5. वायदा रो बेटो

अब्राम और सारै रे कनान पोंचवा रा दस साल रे बाद, अबार तक भी वणांरी कोई संतान नी ही। अणी वाते, अब्राम रे घेरवालीं सारै वणाहुं केयूं के, "चूँकि परमेश्वरे अबार तक मई संतान पैदा करवा मे सक्षम नी किदी है और अबार मुं संतान पैदा करवा रे लिए बोत ही बूढ़ी हूँ, देख, मारी दासी हाजिरा अटे है। थूं वणीहूं भी विवाह करी ले ताकि वे मारे लिए एक संतान पैदा कर सके।"

अणी वाते अब्रामे हाजिरा हुं विवाह करी लिदो। पसे हाजिरा हुं एक बेटो जनम्यो, और अब्रामे वणांरो नाम इश्माएल राख्यो। पण सारै हाजिरा हूं चिढवे लागी। जेरां इश्माएल तेरह साल रो हो, जेरां परमेश्वरे अब्राम हुं फेर वात किदी।

पसे परमेश्वरे केयूं के, "मुं सर्व-शक्तिमान परमेश्वर हूँ। मुं थारे हातीं एक वाचा बाँधूँगा।" पसे अब्रामे जगा माते पडिन दंडवत किदो। और परमेश्वरे अब्राम हूं यो भी केयूं के, "थूं बोत सी जातियाँ रो पिता वेगा। मुं थारे वंशजां ने वणांरी निज भूमि वेवा रे लिए कनान देश दूंगा और मुं सदा रे लिए वणांरो परमेश्वर वेऊँगा। थने आपणें घरानां रा हर आदमी रो खतनो करणों है।

थारे घेरवालीं सारै एक बेटा ने जणेगा - वो वायदा रो बेटो वेगा। और वणारो नाम थूं इसहाक राखजे। मुं वणांरे हातीं आपणीं वाचा ने वणायी राखूँगा और वो एक बड़ी जाति वणी जाएगा। मुं इश्माएल ने भी एक बडी जाति वणाऊँगा, पण मारी वाचा केवल इसहाक रे हातिस रेगा।” पसे परमेश्वरे अब्राम रो नाम बदलिन अब्राहम करी दिदो, जणारो अर्थ है बोत जणां रो पिता"। और परमेश्वरे सारै रो नाम भी बदलिन सारा करी दिदो, जणारो अर्थ है "मूलमाता"।

वणे दन अब्राहम आपणे घरानां रा सब आदमियाँ रो खतनो किदो। लगभग एक साल रे बाद, जेरां अब्राहम 100 साल री उमर रो हो और सारा 90 साल री ही, पसे साराए अब्राहम रा बेटा ने जनम दिदो। जिस्तर परमेश्वरे वणांने केयूं हूं वणां वणांरो नाम इसहाक राख्यो।

जेरां इसहाक जवान वेयो तो परमेश्वरे यो केइन अब्राहम रा विश्वास री परीक्षा किदी के, "आपणां एकलौता बेटा ने ले, और वणांने मारे लिए बलि रे रूप मे मारी दे।" पसे फेर हुं अब्राहमे परमेश्वर री वात ने मानिन आपणां बेटा ने बलि करवा रे लिए तैयार किदो।

जेरां अब्राहम और इसहाक बलि चढावा रा स्थान री ओर जावे लागा तो इसहाके पुछयूं के, "हे पिता, आपणें कोडे बलि रे लिए लाकड़ां तो हीं, पण बलि करवा रो मेम्नो कटे है?" पसे अब्राहमे जवाब दिदो के, "हे मारा बेटा, परमेश्वर बलि करवा रे लिए मेम्ना रो उपाय खुद करेगा।"

जेरां वा बलि चढावा रा स्थान पे पोंछी ग्या, तो अब्राहमे इसहाक ने बाँधिन वेदी पे हुवाडी दिदो। पसे वो आपणां बेटा ने मारवास वालों हो के परमेश्वरे वणाहुं केयूं के, "रुक जा! और आपणां बालक(बेटा) ने नुकसान मत पोंचा! क्योंकि अबार मुं जाणी ग्यो हूं के थूं मारो भय माने है क्योंकि तई आपणें एकलौता बेटा ने भी मई हुं हपाड़िन नी राख्यो।"

लगतांस अब्राहमे एक मिढ़ा ने देख्यो ज्यो झाडियाँ मे फंसियो हको हो। क्योंकि इसहाक रे बदला मे बलि रे लिए परमेश्वरे खुद एक मिढ़ा रो उपाय किदो हो। पसे अब्राहमे खुशी-खुशी वणां मिढ़ा री बलि चढावी दिदी।

पसे परमेश्वरे अब्राहम हुं केयूं के, "थूं मारे लिए सब कुछ देवा ने इच्छुक हो, और अटे तक के आपणां एकलौता बेटा ने भी, अणीं वाते मुं थने आशिष देवा रो वायदों करूँ हूँ। और थारा वंशज अणां आकाश रे ताराँ हूं भी अधिक वेगा। क्योंकि तई मारी आज्ञा ने मान्यी हीं अणी वाते मुं थारे परिवार रे द्वारा अणां पुरा जगत री सब जातियाँ ने आशिष दूँगा।"