14. मंगरा मे भटकणों

परमेश्वरे इस्राएलियां ने वणां नियमां ने वताणों समाप्त किदो जणांरो वणांने बाँध्यी ग्यी, वणीं वाचा रे कारण पालन करणों है। और पसे वणीं सीनै पर्वत हुं आगे वणांरी अगुवाई किदी। और वो वणांने वायदा रा देश मे लेई जाणों चावतो हो। और यो देश कनान भी केवातो हो। और परमेश्वर वादलां रा खम्बा मे वणांरे आगे-आगे चाल्यो, और वा वणांरे पाछे-पाछे चालिया।

परमेश्वरे अब्राहम, इसहाक और याकूब हूं वायदो किदो हो, के वो वायदा रो वो देश वणांरे वंशजाँ ने देगा, पण अणां समय वटे बोत सी बिजी जातियां भी रेती ही। और वा लोग कनानी केवाता हा। और या कनानी लोग परमेश्वर री आराधना नी करता हा और वणांरी आज्ञा ने भी नी मानता हा। पण वा झूठा देवी-देवताओं री उपासना करता हा और बोत सा गलत काम करता हा।

परमेश्वरे इस्राएलियां हुं केयूं के,"जेरां थां वणां वायदा रा देश मे जाओगा, तो वटे रा सब कनानियां हुं छुटकारो पाई लेजो। और वणां हातीं कोई भी हमझौतो मत करजो और वणांहूं कोई भी रिस्तो मत वणाजो और वणां हूं थां विवाह भी मत करजो। और थांने वणांरी सब मुर्तियां ने पुरी तरह हुं नष्ट करी देणी हीं। और यदि थां मारी आज्ञा ने नी मानोगा, तो थां मारे बजाए वणांरे देवी-देवताओं री उपासना करवे लागोगा।"

जेरां इस्राएली कनान देश री सीमा मे पोंच्या, तो मूसे इस्राएल रा प्रत्येक गोत्र मे हुं एक-एक करिन बारह आदमियाँ ने चुन्यां। और वणीं वणांने जाईन वणां देश रा भेद लेवा रो निर्देशदिदो। ताकि वा देखीं के वो देश कसोक है। और वणांने वणां कनानियां रो भेद भी लेणो हो, ताकि देखीं के वा कतराक ताकतवर हा या पसे कमजोर हा।

वणां बारह आदमियाँ पुरा कनान हुं वेतां हका चालिस दन री यात्रा किदी और पसे वा पासा आवी ग्या। और आविन वणां लोगां ने वतायो के,"वो देश बोत ही उपजाऊ है और वटे री फसल भी बोत ही जोरदार री है!" पण दस भेदियां केयूं के, "वणांरा नगर बोत ही मजबूत हीं और वटे रा लोग भी बोत ही लम्बा-चौड़ा हीं! और यदि आपां वणांपे हमलो करांगा, तो वास्तव मे वा आपांने हरावी देगा, और आपांने मारी नाखेगा।"

जणीस वलां तुरन्त कालेब और यहोशू और बिजा दो जणां और केयूं के, "यो सई है के कनान रा लोग बोत ही लम्बा-चौड़ा हीं और बोत ही ताकतवर ही, पण निश्चित रूप हूं आपां वणांने पराजित करी सकां हा! क्योंकि परमेश्वर आपणे लिए लडेगा।"

पण वणां लोगां कालेब और यहोशू री वातने नी हुण्यीं। लेकिन वा मूसा और हारून पे क्रोधित वेई ग्या और केयूं के, "थां मां लोगां ने अणां भयानक स्थान पे क्यूं लेईन आया हो? आपांने मिस्र मेईस रेणों चावतो हो। और यदि आपां वणां देश मे जावां हां, तो आपां युद्ध मे मारया जाँगा, और कनान रा लोग आपणें लाड़ियां ने और आपणें बाल-बच्चां ने दास वणावी लेगा।" और पसे वा लोग पासा मिस्र मे लेईन जावा रे लिए एक बिजा अगुवा ने नियुक्त करणां चावता हा।

जेरां वणां लोगां असूं केयूं, तो परमेश्वर वणांपे बोत ही क्रोधित वेई ग्यो हो। और पसे वो मिलाप वालां तम्बू मे आयो और केयूं के, "थां मारे विरुद्ध बलवो किदो है, अणीं वाते थां सबने मंगरां मेस भटकणों पड़ेगा। और हर एक व्यक्ति ज्यो बीस साल हुं ज्यादा री उमर रो है, वो अणांस मंगरां मे मरी जाएगा और केरां भी वणां देश मे प्रवेश नी करी सकेगा ज्यो मुं थांने देवा वालों हूं। लेकिन केवल कालेब और यहोशूस वणां देश मे प्रवेश करेगा।"

