12. बाहरे जिबाटा

इसरायली लोक मन मिस्र ले निकली करी खुबे हरिक रहुआत। हाय मन अबर नौकर ना रेउआत, आउरी हाय मन प्रतिज्ञार देस ने जायते रेउआत ! जोन टा बले इसरायली मन माँगुआत मिस्री मन हाय सबु के देउआत, एथानले बले सोना आउरी चाँदी आउरी दूसरा महगा टा मन देउआत। अलगा देसर खिनिक मा लोक मन परबु उ परे विश्वास करूआत आउरी जेबे इसरायली मन मिस्र थानले निकलू आत तेबे हाय मन बले तिकरी संगे मीली जाउ आत।

दिन बेरा बादरीर गोटक बड़े खम्बा तिकर् छोमे –छोमे हिंडला। आउरी राती बेरा हाय जोय र खम्बा बनी गला। परबु जोन कि हाय बादरीर खम्बा ताने आउरी जोय र खम्बा ताने रेउआय, हमेशा तिकर संगे रेउआय आउरी हाय सफ़र करबा दाय तिकर अगुआई कारुआय। हाय मनके सिर्फ अतक करबा टा रेउआय कि हातार पीटी बाटे हिन्डोत।

खिनिक मा बेरा र बाद, फिरोन आउरी हातार लोक मन अपना मन के बदलू आत। हाय मन इसरायली मनके फिरले गुलाम बनायबार चायते रेउआत। एकाचे हाय मन इसरायली मनर पीछा करूआत एटा परबु रेउआय जोन तिकर मन के बदली रेउआय। हाय अमता एकाचे करू आय कायकाचे कि हाय चाहते रहुआय कि सबु लोक एटा जनोत कि फिरोन ले आउरी मिस्री मनर सबु देवता मनले हाय, यहोवा खुबे सक्तिशाली आय।

जेबे इसरायली मन मिस्र र सेना र आयबाटा के दखुआत तेबे हाय मनके मालूम होउ आय कि फिरोन र सेना आउरी लाल समुंद र मजिगता फंसी गलु। हाय मन खुबे डरी जाउआत आउरी कान्दके मुराउआत, ’’हामी मिस्र के कयकाचे छाड़लु? हामी मोरू आव बे!’’

मूसा इसरायली मनके बोलू आय कि, ’’डरबाटा बंद करा! परबु आजी तोमर काचे लड़सी आउरी तोमके बचायसी।’’ तेबे परबु मूसा के बोलुआय, ’’ए लोक मन के लाल समुंद बाटे आगे जीबा काचे बोल।’’

तेबे परबु हाय बदरिर खम्बा के धरिकरी इसरायली आउरी मिस्री मनर मजी गता सोंगाय देउआय कि मिस्री मन इसरायली मनके दखके ना सकोत।

परबु मूसा के समुंद ताने हाथ बड़ायबा काचे बोलुआय। पाचे परबु हवा ले पानी के डेबरी बाटे आउरी बुजनी बाटे करी देउआय, जार लागी करी समुंद्र थानले होई करी गोटक बाट बनी जाउआय।

इसरायली लोक अपना दुनो बाटे पानी र काति र संगे सुकला भुई ताने होइकरी हिंडूआत।

तेबे परबु हाय बाट ले बादरी के उठाय देउआय कि मिस्री लोक मन इसरायली लोक मनके बाची करी जीबा दाय दखोत। मिस्री मन हाय मन के धरबा काचे तिकर पीछा करबार निर्णय धरुआत।

अतः हाय मन समुन्द्र र जरिया ले हाय बाट ताने इसरायली मनर पीछा करुआत, मानतर परबु मिस्री मनके घबराय देउआय आउरी तिकर रथ मनके अटकाय देउआय। हाय मन चिचायके मुराउआत, ’’पोरा! इसरायली मन बाटले परबु लड़सी आचे।’’

सबु इस्राएली समुद्र र दूसरा बाटे खेटी गलाय। तेबे परबु मुसा के बोलला कि हाय आउरी पानी ताने हाथ बड़ाव। जड़क दाय मुसा असन करेउआय, तेबे पानी मिस्रर सेना मन ताने आई गला आउरी निजर पयलर जसन होई गला। सबु मिस्रर सेना बुड़ी गलाय।

जड़क दाय इस्राएली मन दकलाय कि मिस्री मन मोरी जाई रेलाय तेबे हाई मन परबु र उ परे भरोसा करुआत। हाय मन विशवास करुआत कि मूसा परबु बाटर भाविषयवक्ता रेउआय।

इसरायली मन एकाचे बले खुबे हरिक रेलाय कायकाचे कि परबु हाय मनके आउरी दास होयबा ले बाचाय रेउआय। अबर परबु र आराधना करबा काचे आउरी हातार आज्ञा र पालन करबा काचे आजाद रेलाय। इसरायली मन अपना आजादीर परब बनायबा काचे आउरी परबुर परसंसा करबा काचे कई गीत के गाउआत कायकाचे कि हाय हाय मनके मिस्री मनर सेना ले बचाय रेउआय।

परबु इसरायली मनके हर बोरस गोटक परब बनायबार देउआय एसुरताकरबा काचे कि कसन परबु मिस्री मन के हारायला आउरी हाय मनके दास होयबा ले आजाद करेउआय। एटा फसहर परब बोलाय होई रेउआय। इताने हाय मनके परब बनायबा काचे गोटक स्वस्थ मेमना के बली करबा टा रेउआय, ताके भूंज बाटा रेउआय, आउरी हाके बिना खमीरर रोटी संगे खयबा टा रेउआय।