32. ३२. येसुये भुतआत्मा लग्डीस्च भर्मी र रोगी मास्टोकी गेपाका
कायाक, येसु र होस्कुङ चेलाको डुङ्गाङ काल्हार समुन्डरौ पारीपटीक गदरीनी भर्मीको लेच क्षेत्राङ नुङा।
जब होखुरीक तालौ पार्च छेवाङ टाहा, काट जना भूतात्मा लग्डीस्च भर्मी येसु लेठाङ खेर्चै राहा।
इसे भर्मी इडीक बलियो लेया, कि सुयेर होसकी सम्हालिकी माह्योक्न्या। भर्मीकै होच्यो मिहुट मिकुट्याको साङ्गलोये छ्याक्नन्या, टर होचे होसे साङ्लिको भाराक्नन्या।
होसे भर्मी होसे इलाकुङ चीहानको लेच ठाँउपटिक ङुमन्या। होसे भर्मी नाबिक नाम्सिन च्याक्ङन्या। होचे बडिन न माबिल्न्हन्या र लहाकी न बारम्बार ल्हुङै हिर्कडीमन्या।
होसे भर्मी येसुलेठाङ राहार, होसकुङ अघि घोप्टो पर्या। येसुये होसे भुतात्माकी डेया, “इसे भर्मी लकीङ बाहिर रान्हा।”
भुतात्मा लक्डीस्च भर्मी चर्को स्वरै च्याका, “नाको ङालकीङ ही चहडीस्ले, येसु, परमपरभु परमेसोरौ मीजा? साच्ची न ङाकी मासतडीनि।
होसे भुतात्माकै येशुकि बिन्ती जाटा, “कानकी इसे इलाका लकीङ बाहिर माछ्युक्नी।”
होसे भुतको होसे भर्मीलकीङ बाहिर राहा र वाकको भीट्री पर्या। होसे वाकको घुरुरु छान्चै भिरलकीङ समुन्ड्राङ झालार र ठाहा। होसे बठानाङ लकभक २,००० वाकको लेया।
जब होसे वाकको ङोस्च भर्मीकै होसे घटना डाङा, होखुरीक लाङ्घालाक भोग्डीसा अनी पट्टकी येसुये जाट्च काम डेम याहा। भर्मीको होस लाङ्घालकीङ ख्योहार राहा र भुतात्माको लेच होसे भर्मीकी डाङा। होखुरीक शान्तिखाटा ङुमङुम्या, बढिन र बिल्न्हन्या, र साधरन भर्मी लेखा न बानी टान्हाक्ङ ङुम्या।
भर्मीको साफि बिर्हिमन्या होटबाटै होखुरीकै येसुकी होटै नुङ्नी डेम बिन्ति जाटा। होटबाटै येसु डुङ्गाङ ङुवा र ह्वाकी तयार छाना। भुतात्मा लक्डीस्च होसे भर्मीये र येसुखाटा न नुङ्ले डेयार बिन्ति जाटा।
तर येसुये होसे भर्मीकी डेया, “होइन, नाको लहो इमाङ ल्हेसार नुङ्नी अनी लहो भर्मीकोलाक र लहो परिवारकी परमेसोरै नाकुङ लागी जाट्न याछ पट्ट न कामको र कुजाट्न होसकै नाको मीटाक डया जाटा होसे होखुरीककी डेम यान्ही डेयार ङा मीमन जाट्ले।”
होटबाटै होसे भर्मी होटै ह्वा र पट्टकी येसुये होच्यो लागी जाट्न याछ कामौ बखान जाटा। होच्यो कुरा सेछ पट्टको अचच्म छाना र छक्क पर्या।
येसु समुन्डरौ पारी पटीक ल्हेसा। होसको होसे ठाँवाङ राछपछि, काट बाड्को भिड होसकुङ वरीपरी जम्मा छाना अनी होसकोकी घेरीयार ढुस्की ठाला। होसे भिडाङ काट जना मास्टो लेया र होचे बाह्रवर्षसम्म हीउ नुङ्च पीडा भोग्डीम ङुमन्या। होचे लहो पट्ट न पैसा गेप्की डेम बैद्यकोलाक याम्हभ्यामन्या तर होसे झन् साह्र छान्चै नुङा।
येसुये वास्टै रोगी भर्मीकोलाक गेपाक्ङन्या डेच कुरा होचे सेमन्या। होचे आर्मीटा, “ङाकी बीस्वास ले कि इडीक ङै येसुओ वस्त्र मात्र छुकी डुपा डेनाङ र ङा गेप्ले।
तुरुन्तै, येसुये लहो शक्ति ख्योहार नुङ्च थाहा डुपा। होटबाटै होसको पछाडी ल्हेसा र गीना, “ङाकी सुये छुवा?” चेलाकै डेया, “नाकुङ वरीपरी भर्मीकुङ भिड ले, कोये ढुस्नने र ठेलमठेल जाट्नङुमने र पनि ङाकी सुये छुवा डेम हीजै गीन्च?”
होसे मास्टो येसुये अगाडी बुरुक्चै र साफि बिर्हिचै घोप्टो पर्या। अनी होस्कै ही जाट्च होसे होसे होसकोकी डेया र मेल्हा गेप्च कुरा डेया। येसुये होसकी डेया, “नाकुङ बिस्वासै नाको गेप्मने। शान्तिखाटा नुङ्ना।”
बाइबलुङ कथा: मत्ती ८:२८-३४; ९:२०-२२; मर्कूस ५:१-२०; ५:२४(ख)-३४; लूका ८:२६-३९; ८:४२(ख)-४८ लकीङ
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।