जेरां लोगां परमेश्वर ने असो केतां हका हुंण्यो, तो वा बोत ही दुखी वेया क्योंकि वणां पाप किदो हो। अणीं वाते वणां कनान रे लोगां पे हमलो करवा रो निर्णय किदो। पण मूसे वणांने नी जावा रे लिए चेतावनी दिदी, क्योंकि परमेश्वर वणां हातीं नी जावा वालों हो, पण वणां मूसा री वात ने नी हुण्यी।

परमेश्वर अणां युद्ध मे वणांरे हातीं नी ग्यो हो, अणीं वाते कनानियां वणांने पराजित करी दिदा और वणांमे हुं बोत सा लोगां ने मारी नाख्या। और पसे इस्राएली लोग कनान हुं पासा मुड़ी ग्या। और अगलां चालीस सालां तक, वा अटी हुं वटी मंगरां मेईस भटकेगा।

इस्राएली लोगां रे द्वारा मंगरां मे भटकवा रा चालीस सालां रे समय, परमेश्वरे वणांरी जरुरतां ने पुरी किदी। और वणीं वणांने स्वर्ग हुं "मन्ना" री रोटियाँ दिदी। और वणीं बटेरां रा झुण्ड़ां ने भी वणांरी छावनी मे भेज्या, ताकि वणां कोडे खावा रे लिए माँस भी वे। और वणां पुरा समय, परमेश्वरे वणांरे कपड़ां और जूतां ने फाटवे नी दिदा।

अटे तक के परमेश्वरे वणांरे पीवा रे लिए चमत्कारी रूप हुं चट्टान मे हूं पाणी निकाल्यो। पण अणां सब रे बाद भी, इस्राएली लोगां परमेश्वर रे विरुद्ध और मूसा रे विरुद्ध शिकायत किदी और वणांरे विरुद्ध कुड़कुड़ाया। तौभी परमेश्वर विश्वासयोग्य हो। और वणीं ज्यो वायदो किदो हो के अब्राहम, इसहाक, और याकूब रे वंशजाँ रे लिए करेगा वणीं वो किदो।

एक समय जेरां वणां लोगां कोडे पाणी नी हो, तो परमेश्वरे मूसा हुं केयूं के, "चट्टान हूं वात कर, और वणांमे हुं पाणी निकलेगा।" पण मूसे चट्टान हूं वात नी किदी। बजाए अणांरे, वणीं लाकड़ी हुं चट्टान पे दो बार मारयो। और अणीं रीति हुं वणीं परमेश्वर रो निरादर किदो। और पसे सबरे लिए चट्टान मे हुं पाणी तो निकलीं आयो, पण परमेश्वर मूसा हुं क्रोधित वेई ग्यो। और पसे वणीं केयूं के, "थें असो किदो है,अणीं वाते थूं वायदा रा देश मे प्रवेश नी करी सकेगा।"

जेरां इस्राएली लोग चालीस साल तक मंगरां मे भटकी चुक्या हा, जेरां जणां परमेश्वर रे विरुद्ध बलवो किदो हो वा सब मरी ग्या हा। और पसे परमेश्वरे वणां लोगां ने फेर हुं वणां वायदा रा देश री सीमा तक लेईन ग्यो। और मूसो बोत ही बुढ़ो वेई ग्यो हो, अणीं वाते परमेश्वरे लोगां री अगुवाई करवा मे वणांरी मदद करवा रे लिए यहोशू ने चुन्यो। और परमेश्वरे मूसा हुं यो वायदो भी किदो हो, के एक दन वो वणां लोगां कोडे मूसा रे हरिको एक परमेश्वर री ओर हुं बोलवा वालां ने भेजेगा।

पसे परमेश्वरे मूसा ने एक पर्वत री चोटी पे जावा रे लिए केयूं, ताकि वो वायदा रा देश ने देखी सके। और मूसे वणां वायदा रा देश ने देख्यो पण परमेश्वरे वणांने वणां मे प्रवेश करवा री अनुमति नी दिदी। और पसे मूसो मरी ग्यो, और इस्राएलियां तीस दनां तक शोक मनायो। और पसे यहोशू वणांरो नवो अगुवो वणीं ग्यो। और यहोशू भी एक बढ़िया अगुवो हो, क्योंकि वणीं परमेश्वर पे पुरो भरोसो किदो हो और वणांरी वातां ने मान्यी।