13. इस्राएली मीहतंङ साते परमेश्वरो वायदा

इस्राएली मीहतिंङ षेहई समुद्र नुरेच़ी शिलज़िमी थल, परमेश्वर दोतिंङ बंणो दोरच़ी शुचि सीनै मिन्दु इच्चा गोह रिंङ रेंज़ा शिलि। दि दू ए गोह तोहई अंऊर मूसा ज़ि मेह लेहकी इच्चा छ्वाक तंङाते। इस्राएली मीहच़ी दू गोह योंनेच़ी एनोह तम्बू लगाएतिर।

परमेश्वरे मूसा ए इस्राएलो भत्ते मीहतंङ साते कुई, “अगर केहच़ी हमेशा गिऊ गप्पा रेड्रोनि दंङ गिऊ हुकुमो भाषे लोहनि ता, दंङ भत्ते मीहतु बिचंङ ज़ि केरे ए गिऊ कीमती मीह शोंई दि भत्ते धरति गिऊ शुह, दंङ केरे गिऊ कीमती ईनाम महसे कीमती ढबाह, पुरोहिता तु राज्य, दंङ इच्चा पवित्र जाति ठहरेसोंई।”

षुमु ध्याड़ा तचेक दोरे एनोह फुक ए सेहमा बि शुध्द लहज़ि लेहतिर ताकि परमेश्वर दोतु कछंङ अपि जूंस। दोहपल परमेश्वर सीनै गोह दोरच़ी योंखा अति। अपेहल दू अति ता भूंयल अति, बिजली चमकेक्ती, टुह हुंच़िरी, दंङ सुरनियो जोरे सग शुई। दू गोहो टोईच़ी ईबिमी हुकम सिर्फ मूसा बि ए तोहई दंङ मूसा दू गोह टोईच़ी अच़ा इलि।

दोहपल परमेश्वरे इस्राएली मीहतंङ साते इच्चा वायदा लहरी। दोई कुई, “गेह केहतु परमेश्वर, यहोवा शुगाह। दू गेह ए शुगाह अच़ि केतिंङ मिस्त्रो परगर दोरच़ी हुंच़ि अति। अच़िला ऊई सद्तु उपासना थालंही।”

“केहच़ी मूर्ति था बणाएक्तुंई दोतु अराधना थालंही, छना कुचे, गेह यहोवा, केहतु इच्चा ए परमेश्वर शुहगा। केहच़ी गिऊ मिन षुह्के ठ्रोह थाह लेहपतुंई। दंङ सब्तो ध्याड़ा बि पवित्र चेहतेंई। केहच़ी त्रुई ध्याड़ा रिंङ केनोह भत्ते कम लेहनि, पर निहज़ी ध्याड़ा केहतु थल्जी आरामो ध्याड़ा ए गिऊ अराधना लहज़िमी ध्याड़ा शोतो।”

“केहच़ी केनातु याह बाह तु आदर लंही। दंङ अतुआ हत्या थालंहि। अतुआ साते कुकम थालंहि। अतुआ चोरी थालंहि। केई केनोह पड़ोसी ऊ मेच़ा, दोऊ चुंङी या दोऊ अंऊला समान शिलज़िमी लालच थालोहु।”

दोहथल परमेश्वरे दि साह हुकुम रघतु झुह्ट पट्टी रिंङ चेहई मूसा ओ हखा रैं च़रति। परमेश्वरे दोतिंङ ऊई ला महस कानूनो भाषे लहज़िमी थल्जी कुई। दंङ दोतंङ साते दि वायदा लहरी कि अगर केहच़ी दि कानूनो भाषे लोहनि ता गेह कनिंङ आशीष रमोग दंङ केहतु रक्षा लोहग। पर अगर केहच़ी दि कानूनो माह लोहनि ता गेह केतिंङ सज़ा रमोग।

परमेश्वरे इस्राएली तिंङ इच्चा मोह्ड़े तंबू बणाएच़िमी थल्जी कुई अंऊ दोबि मिलापो तंबू ला कुट्री। दोई दोतिंङ कंड्रीरी कि दि तंबू छना बणाएट्री, दंङ दोऊ अंदरेग छि- छि चीज़ार केट्री जूंस। परमेश्वरे दोतिंङ झुह्ट कमरा बणाएट्रिमी ए इच्चा मोह्ड़े पर्दा बणाएच़िमी थल्जी ला कुई। परमेश्वर दू कमरा ओ थलेच़ी बंङज़तो। अंऊर परमेश्वर तोहई दू कमरा रिंङ इबिमी हुकुम सिर्फ महा मोह्ड़े पुरोहिता बि तोहई।

