34. यीशु दूसरा कहानी मनर शिक्षा देउआय

यीशु परबुर राजर बारे ने दूसरा खुबे कहानी सुनाउआय। उदाहरण काचे, हाय बोलुआय, ’’परबुर राज गोटक राइर बिजा जसन आय जाके कोनी निजर बेड़ा ताने बोउआय। तोमी जानास कि राईर बीज सबु बीज ले छोटे होउ आय।’’

‘’मांतरजेबे राईर बीजा बड़े होई जाउ आय तो हाय बगीचा थानर गच मन थानले सबु ले बड़े होउ आय, अतक बड़े होउ आय कि हातार शाखा ने आराम करूआत।’’

यीशु गोटक दूसरा कहानी सांगूआय, ’’परबुर राज खमीरर जसन आय जाके दरी करी गोटक बायले आंटार पिंड ने मिलाय देउआय तेबे हाय सबु पिंड ने फैली जाउ आय।’’

‘’सरगर राज हाय खजानार जसन आय जाके कोनी बेड़ा ताने लुकाय देउआय। कोनी दूसरा माने के हाय खजाना मीली जाउ आय आउरी हाय हाके पायबार खुबे चाह करूआय। एकाचे हाय ताके फिर ले गाडी देउआय। हाय आनंद ले अतक भारी रेउआय कि हाय जाईकरी निजर सबु के बिकी देउआय ताकि हाय हाय बेड़ा के घेनके सको जोन ताने हाय खजाना रेउआय।’’

‘’सरगर राज गोटक खुबे कीमती शुद्ध मोतीर जसन बले आय। जेबे कोनी मोतीर व्यापारी हाके पाउआय तो हाय हाके घेनबा काचे निजर सबु के बिकी देउआय।

हाय ताने खिनिक मा लोक मन रहुआत जोन मन सोचते रेउआत कि परबु हाय मनके एकाचे स्वीकार करसी काय काचे कि हाय मन भला काम करबा आत। ए लोक मन अमता लोक मनके तुच्छ मानते रेउआत जोन मन हाय भला काम मनके ना करते रेउआत। एकाचे यीशु हाय मनके ए कहानी सांगूआय: ’’दुई ठन माने मन रेउआत आउरी दुनो पारतना करके मंदिर ने जाउ आत। हाय थानले गोटक चुंगी धरबा बीता रेउआय, आयरी दूसरा गोटक धार्मिक अगुआ रेउआय।’’

‘’हाय धार्मिक अगुआ ए प्रकार ले पारतना करूआय, ’हे मोपरु,तोर धनेवाद हो कि मुई दूसरा लोक मन जसन – जसन कि डाकू, अन्यायी माने, व्यभिचारी, या एथानले बले कि एताने आचे हाय चुंगी धरबा माने जसन गोटक पापी नुआय।’’

‘’उदहारण काचे, मुई सबु सप्ता ने दुई बार उपास सोंगाउ आय, आउरी मुई मोके मिलबा बीती धन आउरी सामानर दसवा हिस्सा तोके देउआय।’’

“मांतरहाय चुंगी धरबा बिता हाय धार्मिक अगुआ ले दूर ठिंया होई जाउ आय। हाय उपरे सरग बाटे आंखी बले ना उठाउ आय। एतार बजाय हाय निजर मुठ्ठी ले निजर छाती के पेटु आय आउरी पारतना करूआय, कि हे परबु, किरपा करी मोर उपरे दया कर कायकाचे कि मुई गोटक पापी आय।”

भतरी :- पाचे यीशु बोलुआय, ’’मुई तोमके सते बोलबी आची, परबु हाय चुंगी धरबा बीतार पारतना के सुनला आउरी हाके धरमी घोषित करला। मांतरहाय धार्मिक अगुआर पारतना के मन ना करूआय। एकाचे परबु सबु के जोन मन घमंडी आत, तीकर आदर ना करे, मांतर हाय सबु लोक मनर आदर करसी जोन खुद के नम्र करूआय।’’