33. गोटक किसानर कहानी

गोटक दिने, यीशु झीलर रेटे रेउआय। हाय लोक मनर गोटक खुबे बड़े भीड़ के शिक्षा देयते रेउआय। हाके सुनबा काचे अतक खुबे लोक मन आउआत कि यीशु लगे गोटायबा काचे हाय लगे पुरेला मा जागा ना रेउआय। एकाचे हाय डोंगा ने चेगु आय। हाय ताने हाय बोसु आय आउरी लोक मनके शिक्षा देउआय।

यीशु हाय मनके ए कहानी सांगूआय, ’’गोटक किसान बीज बोयाबा काचे बाहरे निकालू आय। जेबे हाय हाथ ले बीज मनके बिखरते रेउआय तो खिनिक मा बीज बाटे घसरू आय। मांतरचेड़े मन आई करी हाय सबु बीज मनके खाई देउआत।’’

‘’दूसरा बीज पथरीली भुई ताने घसरू आय जोन ताने खुबे कम भुई रहआय। पथरीली भुई ताने घसरेला बिज खुबे झोपके गाजा पोकउ आय, मांतरहातार चेर भुई ताने गहराई ने जायके ना सकूआत। जेबे बेर निकालू आय आउरी घाम होउआय तो हाय बूटा मन मुरझाउ आत आउरी मोरी जाउ आत।’’

‘’तेबले बले दूसरा बीजा मन झाडी मनर मंजी गता घसरू आत। हाय बिज मन बाड़बा टा शुरू करूआत, मांतरकाँटा मन हाय मनके दबाय देउआत। कांटेदार भुई ने घसरेला बीज मन थानले बूटा मन निकलूआत। मांतर हाय बूटा मन थानले कोनी बले अनाज जनमाय के ना सकुआत।’’

‘’दूसरा बिज मन अच्छा भुई ताने घसरूआत। हाय बिज बाडू आत आउरी जतक बिज बोई रहू आत हाय थानले 30,60,आउरी एथानले बले 100 गुना अनाज उत्पन्न करूआत। जोन कोई बले परबुर पीटी बाटे हिंड बार चाहसि आचे, हाय ए बात के ध्यान दो, जोनटा के मुई बोलबी आची!’’

ए कहानी चेला मनके उलझन ने डाली देउआय। एकाचे यीशु समझाउआय, ’’हाय बीज परबुर वचन आय। हाय बाट गोटक असन माने आय जोन परबुर वचन के सुनुआय, ’’मांतरहाके समझू नुआय। तेबे शैतान हातार लगले वचन के चोरी करी नेउआय। अर्थात शैतान हाके वचन के समझबा ले दूर सोंगाउ आय।’’

‘’हाय पथरीली भुई असन माने रेउआय जोन परबुर वचन के सुनु आय आउरी हरिक संगे हाके स्वीकार करूआय। मांतरजेबे मुस्किल बेरा आउआय, या जेबे दूसरा लोक मन हाके सताउ आत, तो हाय परबु ले दूर चले जाउ आय। अर्थात हाय परबु उपरे भरोसा करबा टा बंद करी देउआय।’’

‘’हाय कांटेदार भुई अमता माने आय जोन परबुर वचन के सुनु आय। मांतरहाय खुबे असन गोट ने चिंता करबा टा शुरू करी देउआय, आउरी हाय खुबे असन धन कमाय बा काचे प्रयास करूआय, आउरी खुबे असन चीज मनके पायबार प्रयास करूआय। खिनिक मा बेरार पाचे, अबर हाय परबु के मया करके ना पारु आय। एकाचे जोन बले हाय परबुर वचन ले सीखी रेउआय हातर ले हाय परबु के हरिक ना करके पारुआय। हाय गेंहूर डंठल अमता आय जोन कोनी बले अनाज उत्पन्न ना करूआय।’’

‘’मांतरअच्छा भुई ने घसरेला बीज हाय माने आय जोन परबुर वचन के सुनु आय, आउरी हातार उपरे विश्वास करूआय, आउरी पाक उत्पन्न करूआय।’’