते।

पोनोमोसोर इसराइली लेबुकिया सोरो मोन्ज कारार कारायो, उवाथोम नो होकि उघाय लेबु आवखो:मोय बेहारते नो पोनोमोसरो आडिया होइनाथोम चुनाय डोड्सी। ला: पोनोमोसोर मोन्ज उघाय कारार कारायो जे सोउब कियाथोम हेके। यदि जहाँ जातिया जहाँ लेबुगा तोनमे कारार ते स्वीकार कारायते ला: होकड़ पोनोमोसोर या परिवारते सामिल होई गोडता। होकड़ उघाय उवाथोम कारायते नो होकड़ यीशुयाते विश्वास कारायते।

मूसा मोन्ज उघाय भविष्यद्वक्ता जे नो पोनमोसोर या वचनते जुघाय सामर्थ बुन्ग प्रचार काराय सि:खो। ला: जो यीशु सोउबतय महाँ भविष्यद्वक्ता हेके। होकड़ पोनोमोसोर हेके होवाथोम होकड़ जहाँगा कारायो रो जहाँगा गामो: होकड़ पोनोमोसोरया वचन ओडो कामु आवखो: होवाथोम गा पवित्र-शास्तर यीशुते पोनोमोसोरया वचन गामते।

पोनोमोसोर कोलेन दाऊद बुन्ग प्रतिज्ञा काराय सि:खो: नो कोलेन या लेखे होकड़ा मोन्ज वंशज सोउब भेरेया थोम सासन काराये। यीशु पोनोमोसोर या बेटा डोम ओडो मसीह हेके, होवाथोम होकड़ दाऊद या वंशज हेके जे नो सोउब भेरेया थोम राइज कारायना पालते।

दाऊद इसराइली किया कोलेन आवखो:, मुदा यीशु सोउब धरतीया कोलेन हेके। होकड़ ओडो डेना रो सोउब नेडाया थोम न्याय ओडो शान्ति बुन्ग आडिया राइज ते काराये।