18. वटाणों हको राज्य

दाऊद राजाए चालीस सालां तक इस्राएल पे शासन किदो। पसे वो मरी ग्यो, और वणांरे बेटे सुलेमानी इस्राएल पे शासन करणों आरम्भ किदो। और परमेश्वरे सुलेमान हुं वात किदी और वणांहुं पुछयूं के, वो सब हू ज्यादा कई चावे है के परमेश्वर वणांरे लिए करे। पसे सुलेमानी परमेश्वर हूं माँग्यो के, वो वणांए बोत ही बुद्धिमान वणांवी दिए। और अणीं वातीं परमेश्वर ने खुश कर दिदो, अणीं वाते परमेश्वरे सुलेमान ने अणां संसार रो सब हुं बुद्धिमान पुरुष वणांवी दिदो। और सुलेमानी बोत सी वातां ने हिक्यी और वो एक बुद्धिमान शासक हो। और परमेश्वरे वणांने बोत ही धनवान भी वणांवी दिदो हो।

यरूशलेम मे सुलेमानी वणां मंदिर ने वणांयो जणांरे लिए वणांरे पिता दाऊदे योजना वणांई ही। और सब सामग्रियां इकट्ठी किदी ही। और अबार लोग मिलाप वालां तम्बू रे बजाए वणां मंदिर मे परमेश्वर री आराधना करता हा और वणांरे लिए बलि चढ़ावता हा। और परमेश्वर आविन वणां मंदिर मे उपस्थित रतो हो, और वटे वो आपणें लोगां रे हातीं वास करतो हो।

पण सुलेमानी बिजां देशां री स्त्रियाँ हूं प्रेम किदो। और वणीं बोत सी, लगभग 1,000 स्त्रियां हूं विवाह करिन परमेश्वर री आज्ञा ने तोड्यी ही! और अणीं मे हुं बोत सी स्त्रियाँ पराया देशां हुं आयी और आपणें हातीं देवी-देवताओं ने भी लायी और वणांरी उपासना करणों जारी राख्यो। और जेरां सुलेमान बोत ही बुढ़ो वेई ग्यो हो, तो वणीं भी वणांरे देवताओं री उपासना किदी।

अणीं वजे हुं परमेश्वर सुलैमान हुं क्रोधित हो। अणीं वाते वणीं केयूं के वो इस्राएल देश ने दो राज्यां मे वांटवा रे द्वारा वणांने दंड देगा। पण वो सुलेमान रे मरवा रे बाद असो करेगा।

सुलैमान रे मरवा रे बाद, रहोबाम राजा बण्यो। और इस्राएल देश रा सब लोग वणांए आपणां राजा रे रूप मे स्वीकार करवा रे लिए एक हातीं इकट्ठा वेया। और वणां रहोबाम हुं शिकायत किदी, के सुलैमानी वणांहूं बोत ही कठिन परिश्रम करायो हो और बोत सो कर भी वसुलतो हो। और वणां रहोबाम हुं अनुरोध किदो के वणांहुं कम काम करायो जाए।

पण रहोबामे वणांने बड़ी मूर्खता हुं जवाब दिदो के, "थां कियो हो के मांरे पिता सुलैमान थां लोगां हुं बोत ही कठिन परिश्रम करायो। पण मुं थां हुं वणांहुं भी ज्यादा कठिन परिश्रम कराउँगा, और मुं थां लोगां ने वणांहुं भी ज्यादा परेशान करुंगा।"

जेरां लोगां वणांने असो केतां हकां हुण्यो, तो वणांमे हुं बोत सा लोगां वणांरे विरुद्ध बलवो किदो। और दस गोत्रां वणांए छोड दिदो और अबार वणां हातीं केवल दो गोत्रुस वच्या। और अणां दो गोत्रां खुद ने यहूदा रो राज्य केयो।

बाकी रा दस गोत्रां यारोबाम नाम रा एक पुरुष ने आपणों राजा वणांवी लिदो। और या गोत्र देश रे उत्तर-पूर्वी भाग मे हा। और वणां खुद ने इस्राएल रो राज्य केयो।

पण यारोबामे परमेश्वर रे विरुद्ध बलवो किदो और लोगां हुं पाप करायो। और वणीं आपणें लोगां रे द्वारा उपासना करवा रे लिए दो मूर्तियां ने वणांयी। और वा अबार यहूदा रा राज्य यरूशलेम मे परमेश्वर रा मंदिर मे वणांरी आराधना करवा रे लिए नी ग्या।

यहूदा और इस्राएल रा राज्य दोई एक दूजा रा शत्रु वणीं ग्या और हर समय एक दूजा रे विरुद्ध लड़वे लागा।

इस्राएल रा नवा राज्य मे, सब रा सब राजा दुष्टुस हा। और अणांमे हुं बोत सा राजा वणांरी जगा पे राजा वणवा री इच्छा राखवा वालां बिजां इस्राएलियां रे द्वारा मारया ग्या हा।

इस्राएल राज्य रा सब राजां और अधिकतर लोगां मूर्तियां री उपासना किदी। और जेरां वणां असो किदो, तो वा अक्सर वेश्याओं रे हातीं हुता और अटे तक के बोत बार वणीं मूर्तियां रे आगे बच्चां ने भी बलि किदा।

यहूदा राज्य रा राजा, दाऊद रे वंश रा हा। और अणां राजाओं मे हुं बोत सा भला व्यक्ति भी हा जणां न्यायपूर्वक शासन किदो और परमेश्वर री आराधना किदी। पण यहूदा रा अधिकतर राजा दुष्ट हा। और वणां दुष्टता हुं शासन किदो, और वणीं मूर्तियां री उपासना किदी। और अटे तक के वणांमे हुं बोत सा राजां झूठा देवताओं रे आगे आपणें बच्चां ने भी बलि कर दिदा। और यहूदा रा अधिकतर लोगां भी परमेश्वर रे विरुद्ध बलवो किदो और बिजां देवताओं री उपासना किदी।