8. परमेश्वर यूसुफ और वणांरा परिवार ने वचाडे है

बोत सालां रे बाद, जेरां याकूब बोत ही बूढ़ो वेई ग्यो हो, तो वणीं आपणां प्रिय बेटा यूसुफ ने वणांरे भाइयां री जाँच करवा रे लिए भेज्यो ज्या जनावरां रा झूंडा री देखभाल करी रेया हा।

यूसुफ रा भाई वणांहुं बोत ही ईर्ष्या करता हा क्योंकि वणांरो पिता वणाहुं ज्यादा प्रेम करतो हो और अणीं वाते भी के यूसुफे एक हपनो देख्यो हो के वो वणां सब भाइयां रो शासक वेई जाएगा। और जेरां यूसुफ आपणें भाइयां रे कोडे आयो तो वणां वणांने बाँधी दिदो और वणाने दासां रो व्यापार करवा वालां ने वेची दिदो।

घर पासा जावा हूं पेलां यूसुफ रा भाइयां यूसुफ रा कपडां ने फाडिन बाकरी रा लोई हूं भिगोई दिदा। पसे वणां वा कपडां आपणां पिता ने दिखाया ताकि वो यो होचेगा के कणीं जंनावरे यूसुफ ने मारी दिदो है। और अणीं वात हूं याकूब बोत ही उदास हो।

दासां रो व्यापार करवा वालां वा लोग यूसुफ ने मिस्र मे लेईन ग्या। ज्यो नील नदी रे किनारे वसियो हको हो एक बडो और शक्तिशाली देश हो। और वणां दासां रो व्यापार करवा वालां यूसुफ ने एक धनी सरकारी अधिकारी ने दास रे रूप मे वेची दिदो। लेकिन यूसुफे आपणां स्वामी री अच्छी तरह हूं सेवा किदी, और परमेश्वरे भी यूसुफ ने आशीष दिदी।

वणांरा स्वामी रे घेरवालिंए यूसुफ रे हातीं हुवा (मतलब?) री कोशिश किदी, पण यूसुफे अणी रीति हूं परमेश्वर रे विरुद्ध पाप करवा हूं इनकार कर दिदो। अणीं वाते वा बोत ही क्रोधित वेई ग्यी और यूसुफ पे झूठो आरोप लगावी दिदो, अणीं वाते वणांए गिरफ्तार करिन जेलखाना मे भेज दीदो। लेकिन अटे तक के जेलखाना मे भी, यूसुफ परमेश्वर रे प्रति विश्वास योग्य रेयो, अणीं वाते परमेश्वरे वणांने आशीष दिदी।

दो सालां रे बाद, यूसुफ अबार भी जेलखाना मेस हो, और भलेई वो निर्दोष हो। एक रात, फिरौने, जिस्तर के मिस्री लोग आपणां राजा ने पुकारता हा, वणीं दो हपनां देख्या जणां वणाने अत्यधिक घबराई दिदो। और वणांरे कोई भी सलाहकार वणांने वणां हपनां रो अर्थ नी वतावी सक्या हा।

परमेश्वरे यूसुफ ने हपनां रो अर्थ वताडवा रो वरदान प्रदान किदो हो, अणीं वाते फिरौने यूसुफ ने जेलखाना हूं आपणें कोडे बुलायो। और यूसुफे वणाने वणां हपनां रो अर्थ वतायो और केयूं के, "परमेश्वर भरपुरी री फसल वालां हात सालां रे बाद अकाल रा हात साल भेजवा वालों है।"

फिरौन यूसुफ हूं अतरो प्रभावित वियो के वणीं वणांने मिस्र रो दूसरों सब हूं शक्तिशाली पुरूष नियुक्त कर दिदो।

यूसुफे सब लोगां हूं अच्छी फसल वालां हात सालां मे बडी मात्रा मे अनाज ने जमा करवा रे लिए केयूं। पसे जेरां हात सालां रो अकाल आयो तो यूसुफे लोगां ने वो अनाज वेची दिदो ताकि वणां कोडे खावा रे लिए अनाज पर्याप्त वे।

वो अकाल केवल मिस्र मेस नी हो, पण कनान मे भी भयंकर हो जटे याकूब और वणांरो परिवार रेतो हो।

अणीं वाते याकूबे आपणें सब हूं बडा बेटां ने अनाज खरीदवा रे लिए मिस्र मे भेज्या। और जेरां वा अनाज खरीदवा रे लिए यूसुफ रे हामे खड़ा थाया तो वणां भाइयां यूसुफ ने नी पेचाण्यो। पण यूसुफे वणांने पेचांण लिदा।

यो पतो करवा रे लिए के कई वा बदली ग्या हीं वणांरी जाँच करवा रे बाद, यूसुफे वणांहूं केयूं के, "मुं थाँरो भाई यूसुफ हूं! लेकिन थां समको हके। क्योंकि जेरां थां मने दास रे रूप मे वेची दिदो हो तो थां बुरो करवा रो ठान्यो हो, पण परमेश्वरे वणीं बुराई ने भलाई रे लिए उपयोग किदी! अणीं वाते थां सब आवो और मिस्र मेइस रियो ताकि मुं थांरे लिए और थांरे परिवारांं रे लिए भोजन रो प्रबंध कर सकूँ।"

जेरां यूसुफ रा भाई पासा आपणें घरे परा ग्या, तो आपणें पिता याकूब ने वतायो के यूसुफ अबार भी जीवतो है और ये वात हुंणीन याकूब बोत ही खुश वेयो हो।

हालाँकि याकूब बोत ही बूढ़ो व्यक्ति हो तौभी वो आपणें पुरा परिवार रे हातीं मिस्र देश मे परो ग्यो, और पसे वटेस वसी ग्यो। और याकूब रे मरवा हूं पेले, वणीं आपणें सब बेटां ने आशीषित किदा।

वाचा रा वा वायदा ज्या परमेश्वरे अब्राहम हूं किदा हा वा इसहाक पे और वणारे बाद याकूब और वणारे बाद वणांरे बारह बेटां और वणांरे परिवारांं पे आवी ग्या हा। और वणां बारह बेटां रा वंशज इस्राएल रा बारह गोत्र वणीं ग्या।