6. परमेश्वर इसहाक रे लिए प्रबंध करे है

जेरां अब्राहम बोत ही बूढ़ो वेई ग्यो हो तो वणांरो बेटो, इसहाक, एक जवान री उमर रो वेई ग्यो हो। अणी वाते अब्राहमे आपणां एक दास ने आपणां बेटा इसहाक रे लिए वणां देश हुं एक लाडी लावणा रे लिए भेज्यो जटे वणांरा रिश्तेदार रेता हा।

जटे अब्राहम रा रिश्तेदार रेता हा वणां देश मे जावा री एक बडी लाम्बी यात्रा रे बाद परमेश्वरे वणां दास री मुलाकात रिबका हूं करायी। ज्या अब्राहम रा भाई री पोती ही।

रिबका आपणां परिवार ने छोडिन वणां दास हातीं पासी जावा रे लिए मानी ग्यी। पसे जेरां वा पासा कनान देश मे अब्राहम कोडे पोंछी ग्या तो इसहाके रिबका हूं विवाह कर लिदो।

पसे लंबा समय रे बाद, अब्राहम मरी ग्यो। पसे परमेश्वरे अब्राहम रा बेटा इसहाक ने, अब्राहम रे हातीं बाँध्यी ग्यी वाचा री वजह हुं आशीष दिदी। और वणीं वाचा मे परमेश्वर रो एक वायदों हो के अब्राहम रा अनगिनत वंशज वेगा। पण इसहाक रे घेरवालीं रिबका रे कोई संतान उत्पन्न नी वेयी ही।

इसहाके रिबका रे लिए प्रार्थना किदी, और परमेश्वरे वणींने जुडवाँ बच्चां रो गर्भ धारण करवा मे सक्षम किदी। और जणीं समय वा बच्चां रिबका रा गर्भ मे हा वा आपस मेईस लडवे लागा, अणीं वात ने और ज्यो कई भी वेई रेयो हो रिबकाए वो सब परमेश्वर ने वतावी दिदो।

परमेश्वरे रिबका हूं केयूं के, "थूं दो बेटां ने जनम देगा। और वणांरा वंशज दो अलग- अलग जातियाँ वणेंगा पण बड़ा बेटा हूं उत्पन्न थावा वाली जाति ने छोटा बेटा हूं आवणां वाली जाति री आज्ञा ने माननी वेगा।"

जेरां रिबका रे बच्चां रो जनम वेयो, तो बड़ो बेटो लाल और रोएँदार हो, और वणां वणारो नाम एसाव राख्यो। और छोटो बेटो एसाव री एड़ी ने पकड्यो हको जनम्यो, और वणां वणारो नाम याकूब राख्यो।