25. शैताने यीशु परीक्षा लहज़ा

यीशु बपतिस्मा शुहबिमी ध्वांए थल, पवित्र आत्मा दोबि बंणा रिंङ रेंज़ा शिलि। यीशु दोरतिंङ निहज़ा ध्याड़ा ए निहज़ा रात बंङज़िरी। दू मुक्का दोई व्रत लहसी ताहरे, दंङ शैताने यीशु कछंङ अंज़े कुई पाप लहज़िमी थल्जी दोऊ परीक्षा लहरी।

तुहई, शैताने यीशु हखा कुई, “अगर कांह परमेश्वरो योह शुनाह दंङ केई दि रह्घ तिंङ रोटी बणाएच़िमी थल्जी कुह ताकि केई ज़ेई तरपोन!”

पर यीशु ज़ि शैतानो हखा कुई, “परमेश्वरो बचना रिंङ दि च़ेहसी तोह, ‘श्रींङी बंङज़िमी थल्जी मीहबी रोटी ऊ ए ज़रूरत माह, पर दोतिंङ हर इच्चा गप्पो श़रूरत तोह अंऊ परमेश्वरे दोतंङ साते कुट्रा।”

दोहपल शैतान यीशु बि मंदिरो भत्ते बे मोह्ड़े ठाहरि रेंज़ा शिलि। दोई दोऊ हखा कुई, “अगर का परमेश्वरो योह शुनाह ता देरच़ी योंखा छ्वाह रैं च़रतु, छना कुचे चेहसी तोह, ‘परमेश्वर कनिंङ उठाएच़िमी थल्जी स्वर्गदूता तिंङ हुकुम रमतो कि कनु कोंज़ा रिंङ रह्घ तु कुचे ला ठेस लेहपि माह जूंस।”

पर यीशु ज़ि दू माह लहरी अंऊ शैताने दोऊ हखा लहज़िमी थल्जी कुई। दोऊ बजाए, दोई कुई, “परमेश्वरे हर इच्चा रंङ साते कुट्रा, ‘केई केनोह प्रभु परमेश्वरो परिक्षा थालोह।”

दोहथल शैताने दोबि संसारो भत्ते राज कंड्रिरी। दोई दोबि कंड्रिरी कि दू अंयो शाक्तिशाली तोईरे, दंङ दोरे अंयो साहुकार तोईरे। दोई यीशु हखा कुई, “गेह कनिंङ दि भत्ते रमोग अगर केई पुष्टु भारे बंङज़ा गिऊ उपासना लोहन ता।”

यीशु ज़ि जबाब रांई, “हे शैतान, गिऊ कछंङ ज़ि अच़ा इला! परमेश्वरो बचना रिंङ दोई मीहतिंङ हुकुम रंड्रा, ‘सिर्फ केनोह प्रभु परमेश्वरो आराधना लोह। परमेश्वरो रूपा रिंङ सिर्फ दोऊ ए आदर लोहवा लंहि।”

यीशु ज़ि शैतानो परिक्षा ओ दोऱची हार माह मानेक्ति, झांह लेह शैतान दोऊ कछंङ ज़ि अच़ा इलि। दोहपल स्वर्गदूत अंज़े यीशु सेवा टहल लहज़ि लेहतिर।