31. यीशु पानी ताने हिंडू आय

पांच हजार लोक के भोजन कराय लार पाचे, यीशु निजर चेला मनके डोंगा ने चेगबा काचे बोलुआय। हाय तीके झीलर दूसरा बाटे जीबा काचे बोलुआय जबकि हाय खिनिक मा बेरा काचे हाई ताने ठेबी जाउ आय। अतः चेला मन चले जाउ आत आउरी यीशु भीड़ के विदा करूआय कि हाय मन निजर घरे जाओत। एतार पाचे यीशु पारतना करबा काचे गोटक डोंगरी ने जाउआय। हाय ताने हाय एकला रेउआय, आउरी हाय देर राती तक पारतना करूआय।

हाय बेरा, चेला मन निजर डोंगा ताने जायते रेउआत, मांतरहव्वा तिकर विरुद्ध ने खुबे जोर ले बहते रेउआय। खुबे राती होयलार पाचे बले हाय मन केवल बीच ने खेटी रेउआत।

हाय बेरा यीशु पारतना करबा टा सराउ आय आउरी निजर चेला मन लगे लेवटबा टा शुरू करूआय। हाय डोंगा बाटे जीबा काचे पानी उपरे हिंडते रेउआय।

तेबे चेला मन हाके दखुआत। हाय मन खुबे डरी जाउ आत कायकाचे कि हाय मन सोची रेउआत कि हाय कोनी भुत आय। यीशु जानते रेउआय कि हाय मन डरी जाई रेउआत, एकाचे हाय आवाज दि करी बोलुआय, ’’ना डरा,एटा मुई आंय!’’

तेबे पतरस यीशु के बोलुआय, ’’हे परबु,एटा अगर तुई आस तो मोके पानी ताने हिंडी करी तोर लगे आयबा काचे आदेस देस।’’ यीशु पतरस के बोलुआय, ’’आ!’’

अतः पतरस डोंगा थानले उतरी जाउ आय आउरी यीशु लगे जीबा काचे पानीर उपरे हिंडके मुराउ आय। मांतरखिनिक मा दूर जाई करी, हाय निजर आँकी के यीशु बाटले गुचाउआय आउरी लहर के दखुआय आउरी तेज हव्वा के महसूस करके मुराउ आय।

तेबे पतरस डरी जाउ आय आउरी पानी ने डूबते रेउआय। हाय किरकिरू आय,हे परबू मोके बाचाव! ’’यीशु हड़कीच दाय हाथ बड़ाय करी हाके धरुआय। तेबे हाय पतरस के बोलुआय, ’’तोर विश्वास खुबे कम आय! तोके बाचायबा काचे तुई मोर उपरे भरोसा काय काचे ना करलीस?’’

तेबे यीशु आउरी पतरस डोंगा ताने चेगुआत, आउरी हड़कीच दाय हवार बह बा टा बंद होई जाउ आय। पानी शांत होई जाउ आय। चेला मन चकित होईकरी यीशुर छोमे मांडी खुठा देउआत। हाय मन हातार आराधना करूआत आउरी हाके बलुआत,’’सचमुच तुई परबुरु बेटा आस।’’