25. सैतान येशू परीक्षा कोअहे.

येशू बाप्तिस्मा लेयने ताबाडूज पासे, पवित्र आत्मा त्याल जंगलामाय लेय गोया. येशू ता च्याळीस दिही आने च्याळीस रात आतो. त्या समये त्याय उपवास कोअया, आने सैतानाय येशूही येयने पाप कोराहाटी त्या परीक्षा कोयी.

पोयला, सैतानाय येशूल आख्या, ‘’जोर तू पोरमेहेरा पोहो हेय ते या दगडाहाल बाखे बोनाडी दे काहाका तू खाय सोकहे!’’

पेन येशू सैतानाल आख्या, “पोरमेहेरा वचनामाय ई लेखला हेय, ‘जीवता राआहाटी माअहाल फक्त बाखे गरज नाय हेय, पेन त्याहाल हर योक ती गोठी गरज हेय जी पोरमेहेर त्याहाल आखहे!’’’

तोवे सैतान येशूल मंदिरा बादहाने उची सेंडी वोय लेय गोयो. त्याय त्याल आख्या, जोर तू पोरमेहेरा पोहो हेय ते ईहीने निचे कुदी जो, काहाका लेखला हेय, “देव तुल उसलाहाटी त्या होरगा दुतहाल आज्ञा दि का तो पागहाल दगडाके ठेच नाय लागे.’’

पेन येशूय ती नाय कोया जी सैतानाय त्याल कोराहाटी आखला. त्याकोअता, त्याय आख्या, “पोरमेहेरा बादहालूज आखहे, ‘तू प्रभू तो पोरमेहेरा परीक्षा मा कोअहे.’’’

पासे सैतानाय त्याल दुनिया बादे राज्ये देखाड्ये. त्याय त्याल देखाड्या का त्ये कोले शक्तीवाळे आने त्ये कोले हारे हेय. त्याय येशूल आख्या, “ आंय तुल ई बादाज दीही जोर तू गुडगा टेकीन मा सेवा कोअ.’’

येशूय उत्तर देना, ‘’ओ सैतान मा पाहीने निंगी जो! पोरमेहेरा वचनामाय तो माअहाल हुकूम कोहे, फक्त तो प्रभू पोरमेहेराज सेवा को. पोरमेहेरा रुपामाय फक्त त्याज मान थोव.’’’

येशूय सैताना परीक्षाहीने हार नाय मानी, याहाटी सैतान त्या पाहीने निंगी गोयो. तोवे होरगा दूत येयने येशू सेवा चाकरी कोरा लाग्या.