परमेश्वरे दू मीहतिंङ साते कुई, कि “दू मिलापो तम्बू तुहई ज़ि इच्चा वेदी बणाएतेंई।” परमेश्वरे दोतंङ दि ला कुई कि “अरिला गिऊ कानूनो खिलाप शोतो दोई दू, दू वेदी ओ टोईच़ी बलि चढ़ाएच़िमी थल्जी इच्चा कुरच़ा बि हपतो।” दोहपल पुरोहिते दोबि बलि लोहतो दू जानवरो षुह्ई ओ दोरच़ी दू मीहू पाप ऊईतार शुचि योर। झांह ठ्रोह, एंतेग गेह दू पाप बि हिद माह लह्ग। दू मीह गिऊ टिरो तुईज़ि “शुद्ध” शोतो। परमेश्वरे मूसा ओ न्वा हारूनो खानदाना बि एनोह याजक बणेक्च़िमी थल्जी अंङे च़रति।

दोहपल परमेश्वरे दू मीहतिंङ छि कानून राहंषी तते दोऊ भाषे लहज़िमी थल्जी मानेकी इलिर। दोरे सिर्फ परमेश्वरो मीहरे शुहबिमी थल्जी ए सिर्फ दोऊ आराधना लहज़िमी थल्जी मानेकी इलिर।

महस ध्याड़ा तचेक, मूसा सीने ओ गोह टोईच़ी परमेश्वरा रंङ साते गप्पा लहज़ी लेहकी लेहति। पर मीहरे मूसा ओ वापिस अपिमी थल्जी रूहम्ज़ा- रूहम्ज़ा छह्छी इलिर। दिऊ थल्जी दोरे हारूनो कछंङ ज़ंङ कुरच़ा अतिरे दंङ दोच़ि हारूनो हखा मूर्ति बणाएच़िमी थल्जी कुईरे ताकि दोरे परमेश्वरो बजाए दोऊ अराधना लेह तरपोर। झांह लेह दोच़ि परमेश्वरो खिलाप महस मोह्ड़े पाप लहरिर।

हारूने रेंज़ो ठ्रोह इच्चा ज़ङों मूर्ति बणाके च़रति। दू मीहच़ी दू मूर्तिऊ अराधना लहज़ी शुरू लहरिर दंङ दोबि बलि चढ़ाएतिर! दोतु दि पापो वहज़ा ज़ि परमेश्वर दोतंङ साते महस रोहषेक्च़ा इलि। परमेश्वरे दोतिंङ योहषे च़रच़िमी तते। पर मूसा ज़ि परमेश्वरो हखा विनती लहरी कि दि मीहतिंङ नाश थालोह। परमेश्वरे दोतु प्रार्थना रेड्रीरी दंङ दोति नाश माह लहरी।

दोऊ थल मूसा सीने गोह दोरच़ी योंखा तक्सा अति। दू, दू झुह्ट रघतु पट्टी कुरच़ा तोहई अंऊ दोऊ टोईच़ी परमेश्वरे साह हुकुम च़ेहसी ताहरे। दोहथल दोई दू मुर्ति तंङरी। दोबि धोंण रोहष अति कि दोई दू पट्टी चकनाचूर लेह च़रति। छिल्ला धिर दू मीहच़ी लहज़ातेर दू दि साह हुकुमो खिलाफ तोहई।

दंङ मूसा ज़ि दू मूर्ति ओ बुरादा बणाके च़रति, दंङ दू बुरादा तिऊ बिचंङ चवाच़े मीहतिंङ पिलाके च़रति। परमेश्वरे दोतु टोईच़ी इच्चा मुसीबत च़रति दंङ दोतु बिचंङ ज़ि महस मीहरे सिए इलिर।

अंऊ पट्टी तिंङ मूसा ज़ि थाक्शे चरच़ाते दोऊ ठाहरि लेहपच़िमी थल्जी मूसा ज़ि दू साह हुकुमो रघतु पट्टी बणाएति। दोहपल दू यहच़ा गोह टोईच़ी अच़ा इलि दंङ प्रार्थना लहरी कि परमेश्वरे दू मीहतिंङ माफ लोहतो। परमेश्वरे मूसाओ रेड्रीरी दंङ दोबि माफ लेह च़रति। खरकोई पट्टी रिंङ साह हुकुम कुरच़ा मूसा गोह दोरच़ी योंखा तक्सिरी। दोहपल परमेश्वरे सीने गोह दोरच़ी वायदा ओ देशा रिंङ तचेक इस्राएली तु अगुवाई लहरी।