44. पतरस होर यूहन्ना एक भिखारी जो ठीक करहा ऐ

एक ध्याड़े, पतरस होर यूहन्ना मन्दरा मन्झ गए। एक अपंग म्हाणुँ भीख मांगणे रे कठे दुराजे वाले बैठिरा था।

पतरसे तेस लंगड़े म्हाणुँ वखा जो देख्या होर बोल्या, "मेरे वाले तुजो देणे रे कठे पैसा ता नी आ। पर जो मेरे वाले आ से हांऊँ तुजो देहां। यीसू रे नांऊँआं ले, उठ होर चल्दा-फिरदा लग!"

एकदम ई, परमेसरे से लंगड़ा म्हाणुँ ठीक करी दितेया। तिने ओरे परे चलणा होर उटकणा, होर परमेसरा री बड़ाई करणा सुर्हू करी दिती। मन्दरा रे आंघणा मन्झ मौजूद सभ लोक हैरान थे।

जल्दी ई लोका री एक भीड़ तेस ठीक हुई चुकिरे म्हाणुँ जो देखणे रे कठे आई। पतरसे तिन्हा किन्हें बोल्या, "ये म्हाणुँ ठीक आ, पर एस गल्ला पर हैरान मत हूंणां। कि आस्से ये आपणी सक्ति या खराई किन्हें ठीक कितेया। बल्कि, एस जो ठीक करणे वाला से यीसू आ जिने एस म्हाणुँ जो आपणी सक्ति किन्हें ठीक कितेया, क्यूंकि आस्से यीसू पर भरोसा करहा ऐ।"

से तुस्से ई ऐ जिन्हें तेस रोमी राज्यपाला जो यीसू जो मारणे रे कठे बोल्या था। तुस्से से मारी दितेया जो सभी जो जिन्दगी देहां। पर परमेसरे से मरणे ले बाद जिऊन्दा कितेया। तुस्से नी समझ्या कि तुस्से क्या करेया करहा ऐ थे, पर जेबे तुस्से स्यों काम करेया करहा ऐ थे, ता नबिया री बोलिरी गल्ला पूरी हुई। तिन्हें बोल्या था कि मसीह दुःख सेहणा होर मरी जाणा। परमेसरे ये एस तरीके ले हूंणें दितेया। इधी कठे ऐबे, पस्चाताप करा होर परमेसरा वखा जो वाप्स आऊआ, ताकि से तुस्सा रे पाप धोई किन्हें साफ करी दे।

जेबे मन्दरा रे अगुवे पतरस होर यूहन्ना री गल्ला सुणी, ता स्यों बौह्त डरी गए। इधी कठे तिन्हें स्यों गिरफ्तार करी किन्हें जेल्हा मन्झ पाई दिते। पर जो पतरसे बोल्या था तेता पर बौह्त सारे लोके विस्वास कितेया। यीसू पर विस्वास करणे वाले री गिणती बढ़ी किन्हें लगभग 5,000 हुई गई।

अगले ध्याड़े, स्यों यहूदी अगुवे पतरस होर यूहन्ने जो महायाजक होर दूजे धार्मिक अगुवे रे साम्हणे लई किन्हें आए। स्यों तेस म्हाणुँ जो भी लई किन्हें आए जो अपंग था। तिन्हें पतरस होर यूहन्ने ले पूछेया, "केस हका ले तुस्से से अपंग म्हाणुँ ठीक कितेया?"

पतरसे जवाब दितेया, "ये म्हाणुँ जो तुस्सा रे साम्हणे खड़िरा ये यीसू मसीह री सक्ति रे ज्रीए ठीक हुएआ। तुस्से यीसू क्रूसा पर चढ़ाई दितेया था, पर परमेसरे से दबारा जिऊन्दा करी दितेया! तुस्से से नकारी दितेया, पर यीसू री सक्ति रे अलावा उद्धार पाणे रा कोई दूजा पैंडा नी आ!"

स्यों अगुवे हैरान थे कि पतरस होर यूहन्ने बौह्त हिम्मता किन्हें गल्ला कीती थी। तिन्हें देख्या कि ये ता आम लोक होर अनपढ़ गवार थे। पर फेरी तिन्हा जो याद आया कि यूँ आदमी ता यीसू साऊगी रही चुकिरे थे। इधी कठे तिन्हें तिन्हा किन्हें बोल्या, "आस्सा तुस्सा जो बौह्त ज्यादा सजा देणी अगर तुस्से एस म्हाणुँ यीसू रे बारे मन्झ लोका जो कोई होर संदेस देंघे ता।" एह्ड़ी बौह्त सारी गल्ला बोलणे ले बाद, तिन्हें पतरस होर यूहन्ना जो जाणे दितेया।