7. पोनोमोसोर याकूबते आशीष तेरते

जे भेरे कुड़ुकि महाकि मोयला: याकूब ते ओ:ते आवना बेस ला:कि रो एसाव पोस किते तार ओलना बेस ला:कि। रिबका याकूबते पेरेम कारायो ओडो इसहाक एसावते।

मुसनिन्ग एसाव सिकार काराय कोन बेलोड होइकोन डेलकि रो याकूबते गामो आम जे रान्धाय सिडेम इन्जते योना ओले याकूब गामो सेन्ग आम इन्जबुन्ग प्रतिज्ञा काराय नो आम महा बेटा होइना: वजा:बुन्ग आमते कुइनावाला सोउब जिनिस इन्जते तेरेम। ला: एसाव सोउन जिनिस तेरना थोम कारार काराय गोठो रो याकूब होकड़ते योहना तेरो:।

इसहाक एसाव ते आशीष तेरना लामनो ला:खो ला: रिबका ओडो याकूब इसहाकते ठकायनाथोम ढोंग कारायोकियार, इसहाक बुढ़ा होइना चोलते योना उम पालना ला:खो। होवाथोम याकूब एसाव या लुतुई सुकोन मेरोम या छेवलाते कुलुतार ओडो ति:ते लटकाय गोठो।

याकूब इसहाकया बोहते डेलकि रो गामो, “इन्ज एसाव हेकिन्ज। इन्ज उवाथोम डेलसिडिन्जनो आम इन्जते आशीष तेरेम।” ला:आ इसहाक मेरोमया उलुइते महसुस कारायो ओडो लुतुइते जिफो रो जुइयों रो सोचायनो एसाव हेके रो आशीष तेरो।

एसाव याकूब ते ईर्ष्या कारायो उवाथोम नो महा बेटाया अधिकार रो आशीष ते तेजो चोरायो। होवाथोम होकड़ा आबाडोमा गोजना लो:ढो होकड़ते तारना थोम योजना बायो।

मुदा रिबका एसावया योजना ते ओन्डोर गोठो। होवाथोम होकड़ ओडो इसहाक याकूब ते ढेर डिस्सा: गोतिया डोम कियाते डांग गोठो कियार।

याकूब जुघाय मेमोन गोतिया कियाते आवकि। होकड़ बिहा कारायो रो होकड़ा 12 बेटा मोन्ज बेटी होइकि। पोनोमोसोर होकड़ते किसड़ो बाय गोठो।

हो तय एकड़ी मेमोन जोउ कनानते आवना लो:ढो। याकूब आडिया परिवार, धांगर की, ओडो पोसकि सोउब एन्ग डेलकि मोय।

याकूब होवाथोम बोतोंगना ला:खो नो एसाव होकड़ते तार गोड़े। होवाथोम होकड़ उपहार तेरना थोम पोसकिया गो:ठोन्गते एसावया बोहते डान्गो। जे धांगर कि ठुराल पोसकिते डोडकोन चोलकि मोय रो गामो:कि आमा: धांगर याकूब ऊ ठुराल डान्गसि:। आडि झटगा डेलताज।”

ला:आ एसाव याकूबया नुकसान ओडामना उमला:ना ला:खो। याकूबते योकोन लेरे: गोडकि। उकड़ा लो:ढो याकूब कनानते शान्ति बो: आवकि। होकड़ा लो:ढो इसहाक गोजगोडकि ओडो याकूब रो एसाव होकड़ते तिलो: कियार। कारार जे प्रतिज्ञा पोनोमोसोर अब्राहम बुन्ग कारायसि:खो होकड़ याकूब याते डेल गोडकि।