43. कलीसिया ओ शुरू शुहबी

यीशु स्वर्गो वापिस इबिमी थल, चेले यरूशलेमा रिंङ ए रूहम्ज़ा इलिर छना कि यीशु ज़ि लहज़िमी हुकुम रांहषी तते। दोरकी विशवासी मीहरे लगातार इच्चा साते प्रार्थना लहज़िमी थल्जी ठ्रोहका शुहवा लहज़ातेर।

हर साल, फसह ओ तयारो मुक्का निहज़ो साह ध्याड़ो थल, यहूदी मीहच़ी पिन्तेकुस्त मिन्दंङ इच्चा खास ध्याड़ा मानाएच़ातेर। पिन्तेकुस्त दू ध्याड़ा तोहई अपेहल यहूदी मीहरे छ्वाह व्लाज़िमी तयार ला मानाएच़ातेर। भत्ते संसारंङ यहूदी मीहच़ी पिन्तेकुस्तो ध्याड़ा इच्चा साते मानाएक्च़िमी थल्जी यरूशलेमा रिंङ अच़ा अतिर। दि साल, पिन्तेकुस्त मानाएक्च़िमी मुक्का यीशु स्वर्गो हखा इबिमी लगभग इच्चा हप्तो थल अति।

अंऊ मुक्का भत्ते विशवासी मीहरे इच्चा साते ठ्रोहका शुईरे, दंङ अंऊर तोईरे दोर्तिंङ अचानाक ए महस तेज़ लनं ए सग रैं पिंङषा इलि। दोहपल मेहू ठ्रोह छा भत्ते विशवासी तु पुंज़ो टोईच़ी प्रकट शुई। दोरे भत्तेर पवित्र आत्मा रंङ साते पिंङषा इलिर दंङ दोच़ि ऊई भाषा रिंङ परमेश्वरो स्तुति लहज़ि लेहतिर। दि दू भाषा तोहई अपि कुट्रिमी थल्जी दोच़ि पवित्र आत्मा ज़ि अगुवाई लहरी।

अपेहल यरूशलेमा रिंङ बंङज़ा मीहच़ी दू सग रेड्रिर, दंङ दोच़ि भीड़ो रूपा रिंङ दि खंड्रीमी थल्जी इच्चा साते अतिर कि छि शुहबी लेहकी तोह। दोच़ि विशवासी तिंङ परमेश्वरो दोरच़ी लहसी मोह्ड़े- मोह्ड़े कमो घोषणा लहज़ि रेड्रिर। दोरे हैरान तोईरे छना कि दू कमा तिंङ एनोह ए भाषा रिंङ रेड्रातेर।

दि बिचंङ ज़ि रे मीहच़ी कुईरे कि चेलार क्वाशी तोतोर। पर पतरस खड़े शुई दंङ दोतु हखा कुई, “गिऊ गप्पा रेड्रुंई! दिरे मीहरे क्वाशी माह तोहर! दिऊ बजाए, अंऊ केहच़ी खंड्रातंई दू, दू ए शुह अंऊ योएल भविष्यवक्ता ज़ि कुहषी ताहरे कि शोतो: परमेश्वरे कुहषी ताहरे, ‘अंतो ध्याड़ा रिंङ, गेह घैङों आत्मा रमोग।’”

“हे इस्राएली गंङमीरे, यीशु इच्चा मीह तोहई अच़ि दि कंड्रीमी थल्जी कि दू अरि तोहई महस हेरानी ओ कम लहरी। दोई परमेश्वरो सामर्थ दोरच़ी महसे अद्धभुतो कम लहरी। केहच़ी दि कमार खंदेंई। पर केहच़ी दोबि क्रुसो टोईच़ी चढ़ाके केईनि।”

“यीशु सिए इलज़ि तोहई पर परमेश्वरे दोबि सिए दोतु बिचंङ ज़ि श्रीङंमी लहरी। दि दू गप्पा पूरा लेह च़रति अपि इच्चा भविष्यवक्ता ज़ि चेहसी ताहरे: ‘केई केनोह पवित्र मीहबी कब्रा रिंङ सुह्पी माहरमोन।’ ञेंरे गवाह तोतोंई कि परमेश्वरे यीशु बि यहच़ा श्रीङंमी लेह च़रति।”

“परमेश्वरे बाह ज़ि अपेहल यीशु बि सुचंङ हासी बंङज़ा दोबि आदर रांई। दंङ यीशु ज़ि हेंदु थल्जी पवित्र आत्मा च़रति छना कि दोई वायदा लहसी ताहरे कि दोई च़रपोतो। पवित्र आत्मा ज़ि ए दू कमार शुहबी रंड्रा अंऊ दोबि केहच़ी रंड्रातंई ए खंड्रातंई।”

“केहच़ी दू मीहबी, यीशु बि क्रूसो टोईच़ी चढ़ाएकी च़रति। पर पक्का रूपा रिंङ ञेंई च़रतेंई कि परमेश्वरे यीशु बि भत्ते चीज़रिंङ प्रभु ए मसीह ठहरासी ततो।”

पतरसो रेड्रा मीहतिंङ दोऊ दोरच़ी लही कमो दोरची महस हैरान शुचि इलज़ि तोईरे। झांह लेह दोच़ि पतरस ए चेला तंङ साते रूहक्ति, “हे न्वारे, ञेंतिंङ छि लेह जूंशी तोह?”

पतरसे दोतिंङ जबाब रंदे, “केहतु बिचंङ ज़ि हर इच्चा एनोह पापो पश्चाताप लोहतो ताकि परमेश्वरे केहतु पापो माफ लोहतो, दंङ यीशु मसीह मिन्दु बपतिस्मा लेहपतुंई। दोहपल दोई केतिंङ वरदान ओ रूपारिंङ पवित्र आत्मा रमतो।”

पतरसे छिल्ला कुहषी ताहरे दोऊ टोईच़ी लगभग षुमु हज़ार मीहच़ी विशवास लहरिर दंङ यीशु चेलार बणेंके इलिर। दोच़ि बपतिस्मा लेहपतिर दंङ यरूशलेमो कलीसिया ओ हिस्सा बणेंके इलि।

अपेहल प्रेरिता ज़ि दोतिंङ शिक्षा रांई दंङ विशवासी ज़ि लगातार रेड्रिर। दोरे हमेशा दोआतेर दंङ इच्चा साते बगत ज़ोआतेर, दंङ दोच़ि हमेशा ईदि-अईदि ओ थल्‍जी प्रार्थना लहरिर। दोच़ि ठ्रोहका शुचि परमेश्वरो स्तुति लहरिर दंङ छिल्ला धिर दोतु कछंङ तोहई ईदि-अईदि रंङ साते फाए च़रतिर। नगरो हर इच्चा मीह दोतु थल्जी रूठे विचार तहज़ाते। हर ध्याड़ा, महस बे महस मीहरे विश्वासी बणेक्पि लेहकी तोईरे।