11. फसह ओ त्यार

परमेश्वरे मूसा ए हारूना बि फिरौना बि खबरदार लहरी कि अगर केई इस्राएली मीहतिंङ इबि रमोन। दंङ गेह मिस्त्रो मीहतिंङ ए जानवारा तु भत्ते बे मुंडा रिंङ ज़ेहकी दोतिंङ सच़ि च़रपोग। फिरौने दि रेड्रा ला परमेश्वरो टोइच़ी विशवास माह लहरी। दंङ परमेशवरो टोइच़ी विश्वास माह लहरी दंङ परमेश्वरो हुकुम मानेक्च़िमी दोरच़ी इंकार लेह च़रति।

परमेश्वरे कुई कि “अंऊ मीहच़ी गिऊ टोईच़ी विशवास लोहतो गेह दोऊ मोह्ड़े योह बि बचाके च़रपोग। पर हर इच्चा टबरातिंङ शुध्द कुरच़ो बलि रंड्री लेहपोतो।”

परमेश्वरे इस्राएली मीहतु हखा कुई, कि केहच़ी कुरच़ो षुह्ई केनातु चुंङी पेतंङ रिंङ लगाएतेंई। थल्जी कुई। दू ए राता रिंङ कुरच़ा बि रोह्च़ी दंङ सुह्म मेह रोटी रंङ ज़ै च़रतुंई। दंङ दोऊ थल मिस्त्र देश छोड़ेक्च़िमी थल्जी ला तयार शुचि इलांई।

इस्राएली मीहच़ी भत्ते धिर ध्वांए लहरिर छना परमेश्वरे दोतिंङ हुकुम रांहषी तते। परमेश्वरे इस्राएली मीहतंङ साते कुहषी ताहरे आधा राता रिंङ गेह मिस्त्र देशो बिचंङ ज़ि शुचि योग। दंङ मिस्त्रो देशो मीहतु मोह्ड़े योह ए जानवारा तिंङ सचि च़रपोग।

इस्राएली मीहतु हर इच्चा चुंखी पेतंङ रिंङ षुहई लेहकी तोहई, झांह लेह परमेश्वरे दू चुंङ छोड़ेके च़रति। दंङ दू चुंङी मीहरे दू षुह्ई ओ वहज़ा ज़ि बचेकी इलिर।

पर मिस्त्री मीहच़ी परमेश्वरो टोइच़ी विशवास लहरिर दंङ परमेश्वरो हुकुम माह मानेक्तिर। झांह लेह परमेश्वरे मिस्त्री मीहतु चुंङ छोड़ेकी च़रति दंङ दोतु मुंडों कटु बि सचि च़रति।

परमेश्वरे मिस्त्री मीहतु हर इच्चा टबरातु बिचंङ ज़ि, फिरौन रज्ज़ा ओ योह तचेक, भत्ते मोह्ड़े योहरे सिए इलिर। झांह लेह मिस्त्र देशा महस मीहरे क्रपच़ी-क्रपच़ी दुख मानाएच़ी लेहतिर।

दोहपल दू ए रात, फिरौना ज़ि मूसा ए हारूना बि बुलाके च़रति, “केरे एंतेग ए इस्राएली तिंङ रैंज़ा मिस्त्रो देशो दोरच़ी हुंच़ा इलांई!” मिस्त्रो मीहच़ी ला इस्राएलो मीहतंङ साते कुईरे कि केरे मिस्त्र देशो दोरच़ी हुंच़ा इलांई।